(තිළිණි ද සිල්වා)
 
ඉන්දීය සාගරයේ පොදු ආරක්ෂක කටයුතු සම්බන්ධයෙන්  ඕස්ටේ‍්‍රලියාව සහ ශ‍්‍රී ලංකාව අතර ඇති සහයෝගිතාව වර්ධනය කර ගැනීමට  ‘ඉන්දු - පැසිෆික් එන්ඩේචර් 2019’  වැඩසටහන යටතේ  ඕස්ටේ‍්‍රලියානු ඒකාබද්ධ කාර්ය කණ්ඩායමක යුද, නාවික සහ ගුවන් හමුදා අංශ වලින් සමන්විත කණ්ඩායමක් හෙට (23)  ශ‍්‍රී ලංකාවේ සංචාරය කිරීමට පැමිණෙන බව මෙරට  ඕස්ටේ‍්‍රලියා මහ කොමසාරිස් කාර්යාලය සඳහන් කරයි.

ඒ අනුව  ඕස්ටේ‍්‍රලියාවේ නෞකා හතරකින් දහසකට අධික පිරිසක් අද (22) කොළඹට සහ ත‍්‍රිකුණාමලය වරායන් වෙත ළඟාවීමට නියමිත බව  මහකොමසාරිස් කාර්යාලය සඳහන් කරයි.

එම කණ්ඩාම ලබන 30 වැනිදා ඉන්දියාව බලා පිටත්ව යෑමට පෙර ආපදා සහයෝගිතා සැලසුම්, සහයෝගය වර්ධනය කරන නාවික උපක‍්‍රම සහ හමුදා පුහුණු  ක‍්‍රියාකාරකම්, හුරුපුරුදුකම්, අන්තර් ක‍්‍රියාකාරී හැකියාවන් සම්බන්ධයෙන්  ඕස්ටේ‍්‍රලියානු සහ ශ‍්‍රී ලංකා හමුදා එක්ව කටයුතු කරනු ඇත.

මේ පිළිබඳ අදහස් දක්වමින්  ඕස්ටේ‍්‍රලියානු වැඩබලන මහ කොමසාරිස් ජෝන් පිලිප් සඳහන් කළේ කලාපය තුළ ඉහළ යන අන්තර් සම්බන්ධතාවයන් සහ ගතිකයන් සමඟින් අඛණ්ඩ වර්ධනයේ ප‍්‍රතිලාභ සියලූ රටවලට හිමිවන ස්ථාවර, සුරක්ෂිත, නීතිය මත පදනම් වූ වැඩපිළිවෙළක් ඉන්දීය සාගරයේ ක‍්‍රියාත්මක කිරීම සඳහා ශ‍්‍රී ලංකාව සමඟ සහයෝගීතාව ශක්තිමත් කරගැනීමට  ඕස්ටේ‍්‍රලියාව කැප වී සිටින බවයි.