(නිමල කොඩිතුවක්කු)
ජාතික ආරක්ෂාව වෙනුවෙන් බලය ඉල්ලා සිටින ගෝඨාභය රාජපක්ෂ මහතා යුද්ධය පැවති සමයේ මඩකළපුව ආඥාපති ලෙස කටයුතු කරමින් සිටියදී යුද්ධයට බියෙන් ඇමරිකාවට පලා ගිය බව කම්කරු අමාත්ය රවින්ද්ර සමරවීර මහතා පැවැසීය.
ජනතා අප්රසාදයට ලක්ව 2015 දී බලයෙන් පහ කෙරුණු රාජපක්ෂවරුන් ජාති වාදි, ආගම් වාදී භේද වපුරා බෝම්බ පුපුරවමින් යළි බලය ගැනීමේ උත්සාහයක නිරත වී සිටින බවත් අමාත්යවරයා සඳහන් කළේය.
කොළඹ වෝක්ෂෝල් වීදියේ පිහිටි එක්සත් ජාතික පෙරමුණේ ජනාධිපති අපේක්ෂක සජිත් පේ්රමදාස මහතාගේ ප්රධාන මෙහෙයුම් කාර්යාලයේ අද (9) පැවැති මාධ්ය හමුවකට එක්වෙමින් ඔහු මේ බව පැවැසීය.
එහිදී වැඩිදුරටත් අදහස් දැක්වූ කම්කරු අමාත්ය රවින්ද්ර සමරවීර මහතා මෙසේද කීවේය.
‘‘පිවිතුරු හෙළ උරුමයේ නියෝජ්ය නායක මධුමාධව අරවින්ද මහතා ඉල්ලා අසුවූ බව මාධ්ය වාර්තා පළ වුණා. පිවිතුරු හෙළ උරුමයේ පැවති සාකච්ඡාවකදී ඒ අය සහයෝගය දෙන අපේක්ෂකයා ජයග්රහණය කළාට පස්සේ මේ රටේ අනෙකුත් ආගම්වල ජනතතාවට කරන්න යන අඩත්තේට්ටම් පිළිබඳ ඒ අයගේ පටිගත කළ සාකච්ඡාවක වීඩියෝවක් පිටව ගොස් ඇති නිසා මධුමාධව මහතා ඉල්ලා අස්වී ඇති බව අපිට වාර්තා වුණා.
බැටලූ හම පෙරවගත්තට මේ අය කොහේ ගිහින් හැංගිලා හිටියත් වෘකයා, වෘකයාම තමයි. මේ වීඩියෝවෙන් ඒ අයට ලොකු- අවාසියක් වෙයි කියලා හිතලා දැන් බොරුවට අස්වෙලා තියෙනවා. මේ අය 2015 ට පෙර කළෙත් මේ දේවල්මයි. මේ අය 2020 ජයග්රහණය කළොත් රටට අබ සරණයි කියලා තමයි අපිට කියන්න වෙන්නේ.
අපේ ජනාධිපති අපේක්ෂක සජිත් පේ්රමදාස මහතා මේ වනවිට මුළු රටටම ආදර්ශයක් දීලා ඉවරයි. මධ්යම සංස්කෘතික අරමුදලින් සජිත් පේ්රමදාස මහතා විශාල වැඩකොටසක් කළා. දහම් පාසල්, වෙහෙර විහාර, බෞද්ධ සිද්ධස්ථාන විශාල ප්රමාණයක් එතුමා ඉදි කළා. බෞද්ධ ශාසනය වෙනුවෙන් අපි ගෙන ගිය මේ වැඩපිළිවෙළ රටට, ජාතියට, ආගමට මෙච්චර ආදරේ රාජපක්ෂලා දින 52 ආණ්ඩුවේදී නැවැත්තුවා.
රටට, ජාතිය, ආගම වෙනුවෙන් කැපවෙන පිරිසිදුම අපේක්ෂකයා තමයි අපේ ජනාධිපති අපේක්ෂක සජිත් පේ්රමදාස මහතා. වෙනත් ආගමිකයන්ටත් එතුමා පිළිබඳ සම්පූර්ණ විශ්වාසය තැබිය හැකියි. මේ වගේ රටට ආදර්ශමත් පුද්ගලයෙක් අපි අද රටේ නායකත්වය වෙනුවෙන් ඉදිරිපත් කරලා තියෙනවා.
