(උපාලි ආනන්ද)
මේජර් ජනරාල් ජානක පෙරේරා මහතා ඇතුළු 31 දෙනෙකු මරාගෙන මැරෙන බෝම්බ ප්රහාරයකින් ඝාතනය කිරීමේ සිද්ධිය සම්බන්ධයෙන් අනුරාධපුර මහාධිකරණය හමුවේ අධි චෝදනා 48 ක් ලබා සිටි දෙවැනි විත්තිකරු චෝදනා 48 න් චෝදනා 31 ට වරදකරු බවට අනුරාධපුර විශේෂ මහාධිකරණයේ හිටපු විනිසුරු සහ ගම්පහ පළාත්බද සිවිල් අභියාචනා මහාධිකරණ විනිසුරු ඛේමා ස්වර්ණාධිපති මහත්මිය තීන්දු කළාය.
ඒ අනුව පළමු දෙවැනි සහ තුන්වැනි චෝදනාවන්ට විත්තිකරුට වසර 20 බැගින් වෙන් වෙන් වශයෙන් වසර 60 ක බරපතල වැඩ සහිත සිරදඬුවමක් නියම කළ මහාධිකරණ විනිසුරුවරිය එම සිර දඬුවම් කාලය වෙන් වෙන් වශයෙන් ගෙවී යා යුතු බවට ද නියෝග කරනු ලැබුවාය.
ඊට අමතරව 4 සිට 31 දක්වා සියලු අධි චෝදනවන්ට ද විත්තිකරු වරදකරු බවට නිගමනය කල මහාධිකරණ විනිසුරුවරිය එම සියලු චෝදනාවන්ට විත්තිකරුට ජීවිතාන්තය දක්වා සිරදඩුවම් නියම කළාය.
විත්තිකරුට එරෙහිව නීතිපතිවරයා විසින් නගා තිබු 32 සිට 48 දක්වා චෝදනාවන්ට ඔහු නිවැරදිකරු බවට නිගමනය කල මහාධිකරණ විනිසුරුවරිය එම චෝදනාවන්ගෙන් විත්තිකරු නිදහස් කිරීමටද නියෝග කළාය.
විත්තිකරුට අයත් සියලු දේපල රාජ සන්තක කිරීමටද තවදුරටත් නියෝග කල මහාධිකරණ විනිසුරුවරිය එල්ටීටීඊ සංවිධානයේ නායක වේලිපිල්ලේ ප්රභාකරන් විසින් විත්තිකරුට තෑගි ලෙස ලබා දී තිබු ඉහල වටිනාකමකින් යුත් ස්විස් වර්ගයේ අත් ඔරලෝසුව සහ සයිනයිට් කරල සහ සර්ට් එක ත්රස්ත විමර්ශන කොට්ඨාසය මගින් ස්ථාපිත කිරීමට අපේක්ෂිත කෞතුකාගාරයට බාර දෙන ලෙසටද නියෝග කෙරිණි. මෙසේ දඩුවම් නියම වූයේ උමාර් හබ්තාබ් නැමැත්තාටයි.
මේජර් ජනරාල් ජානක පෙරේරා මහතා ඇතුළු 31 දෙනෙකු මරාගෙන මැරෙන බෝම්බ ප්රහාරයකින් අනුරාධපුරයේදී ඝාතනය කිරීමේ සිද්ධියට අදාළ නඩුව අනුරාධපුර මහාධිකරණයේදී අද (21) යළි කැදවූ අවස්ථාවේ දී මෙසේ නියෝග කෙරිණි.
මේ අතර මෙම අපරාධයට අධාර අනුබල දුන් බවටත් ඒ සදහා කුමන්ත්රණය කල බවටත් අධිකරණය හමුෙවි වරද පිළිගත් එල්.ටී.ටී.ඊ සංවිධානයේ මරාගෙන මැරෙන බෝමිබ පුපුරුවා හැරිෙමි අංශයේ හිටපු කර්නල්වරයෙකුට වසර විස්සක බරපතල වැඩ සහිත සිර දඩුවමක් උතුරු මැද පළාත් බද මහාධිකරණයෙන් මීට පෙර නියම කළේය. මෙම අපරාධයට අධාර අනුබල දීමේ වරදට වසර දහයක්ද කුමන්ත්රනය කිරීමේ වරදට වසර දහයක්ද වශයෙන් වෙන් වෙන්ව මෙම විසි වසරක බරපතල වැඩ සහිත සිර දඩුවම නියම කෙරිණ,
මේජර් ජෙනරාල් ජානක පෙරේරා මහතා ඇතුළු 31 දෙනෙකු අනුරාධපුරයේ දී මරාගෙන මැරෙන බෝම්බ ප්රහාරයකින් ඝාතනය කෙරුණේ 2008 වසරේ ඔක්තෝබර් 6 වැනි දාය.
