ඉතාලියේ මිලාන් නගරය ආසන්නයේදී පාසැල් සිසුන් සහිත බස් රථයක් එහි රියදුරා විසින් පැහැරගෙන ගොස් ගිනිතබා ඇතැයි වාර්තා වේ.

එම අවස්ථාවේ රථයේ සිසුන් 51ක් සිටි බවද පැවසේ. කෙසේ වුවද බස් රථයේ පිටුපස වීදුරු බිඳ දමා දරුවන් පිටතට ගෙන ඇති අතර දරුවන් කිසිවෙකුටත් බරපතල තුවාල සිදුවී නොමැති බව සඳහන් වේ.

දුම ආශ්වාස වීම හේතුවෙන් 14දෙනකු රෝහල් ගතකළ බව පොලිසිය පවසයි. 47 හැවිරිදි ඉතාලි ජාතික රියදුරා අත්අඩංගුවට ගත් බවද පොලිසිය පවසයි.

බස් රථයේ ගමන් කරමින් සිටි ගුරුවරියක පවසා ඇත්තේ ඉතාලි රජයේ සරණාගත ප්‍රතිපත්තිය සම්බන්ධව රියදුරා අමනාපයෙන් සිටි බවයි. 

(බීබීසී ඇසුරිණි - 085)