(මොහොමඩ් ආසික්)
විශ්ව විද්යාල පද්ධතියේ ධාරිතාව වැඩි කර සහ අලුත් විශ්ව විද්යාල ආරම්භ කර උසස් පෙළ සමත් වන සියලු සිසුන්ට සරසවි වරම් තම රජය යටතේ ලබා දෙන බව ශ්රී ලංකා පොදු ජන පෙරමුණේ ජනාධිපතිධූර අපේක්ෂක ගෝඨාභය රාජපක්ෂ මහතා කීය.
අද (11) සවස මහනුවර නගරයේ පැවැති ප්රචාරක රැළිය අමතමින් ගෝඨාභය රාජපක්ෂ මහතා එසේ කීය.
මෙහිදී තව දුරටත් අදහස් දැක්වූ ඒ මහතා මෙසේද කීය.
‘‘අපි පසුගිය 25 වනදාමේ රට හදන ප්රතිපත්ති ප්රකාශණය අපි ඉදිරිපත් කළා. අපේ ප්රතිපත්ති ප්රකාශණය ගැන මේ රටේ උගතුන් බුද්ධිමතුන් පැසසුම් කරනවා. මේ රටේ උගතුන්ගේ බුද්ධිමතුන්ගේ මෙන්ම මේ රටේ ජනතාවගෙනුත් අදහස් අරගෙනයි මේ ප්රතිපත්ති ප්රකාශණය හදල තියෙන්නේ. මගේ ධූර කාලය තුල මේ ප්රතිපත්ති ප්රකාශණයේ සඳහන් සියලු කාරණා ඉෂ්ඨ කරන්න පුළුවන් කියල මම පොරොන්දු වෙනවා. අපි ජාතික ආරක්ෂාව වෙනුවෙන් විශේෂ අවධානයක් යොමු කරල තියෙනවා. මේ රටේ තිබුණ ත්රස්තවාදය අවසන් කරලා නැවතත් එවැනි තර්ජනයක් ඇති නොවන ආකාරයට ආරක්ෂක ක්රියාදාමයක් ඇති කරල තිබුණා.
ත්රිවිධ හමුදාව පොලිසිය වැනි ආයතන මෙන්ම බුද්ධි අංශ එකතු කරලා යළිත් ඒ වගේ තත්වයක් ඇති නොවන ආකාරයට අපි වැඩ පිළිවෙළක් ඇති කරල තිබුණා. නමුත් මේ රජය ආවට පස්සේ විදේශිය බලපෑම්වලට යටවෙන ඇමති මණ්ඩලයක් තියාගෙන රාජ්ය නොවන සංවිධානවල බලපෑම්වලට යට වන රජය ජාතික ආරක්ෂාව වෙනුවෙන් කිසිවක් කළේ නෑ.
බුද්ධි අංශයේ නිලධාරින්ට ඒ අය ආරක්ෂක මණ්ඩලයේ කතා කරන්න ඉඩ දුන්නේ නෑ. ඔවුන්ගේ ලබා දුන් අනතුරු ඇඟවීම් කිසිවක් ගණන් ගත්තේ නෑ. එදා නිදහස ලබා දුන් රණවිරුවන් ජාත්යන්තර අධිකරණවලට අරන් යන විදේශිය ලියවිලිවලට අත්සන් කළා. බුද්ධි අංශ නිලධාරින් සිරගත කළා. මේ රටට අනතුරක් වනවානම් ඒ පිළිබඳව රජයට දැනුම් දෙන්නේ බුද්ධි අංශයයි. අපි එදා ත්රිවිධ හමුදාව පොලීසිය සහ බුද්ධි අංශ එකතු කරලා ආරක්ෂක වැඩපිළිවෙළක් සකස් කරල තිබුණා. ඒක තමයි එදා ජාතික ආරක්ෂාව ඒ ආකාරයට තිබුණේ.
