මීළඟ දශකයේදී ගගනගාමීන් සඳට ගොස් එහි මතුපිට වැඩි කාලයක් ගතකරමින් ගවේෂණයෙහි නියැලෙනු දැකීමට ඔවුන් සැලසුම් කරමින් සිටින බව නාසා ආයතනය පවසයි.
 
සඳ මත වාසය කළ හැකි ලෙසින් ගගනගාමීන් එහි යැවීමට ඔවුන් සූදානම් බව නාසා ආයතනය වැඩිදුරටත් කියා සිටී.
 
1972න් පසු නැවත සඳ මතට ගොඩබැසීමට ජනාධිපති ඩොනල්ඩ් ට්‍රම්ප් මහතාගේද අනුමැතිය ලැබී ඇති බවත් මෙය ඇමෙරිකාවේ අභ්‍යවකාශ සැලසුම්වල ඉදිරි පියවරක් බවත් නාසා ආයතනය පෙන්වා දෙයි. 

පළමුව සඳටත් ඉන් පසු අඟහරු සහ සෙසු ග්‍රහලෝකවලටද මිනිසුන් යැවීමට ඔවුහු අදහස් කරමින් සිටිති. 
 
නව තාක්ෂණික අත්හදාබැලීම් ක්‍රියාවෙහි යෙදවීමටත් සඳ මත විවිධ ස්ථාන ගණනාවක් ගවේෂණය කිරීමටත් ඔවුන් සූදානම් බවත් මෙවර ගගනගාමීන් එහි පා තබන්නේ එහි රැඳී සිටිමින් ගවේෂණය කිරීමට බවත් ඔවුහු වැඩිදුරටත් පැවසූහ.
 
(ස්කයි නිවුස් ඇසුරිනි) 


(16844)