(හර්ෂණ තුෂාර සිල්වා)
පැහැර ගැනීම්, අතුරුදන් කිරීම්, මානව හිමිකම් උල්ලංඝණය කිරීම් යනාදී අපරාධ නඩු තිබෙන නිලධාරීන්ට උසස් වීම දීම නුසුදුසු යැයි නිර්දේශ කළත් ඒවාට කිසිදු සැලකිල්ලක් දක්වා නැතැයි අතුරුදන් වූ තැනැත්තන් පිළිබඳ කාර්යාලයේ සභාපති ජනාධිපති නීතිඥ සාලිය පීරිස් මහතා අද (28) පැවැසීය.
ජාත්යන්තර ක්ෂමා සංවිධානයේ ශ්රී ලංකා කාර්යාලය සංවිධානය කළ ‘ද ටෙන්ට්’ ඡායාරූප ප්රදර්ශනයට එක්වෙමින් සාලිය පීරිස් මහතා ඒ බව සඳහන් කළේය.
කොළඹ හෝර්ටන් පෙදෙස ජේ.ඩී.ඒ. කලාගාරයේදී මෙම ඡායාරූප ප්රදර්ශනය පැවැත්විණි.
එහිදි අදහස් දැක්වූ සාලිය පීරිස් මහතා මෙසේ ද කීය.
“වගවීම සම්බන්ධයෙන් මේ වෙලාවේ රජයට විශාල වගකීමක් තිබෙනවා. අපරාධවලට වගකිව යුතු පුද්ගලයන් චෝදනා එල්ල වෙලා ඉන්න හමුදාවේ හෝ වෙනත් ආයතනවල පුද්ගලයන්ට උසස් වීම් දෙන්න වෙනත් තනතුරු දෙන්න රජය කටයුතු කරනවා නම් ජනතා විශ්වාසය නෙමෙයි වගවීම වත් ඇති කරගන්න බැහැ. අපි මේ සම්බන්ධයෙන් නිර්දේශ ඉදිරිපත් කළා. ඒවාට කිසිදු සැලකිල්ලක් දක්වලා නෑ කියලා තමයි කියන්න වෙන්නේ.
මේ රටේ අතුරුදන් වීම් වූ බව අපි පිළිගන්න ඕනේ. ඒ දේවල් ගැන අපි මීට වඩා සැලකිලිමත් වෙන්න ඕනේ. අපේ රටේ වගේම වෙනත් රටවලත් මේ වගේ දේවල් වෙලා තියෙනවා. ඒ ගැන විමර්ශන කරලා තියෙනවා. හොයලා බලලා තියෙනවා. එහෙම නොකරපු තැන් වුණත් තියෙනවා. ඕනෑම රටක උස් පහත් වීම් අඩුපාඩු ගුණදොස් වගේම යහපත් ප්රවණතා තියෙනවා.
හැමෝටම මේක දැනෙන්නේ නැහැ. තමන්ගේ ගෙදර කෙනෙක්ට මේ වගේ තත්ත්වයකට මුහුණ දෙන්න වෙන තෙක් ගොඩ දෙනෙක් මේක ප්රශ්නයක් විදියට වත් සලකන්නේ නැහැ. ගොඩක් අය හිතන්නේ අතුරුදන් වීම් වුණේ උතුරු විතරයි කියලා. 71, 88/89 කාලවල කොහෙද හිටියේ කියලා මට ඔවුන්ගෙන් එතකොට අහන්න වෙනවා”.
මෙහිදි අදහස් දැක්වූ සන්ධ්යා එක්නැළිගොඩ මහත්මිය මෙසේ සඳහන් කළාය.
“අතුරුදන් වූ තැනැත්තන්ගේ කාර්යාලය අපට සමීප නැහැ. එහි කාර්යභාරය ගැන අපට සතුටු වෙන්න පුළුවන්කමක් නැහැ. අතුරුදන් වූ තැනැත්තන්ගේ කාර්යාලය පසුගිය අවුරුද්දේ අගෝස්තු මාසයේදී අන්තර් වාර්තාවක් ඉදිරිපත් කළා. එහි නිර්දේශවලින් කොතරම් ප්රමාණයක් ක්රියාත්මක වෙලා තියෙනවද කියලා දැනගන්න මම කැමැතියි. දැන් අවුරුද්දකුත් ගතවෙලා.
