(ඩයනා උදයංගනී)
            
අල්ලස හා දූෂණය තුරන් කිරීමේ පස් අවුරුදු සැලැස්ම එළිදැක්වීම ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් කොළඹ ෂැංග්‍රිලා හෝටලයේ දී දී අද (18) සිදුකෙරිණි.

අල්ලස දූෂණය වපුරන රාජ්‍ය හා පෞද්ගලික අංශ නිලධාරීන්, දේශපාලනඥයන් ඇතුළු සියලු දෙනා නීතියේ රැහැනට කොටු කරගැනීමත්, වංචාව දූෂණය තුරන් කරමින් ආර්ථික, සමාජයීය, සංස්කෘතික හා පාරිසරික වශයෙන් තිරසර සංවර්ධනයක් උදා කරගැනීමේ අරමුණින් මෙම ක්‍රියාකාරී සැලැස්ම සකස් කර තිබේ

අල්ලස, දූෂණය, වත්කම්, බැරකම්, දඬුවම් සහ අල්ලස් පනතේ එන දුර්වල නීති රීති ඇතුළු දෑ කැබිනට් මණ්ඩල අනුමැතිය ඇතිව සංශෝධනය කර මෙම නව පස් අවුරුදු ක්‍රියාකාරී සැලැස්ම සකස් කර ඇත.

විපක්‍ෂනායක මහින්ද රාජපක්‍ෂ, කතානායක කරු ජයසූරිය, නීතිපති ජයන්ත ජයසූරිය, අල්ලස් හා දූෂණ කොමිසමේ අධ්‍යක්‍ෂ ජනරාල් සරත් ජයමාන්න යන මහත්වරුන් ඇතුළු පිරිසක් මෙම අවස්ථාවට එක්ව සිටියහ.
                                    
ඡායාරූප - චතුර එස්. කොඩිකාර