(ඩී.ජී.සුගතපාල)
රත්ගම බූස්ස රත්නඋදාගමදි පැහැරගනු ලැබු පුද්ගලයින් දෙදෙනා පහරදී ඝාතනය කරන ලද බවට සැකකරන අක්මිමණ ගොනාමුල්ල ප්රදේශයේ නිවස ගාල්ල මහේස්ත්රාත් හර්ෂණ කැකුණවෙල මහතා විසින් අද (22) පස්වරුවේ පරික්ෂා කරනු ලැබිය.
මෙම අවස්ථාවට කරාපිටිය රෝහලේ සහකාර අධිකරණ වෛද්ය නිලධාරිණි එල්.එච්.සමාධි මහත්මියද සහභාගි වුවාය.
මෙම නිවස ගාල්ල නගරයේ සිට උඩුගම ප්රධාන මාර්ගයේ කිලෝ මිටර් 12 ක් පමණ දුරින් ගොනාමුල්ල ප්රදේශයේ කන්දක් උඩ හුදකලා වු ස්ථානයක පිහිටා ඇති අතර පැහැර ගත් දෙදෙනාගේ රත්ගම නිවෙස්වල සිට කිලෝ මිටර් 20ක් පමණ දුරින් පිහිටා ඇත.
මෙම නිවසේ පදිංචිකරු ප්රධාන මාර්ගය අයිනේ වෙළඳසලක් පවත්වා ගෙන යන පුද්ගලයකු වන අතර දැනට රිමාන්ඩ් බන්ධනාගාර ගතකර සිටින දකුණු පළාත් අපරාධ විශේෂ විමර්ශන ඒකකයේ පොලිස් පරික්ෂක කපිල නිශාන්ත මහතාගේ සමිපතම මිතුරෙකු බවද අනාවරණය වි ඇත.
නිවෙස් හිමියා පැවසුවේ තමා මේ සම්බන්ධයෙන් කිසිවක් නොදන්නා අතර පොලිස් පරික්ෂකවරයා පැමිණ තමාගෙන් නිවසේ යතුර ඉල්ලාගෙන ගිය බවය. සිරිත් පරිදි සවස තමා නිවසට ගිය බවත් මිනීමැරුමක සළකුණු නොතිබුණ බවත් ඔහු පැවසිය.
මෙතෙක් කරන ලද පරික්ෂණවලදි අනාවරණය වි ඇත්තේ එම නිවස අසළම ව්යාපාරිකයෙකුගේ සුඛෝපභෝගි වැන් රථයකින් මෙම දෙදෙනා පැහැරගෙනවිත් වෙනත් කැබ් රථයකට නංවාගෙන මෙම නිවසට ගෙන ගොස් මරාදමා ඇති බවයි. පසුව මළ සිරුරු හම්බන්තොට දිස්ත්රික්කයේ ස්ථානයකට ගෙන ගොස් විනාශකර ඇති බවට සැකකරන බව අපරාධ පරික්ෂණ දෙපාර්තමේන්තුව පවසයි.
ඉකුත් ජනවාරි 23 වැනි දා පොලිස් නිල ඇඳුමට සමාන ඇඳුම් ඇඳගෙන ගිනි අවි ද රැගෙන පැමිණි පිරිසක් මෙසේ පැහැරගෙන ගොස් අතුරුදන් කර ඇත්තේ රත්ගම පොලිස් වසමේ බූස්ස රත්න උදාගම පදිංචිව සිටි කොස්ම රසික් චින්තක සහ අසේල මංජුල කුමාර නමැති දෙදෙනෙකි.
මෙම පැහැරගෙන අතුරුදන් කිරිම සම්බන්ධයෙන් මෙයට පෙර අත්අඩංගුවට ගන්නා ලද දකුණු පළාත් විශේෂ අපරාධ විමර්ශණ ඒකකයේ පොලිස් පරික්ෂක කපිල නිශාන්ද සිල්වා මහතා 28 දක්වා රිමාන්ඩ් බන්ධනාගාර ගත කර ඇත.
මේ අතර අද (22) උදෑසන අපරාධ පරික්ෂණ දෙපාර්තමේන්තුව විසින් අත්අඩංගුවට ගෙන අධිකරණයට ඉදිරිපත් කරන ලද එම ඒකකයේ උප පොලිස් පරික්ෂක එච්.ජී.විරාජ් මධුසංඛ මහතා පැය 48ක් රඳවා ගැනිමේ නියෝගයක් ලබා දුන්නේය.
පළමුවෙන්ම මේ පිළිබඳව පොලිස් කණ්ඩායම් කිහිපයක් පරික්ෂණ පැවැත්වු අතර එක් පොලිස් කණ්ඩායමක් විසින් මෙම පැහැර ගැනිමට යොදා ගෙන ඇති සුඛෝපභෝගි වෑන් රථය අක්මීමණ පොලිස් වසමේ ගොනාමුල්ලේ ව්යාපාරිකයෙකුගේ නිවසේ තිබියදී සොයාගෙන ඇත.
