දෙවැනි එලිසබෙත් මහ රැජිණගේ ස්වාමියා වන පිලිප් කුමරු හෙවත් එඩින්බරෝ හි ආදිපාදවරයා ඔහුගේ රියදුරු බලපත්‍රය නැවත පොලිසියට බාරදී ඇති බව බකිංහැම් මාලිගාව සඳහන් කරයි.

97 හැවිරිදි වියේ පසුවන ආදිපාදවරයා ස්වේච්ඡාවෙන්ම රියදුරු බලපත්‍රය බාර දී තිබේ.

පිලිප් කුමරු රියදුරු බලපත්‍රය බාරදීමට පියවර ගෙන ඇත්තේ පසුගියදා සිදුවු රිය අනතුරට ප්‍රතිචාර දැක්විමක් ලෙසය.

ඉකුත් ජනවාරි 17 වැනි දා ලන්ඩනයේ දී පිලිප් කුමරු පැදවූ රථය වාහනයක ගැටීමෙන් අනතුරකට ලක්විය. අනතුරින් 46 හැවිරිදි කාන්තාවක් තුවාල ලැබීය.

ආරක්ෂිත බඳ පටි නොමැතිව වාහන පැදවීම සම්බන්ධයෙන් පොලිසිය පිලිප් කුමරුට අවවාද කර තිබේ.

අනතුරින් තුවාල ලැබු කාන්තාවට සිය කණගාටුව පළ කර ලිපියක් යවා ඇති අතර එහි කිසිදු තනතුරක් සඳහන් නොකර ‘පිලිප්’ යනුවෙන් සඳහන් කර තිබිණි.

 

බීබීසි ඇසුරෙනි

(28535)