(රංජන් කස්තුරි)

කැබිනට් මණ්ඩලයේ කොකේන් භාවිතා කරන ඇමැතිවරුන් සිටින බවට සිදුකෙරෙන ප්‍රකාශ පදනම් කරගෙන විමර්ශනයක් සිදුකරන්නැයි සත්‍ය ගවේෂකයෝ සංවිධානය අද (17) පොලිස් මූලස්ථානයට පැමිණිල්ලක් කර තිබේ.

රාජ්‍ය ඇමැති රන්ජන් රාමනායක මහතා විසින් කැබිනට් මණ්ඩලයේ කොකේන් මත්ද්‍රව්‍ය භාවිතා කරන්නන් සිටින බවට ප්‍රසිද්ධියේ ප්‍රකාශ කළ බවද ඒවා ජනමාධ්‍ය ඔස්සේ ප්‍රචාරය කෙරුණු බවද එම නිසා රාජ්‍ය ඇමැතිවරයාගේ ප්‍රකාශය මුල් තොරතුරක් සේ සලකා එම විමර්ශනය සිදුකරන්නැයිද සත්‍ය ගවේෂකයෝ සංවිධානයේ කැඳවුම්කරු නීතිඥ ප්‍රේමනාත් දොලවත්ත මහතා කර ඇත පැමිණිල්ලේ සඳහන් කර ඇත.

අන්තරාදායක ඹෟෂධ පනත යටතේ එවැනි විමර්ශනයක් සිදු කිරීමට පොලිසියට හැකියාව තිබෙන බවද එම පැමිණිල්ලේ සඳහන් කර තිබේ.

මත්ද්‍රව්‍යවලට එරෙහිව මේ වනවිට රටපුරා විරෝධතාවයක් මතුව ඇති හෙයින් හා කැබිනට් මණ්ඩලය සම්බන්ධයෙන් වන චෝදනා බරපතල හෙයින් එවැනි විමර්ශනයක් කිරීම අවශ්‍ය බවද එහි සඳහන්වේ.