මේජර් ජෙනරාල් ජානක පෙරේරා මහතා සමඟ අනුරාධපුරයේ හිටපු කීර්තිමත් දක්ෂ ජ්යෙෂ්ඨ නීතිඥයෙකු වන ඒ.සී.එස්.හමීඩි, නීතිඥ එමි.අනුර්දීන් සහ නිතිඥ තනුජා රාජපක්ෂ යන මහත්ම මහත්මීන් එම ස්ථානයේදිම මිය ගිය අතර වෛද්ය නන්ද පුෂ්ප කුමාර මහතා ඇතුළු තවත් පිරිසක් බරපතල තුවාල ලැබූහ. මෙම නඩුවේ සාක්ෂිකරුවන් ලෙස 152 දෙදෙනකු නීතිපතිවරයා විසින් නම් කරනු ලැබ සිටිති.
පැමිණිල්ල වෙනුවෙන් රජයේ නියෝජ්ය සොලියුස්ටර් ජනරාල් සුදර්ශන ද සිල්වා, සහ රහස් පොලිසියේ නිලධාරීහු පෙනී සිටිති.
අගතියට පත් පාර්ශවයේ අයිතිවාසිකම් වෙනුවෙන් ජ්යෙෂ්ඨ නීතිඥයින් වන නිමල් මාරසිංහ සජීව ගුණරත්න චාන්දනී හටංගල, ආරියරත්න වික්රමආරච්චි ආනන්ද පේ්රමරත්න යන මහත්ම මහත්මීන් සමඟ නීතිඥ කාලිංග රවින්ද්ර මහතා ඇතුළු නීතිඥවරු කණ්ඩායමක් පෙනී සිටියහ. විත්තිකරු වෙනුවෙන් නීතිඥ මහින්ද ජයවර්ධන මහතා පෙනී සිටියේය.
බෙල්ජියම් ජාතිකයකුට රුපියල් 800 ක මුදලකට උළුඳු වඩේ එකක් සහ ප්ලේන්ටියක් අලෙවි කළ බව කියන සංචාරක මග පෙන්වන්නකු අත්අඩංගුවට ගත් බව සංචාරක පොලිසියේ නිලධාරි
විදුලි බල මණ්ඩලයේ ඉංජිනේරුවකු අමානුෂික ලෙස ඝාතනය කර ශරීරය කොටස්වලට කපා සඟවා තැබීම සම්බන්ධයෙන් මහාධිකරණ මරණ දඩුවම නියමව වසර 35 ක් සැගව සිටි චූදිතයකු පූ
ශ්රී ලංකා නිදහස් පක්ෂයේ හිටපු නායකයා ඉවත් කර මේ කොහේවත් ඉන්න නිදිකුම්බා නායකයකු පක්ෂයේ නායකයා කරගෙන පක්ෂය රනිල් වික්රමසිංහ මහතාගේ ඔඩොක්කුවේ තැබීම
කාසල්රි ජලාශයේ දිය නෑමට ගොස් පාසල් සිසුවකු අතුරුදහන් වි ඇති බව නෝටන්බ්රිජ් පොලිසිය පැවසිය.
මත්ද්රව්ය ළඟ තබාගෙන ජාවාරම් කිරීමේ සිද්ධියක් සම්බන්ධයෙන් රැඳවුම් නියෝග මත රඳවාගෙන සිටින සැකකරුවකුට ඩුබායි සිටින මත්ද්රව්ය ජාවාරම් කරුවකු දුරක
හික්කඩුව -බද්දෙගම මාර්ගයේ ගෝනපිනුවල ප්රදේශයේදී යතුරු පැදියක් ලොරියක ගැටීමෙන් තුවාල ලබා කරාපිටිය ශික්ෂණ රෝහලේ දැඩි සත්කාර ඒකකයේ ප්රතිකාර ලබමින් ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ජානක පෙරේරා නඩුවේ දෙවැනි විත්තිකරු චෝදනා 31 කට වරදකරු වෙයි
Cisco Tuesday, 21 May 2019 10:07 AM
මේ මොන දේ කලත් අපට හිටපු ශ්රේෂ්ඨ සෙන්පතියා නැවත ලැබෙන්නේ නැත.