(මනෝප‍්‍රිය ගුණසේකර)

 

තහනම් කර ඇති ජාතික තව්හීද් ජමාත්, ජමාතේ මිලාතේ ඊබ‍්‍රාහිම් සහ විලයාත් අස් සෙයිලානී සංවිධාන පිළිබඳව මෙන්ම එහි සාමාජිකයින් කවුරුන්ද? ඔවුන්ගේ ක‍්‍රියාකාරකම් මොනවාද? යන්න පිළිබඳව වහාම විමර්ශන ආරම්භ කරන ලෙස නීතීපතිවරයා වැඩබලන පොලිස්පතිවරයා ඇතුළු බලධාරීන්ට නියම කර ඇත.

වැඩබලන පොලිස්පති චන්දන වික‍්‍රමරත්න මහතාට නීතිපතිවරයා ලිඛිතව කළ මෙම දැනුම්දීම පිළිබඳව අපරාධ පරීක්‍ෂණ දෙපාර්තමේන්තුව බාර නියෝජ්‍ය පොලිස්පති රවී සෙනෙවිරත්න මහතාට සහ ජනාධිපති ලේකම් උයද ආර්. සෙනෙවිරත්න මහතාට ද දැනුම්දී ඇතැයි වාර්තා වේ.

‘පාස්කු ඉරිදා’ බෝම්බ ප‍්‍රහාරය සහ ඉන් පසුව සිදුවු සිද්ධීන් සම්බන්ධයෙන් අවධානය යොමු කළ නීතිපති ජනාධිපති නීතීඥ දප්පුල ද ලිවේරා මහතා එලෙස නියම කළ බව නීතීපතිවරයාගේ සම්බන්ධීකරණ නිලධාරිණී, ජ්‍යෙෂ්ඨ රජයේ නීතීඥ නිශාරා ජයරත්න මෙනවිය දැනුම් දුන්නාය.