තමන්ගේ දරුවෝ සැමියෝ සොයන මං වගේම සහෝදරියන්ට මේ කාර්යාලය සමීප නැහැ. ඒක අපට සමීප වෙන්න නම් දැනට වඩා දෙයක් වෙන්න ඕනේ. මීට වඩා ශක්තිමත් හේතු ඕනේ. ඒ නිසා මේ කාර්යාලය ආරක්ෂා කරගන්න ඕනේ වගේම තවත් ශක්තිමත් විය යුතුයි කියලා මම හිතනවා.
අතුරුදන් වූවන් ඔවුන්ගේ පවුල්වල සාමාජිකයන් යොදා ගනිමින් දේශපාලනය කරනවා. එහෙත් ඔවුන්ට සාධාරණයක් ඉටු වෙලා නැහැ. මේ ආණ්ඩුවත් අතුරුදන් වූවන් පාවිච්චි කරලා බලයට ආවා. තමන්ගේ දේශපාලන බලය වෙනුවෙන් අතුරුදන් වූවන් යොදාගන්නවා. හැමදාම වුණේ ඒක.
88/89 දරුවෝ, මහත්වරු නැති වුණු අම්මලාට වන්දියක් ලැබුණා කියලා මට දැනගන්න ලැබුණා. වන්දි ගෙවීමෙන් මේ ප්රශ්න විසඳෙන්නේ නැහැ. මේවාට සාධාරණයක් වෙන්න ඕනේ. තමන්ගේ පුතාට, තමාගේ ස්වාමි පුරුෂායට මොකද වුණේ කියලා දැනගන්න අයිතියක් තියෙනවා. යුද්දෙදි දරුවෝ නැතිවුණු අම්මලා තවමත් ඒ ගැන හොයනවා. දරුවන්ගේ පින්තූර පපුවට තුරුළු කරගෙන අඬ අඬ ඉන්නවා.”
මෙහිදි කන්නන් අරුණාසලම්ගේ වාර්තා චිත්රපටයක් ද තිරගත කෙරුණි. ස්ටීවන් චැම්පියන්ගේ ඡායාරූප මෙම ප්රදර්ශනයට එක් කර තිබේ. ඡායාරූප ප්රදර්ශනය හෙට (29) උදෑසන 10 සිට පස්වරු 8 දක්වා මහජනතාවට විවෘතය.
(ඡායාරූප - ශාන්ත රත්නායක)
මහජන සෞඛ්ය පරීක්ෂකවරුන්ගේ සංගමයේ භාණ්ඩාගාරික සහ කරන්දෙණිය මහජන සෞඛ්ය පරීක්ෂක දිලීප රොෂාන් කුමාර මහතාගේ ඝාතනය සම්බන්ධ පරීක්ෂණ අපරාධ පරීක්ෂණ දෙපාර
නීති විරෝධී වත්කම් විමර්ශන කොට්ඨාසය ලක්ෂ 1,103 ක් හෙවත් රුපියල් කෝටි 11 කට අධික වටිනාකමකින් යුත් වාහන සහ දේපල රැසක් තහනම් කර ඇති බව මහජන ආරක්ෂක අමාත්යංශය
සිරුරින් බද්ධ වුණු, ඇබී සහ බ්රිට්නි නමැති ඇමෙරිකන් නිවුන් සොහොයුරියන් දෙදෙනා මවු පදවියට සූදානම් බව විදෙස් මාධ්ය පවසයි. මෙම සොහොයුරියන් දෙදෙනාට හිස
දේශීය ගොවීන් සහ දේශීය නිෂ්පාදකයන් ආරක්ෂා කිරීම සඳහා ක්රියාත්මක කෙරුණු විශේෂ වෙළෙඳ භාණ්ඩ බද්ද ලබන ජනවාරි මාසයේ සිට අහෝසි කෙරෙන බව මුදල් රාජ්ය අමාත්
පරාටේ නීතිය සංශෝධනය කෙරෙන බැංකු සංශෝධන පනත් කෙටුම්පත පිළිබඳ විවාදය ලබන 02 වැනිදා පැවැත්වේ.
ඇමෙරිකන් බිලියනපති, ව්යාපාරික, සැම් බෑන්ක්මන් ෆ්රයිඞ්ට වසර 25 ක සිරදඬුවමක් නියම කර තිබේ. ඒ, ඔහු මූල්ය වංචා සහ මුදල් විශුද්ධිකරණ චෝදනා සම්බන්ධයෙන් නිව
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
අපරාධ නඩු තිබෙන නිලධාරීන්ට උසස්වීම් නුසුදුසුයි