(අජන්ත කුමාර අගලකඩ)
 
රජයේ පාසල්වල ඉගෙනුම ලබන අපොස උසස්පෙළ සිසුන්ට නොමිලේ ටැබ් පරිගණක ලබාදීමේ යෝජනාවට කැබිනට් අනුමැතිය ලැබී ඇත.
 
අධ්‍යාපන ඇමැති අකිල විරාජ් කාරියවසම් මහතා ඒ සඳහා ඉදිරිපත් කළ කැබිනට් සංදේශය අද(25) උදෑසන රැස් වූ කැබිනට් මණ්ඩලය විසින් අනුමත කරනු ලැබීය.
 
මෙම කැබිනට් සංදේශය ඉකුත් සතියේ කැබිනට් රැස්වීමට ඉදිරිපත් කර තිබූ අතර එය සාකච්ඡාවට ගැනීම සතියකින් කල් දමා තිබිණි.
 
ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් අද පැවැති කැබිනට් රැස්වීමේදී එම යෝජනාවට අනුමැතිය ලබා දී ඇත.
 
ඒ අනුව රජයේ පාසල්වල අපොස උසස් පෙළ සිසුන් 189,000කට මෙම ටැබ් පරිගණක නොමිලේ ලබාදෙනු ඇත.

අ.පො.ස උසස්පෙළ සිසුන්ට නොමිලේ ටැබ් පරිගණක ලබාදීමේ ව්‍යාපෘතිය වත්මන් ආණ්ඩුව ඉකුත් මහ මැතිවරණයේදී ලබාදුන් ප්‍රමුඛත ම ඡන්ද පොරොන්දුවක්ද වේ.