අනික් පැත්තෙන් කියනවා ජාතික ආරක්ෂාව වෙනුවෙන් ගෝඨාභය රාජපක්ෂ පත් කරගන්නවලූ. ඔය කියන පුද්ගලයා අවුරුදු 30ක් තිබුණ යුද්ධයේදී මඩකලපුව බාර ආඥාපති. වෛද්ය වාර්තා ඉදිරිපත් කරලා යුද්ධය දාලා ගිහින් ඇමෙරිකාවේ නතර වුණා. දැන් කියනවා ජාතික ආරක්ෂාව වෙනුවෙන් මට රට බාර දෙන්නලූ.
2015ට පෙර පැවති ඒ තිර නාටකයමයි, ඒ අධ්යක්ෂනයමයි, ඒ නලූවමයි මෙවරත් එන්නේ. ඒ නිසා මේ අය පත් වුනොත් 2015ට පෙර තිබූ තත්වයේ දිගුවක් දැකගන්න ලැබේවි.
යළිත් බෝම්බ බියක් ඇති කර මේ අය වාසි ගන්න හදනවා. ජාතකි වාදි ආගම් වාදී භේද හදලා බෝම්බ පුපුරලවලා මේ අය අද දේශපාලන වාසි ගන්න හදනවා. ජනතාව මේ ගැන අවදියෙන් සිටිය යුතුයි. ඒ නිසා මේ තීරණාත්මක අවස්ථාවේදී කරුණාකරලා රට වෙනුවෙන්, තමන්ගේ දරුවන් වෙනුවෙන් හිතලා තීරණයක් ගන්න කියලා අපි ඉල්ලා සිටිනවා’’ යැයිද අමාත්යවරයා එහිදී පැවැසීය.
චීන කොමියුනිස්ට් පක්ෂයේ ජාත්යන්තර කටයුතු දෙපාර්තමේන්තුවේ නියෝජ්ය අමාත්ය සන් හයියන් (Sun Haiyan) මහත්මිය ඇතුළු චීන දූත පිරිස සහ දේශගුණික විපර්යාස පිළිබඳ
ඉරානය සහ ශ්රී ලංකාව අතර ද්විපාර්ශ්වික සබඳතා ශක්තිමත් කිරීමේ අරමුණින් අවබෝධතා ගිවිසුම් (MoUs) පහකට අත්සන් තැබූ බව ජනාධිපති කාර්යාලය පවසයි.
ශ්රී පාද උඩමළුව ආසන්නයේ රත්නපුර මාර්ගයේ ආරක්ෂක වැටකින් පහළට පැන ඉකුත් (19)දා සිට අතුරුදන්ව සිටි තරුණයා දින (05)කට පසුව නල්ලතන්නිය පොලිස් වසමට අයත්, රාජමල
ජනාධිපති රනිල් වික්රමසිංහ මහතා ඉදිරි ජනපතිවරණයට තරඟ කරන බවට නිල වශයෙන් ප්රකාශයට පත් කිරීමෙන් පසු පොදු ජන පෙරමුණේ ජනාධිපති ධුර අපේක්ෂකයා සම්බන්ධයෙ
දකුණේ ප්රබල දේශපාලනඥයකු තරග විභාගයකින් තොරව කොරියා රැකියා දෙන බව පවසා තරුණයන් 500කගෙන් රුපියල් කෝටි දෙක හමාරකට ආසන්න මුදලක් ලබාගෙන ඇතත් තවමත් රැකියා
පාර්ලිමේන්තු සභා ගර්භයේ සඟවා තිබී පාස්කු දා ප්රහාරය සම්බන්ධ විරෝධතා පාඨ සහිත පුවරු හතක් පොලිස් විශේෂ කාර්ය බළකා නිලධාරින් පිරිසක් විසින් අද (24) පෙරවර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගෝඨාභය යුද්ධයට බයේ ඇමෙරිකාවට පළා ගිය බව රවීන්ද්ර කියයි