පැහැර ගැනිමෙන් දින දෙකකට පසු පැමිණි පිරිසක් වෑන් රථය හිමිකරුගේ නිවසේ ආරක්ෂිත කැමරාවේ ඩී.වී.ආර්.කොටස ගලවා ගෙන ගොස් ඇති බවත් පරික්ෂණ වලදී අනාවරණය වි තිබේ.
සිද්ධිය සම්බන්ධයෙන් අපරාධ පරික්ෂණ දෙපාර්තමේන්තුව පරික්ෂණ පවත්වා ගෙන යනු ලැබේ.
ඊශ්රායලය විසින් ඉරානයට එල්ල කෙරුණු ප්රහාරය සමඟ ඉදිරියටද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකා
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
රජයේ රෝහල්වල විශේෂඥ වෛද්යවරුන් 350 දෙනකු මෑත භාගයේදී රට හැර ගොස් ඇතැයි සෞඛ්ය අමාත්යාංශයේ විශේෂඥ වෛද්යවරුන් කණ්ඩායමක් කළ අධ්යයනයකදී හෙළිවී ඇත.
මෙරට දේශපාලනයේ පෙරළිකාරීයකු මෙන්ම මානවහිතවාදීයකුගේ යුගය නිමාවට පත් කරමින් හිටපු නියෝජ්ය අමාත්ය පාලිත තෙවරප්පෙරුම මහතා මළහිරුබැස යන් සන්ධ්යාවේ
බස්නාහිර.සබරගමුව,වයඹ,ඌව සහ මධ්යම පළාත්වලත් අනුරාධපුර, වවුනියාව, මන්නාරම, ගාල්ල සහ මාතර දිස්ත්රික්කවලත් පස්වරු 2.00 පමණ පසු වැසි හෝ ගිගුරුම් සහිත වැසි ඇ
පිරිසුදු හාහරිත ශ්රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්රව්ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රත්ගම තරුණයන් ඝාතනය කළ නිවස මහෙස්ත්රාත් පරීක්ෂාවට
sam Friday, 22 February 2019 10:04 AM
අඟුලානේ ඝාතනයේ වැරදිකරුවන්ට නීතියෙන් ලැබුන දඬුවම් වලට අමතරව ස්වභාව ධර්මයාගෙනුත් දඬුවම් ලැබුන බව පමණක් මතක් කිරීමට කැමතියි.
Bamunuarachchi Friday, 22 February 2019 05:01 PM
මේගොල්ලන්ට නීතියෙන් දඬුවම් දී ජනතාවත් දඬුවම් දී ස්වභාව ධර්මයාගේ දඬුවමට යොමුකළ යුතුය.
rocky Saturday, 23 February 2019 02:21 AM
මේවා කරනවා ඇත්තේ පුරුද්දට විය හැකියි. ඉස්සර කාලේ සුදුවෑන් වලින් මිනිසුන්ව අල්ලන් ගිහින් අතුරුදන් කිරීම පුහුණු කරපු`වීරයන්` වෙන්න පුළුවනි. නඩුවෙන් නිදහස් වුණොත් පොහොට්ටුවෙන් නාමයෝජනා ලබා දීම සුදුසුයි.! ජය සිකුරුයි!
eksath desapremi janathaSunday, 24 February 2019 03:29 AM
මේවා කරනවා ඇත්තේ පුරුද්දට 1989 ටයර් සැය වල මරා ගිනි තැබූ ආකාරයට සිදුව ඇත වෙනස කළු වැන් සංස්කෘතිය මේවා කරපු උන් පසුගිය කාලයේ මෙම ප්රදේශයේ කොළ කොටි සහෝදරයා සුදු වාහන ක්රියාත්මක උනේ පාවා දෙන්නන්ට එරෙහිව උන් විනශ නොකළ නම් තවත් දස දහස් ගණන් සෙබළුන්. අහිංසක ජනතාව මිය යනවා දෙ වනුව යුද්දය නිම උනා
sujeewa Saturday, 23 February 2019 02:26 PM
මට කියන්න තියෙන්නේ මේ පළවෙනි එකවත්, අවසාන එකවත් නොවන බව මතකතියාගන්න කියලා විතරයි.
Matalan Saturday, 23 February 2019 03:09 PM
පොලිස් නිලධාරීන් ලෙස මෙවැනි අමානුෂික ක්රියා කරන්නේ කරුණු 2 ක මතයි. 1. ඉක්මනින් පොහොසතෙකු වීම. 2. ඉක්මනින් උසස්වීමක් ලබාගෙන අවසනේයේ නි.පො. පති වී ඉන් පසුව පොලිස්පති වෙන්න තිබෙන ආසාව නිසායි.
sampath Tuesday, 26 February 2019 12:36 PM
මේවා පොලිසියේ නිලධාරින්ට හොද පාඩම්. අනුන්ගේ කුණු ගොඩවල් තමන්ගේ ඇගට දා ගන්නේ නැතිව ප්රශ්නයක් තියේ නම් අධිකරණයට යොමු කරන්න කිසිම කෙනෙකුට පහර දෙන්න අයිතියක් කාටවත් නැහැ. නිල වශයෙන්වත් එහෙම බලයක් පොලිසියට නැහැ බොහෝ නිලදාරීන් ඒ බව දන්නේ නැති වීම හේතුව