අපේ ප්රතිපත්තිවල වැදගත් තැනක් කෘෂිකර්මාන්තයට වැවිලි කර්මාන්තයට අධයාපනයට සෞඛ්යයට ලබා දිලා තියෙනවා.
වැවිලි කර්මාන්තය දියුණු කරන්න නිසි අවධානයක් යොමු වුණේ නෑ.ඒ නිසා තමයි මේ වන විඒ කර්මාන්තය කඩා වැටිලා තියෙන්නේ . කම්කරුවන්ගේ ඉඳලා ඉහළම සමාගම් දක්වා තේ කර්මාන්තය කඩා වැටිලා. පිටරටින් ගුණාත්මක බවින් අඩු තේ ගෙනල්ලා අපේ තේ වලට කලවම් කරලා අපනයනය කිරීම නිසා සිලෝන් ටී යන නාමයට තිබුණ තැන නැති වෙලා ගියා. නමුත් අපේ රජයක් යටතේ නැවතත් තේ කර්මාන්තය නගා සිටුවන්න ක්රියා කරනවා.
අපි පිටරටවලට යවන්නේ ගුණාත්මක තේ විතරයි තේ වගාව වර්ධනය කරන්න නැවත තේ වගා කරන්න අවශ්ය පහසුකම් ලබා දීලා ගුණාත්මක තේ පිටරට යවලා විදේශ විනිමය ලබා ගන්න කටයුතු කරනවා. ඒ වගේමයි රබර් කර්මානත්ය රබර් පිටරටින් ගෙනල්ලා අද රබර් ගස් ගලවා දමන තත්වයට පත් වෙලා තියෙනවා. රබර් නැවත වගා කිරීම උනන්දු කරවලා රබර් භාවිතා කරන කර්මාන්ත ශාලා ඇති කරලා ආදායම් ලැබෙන තත්වයට පත් කරනවා. ඒ වගේම පොල් කර්මාන්තය.
ලෝකයේ හැම රටකින්ම පොල්වලට ඉල්ලුමක් තියෙනවා.නමුත් අපේ පොල් වගාකරුවා කඩා වැටිලා.මේ ප්රදේශවල ජනතාව විශාල ආදායමක් ලබා ගත්ත අපනයන බෝග ගොවින් කඩා වැටිලා.
ගම්මිරිස් වගා කරන දිස්ත්රික්ක නවයකම ගොවීන් අමාරුවේ වැටිලා.ව්යාපාරිකයින් කිහිප දෙනෙකු පිටරටන් බාල ගම්මිරිස් ගෙනල්ලා ශ්රී ලංකා ගම්මිරිස් කියලා අපනයනය කිරීම නිසා අපේ ගම්මිරිස්වලට තිබුණු මිළත් නැති වෙලා ගියා. නමුත් අපේ රජයක් යටතේ මේ ගම්මිරිස් වගාව වැඩි දියුණු කරලා ගම්මිරිස් පිටරටවල්වලින් ගෙන්වීම නවත්වලා ගම්මරිස්වලට හොඳ මිළක් ලබා දෙන්න කටයුතු කරනවා. කෘෂිකර්මාන්තය දියුණු කරලා මේ රට ආහාරවලින් ස්වයංපෝෂිත කරන්න අපේ රජයක් යටතේ අපි කටයුතු කරනවා .
ඒ වගේම අද දේශිය කර්මාන්ත කරුවා කඩා වැටිලා ඔවුන් නගා සිටුවන්නත් තම රජය යටතේ ක්රියා කරන‘‘ බවද ගෝඨාභය රාජපක්ෂ මහතා මෙහිදී කිය.
දෙමළ ජාතික සන්ධානයේ හිටපු පාර්ලිමේන්තු මන්ත්රීවරයෙකු මෙන්ම උතුරු පළාත් සභාවේ හිටපු මන්ත්රීවරයෙකු වන එම්.කේ සිවාජිලිංගම් රෝගාතුරව ඉන්දියාවේ චෙන්
ශ්රී ලංකාවෙි ප්රංශ තානාපති ඒ. ජෙආන් ෆ්රැන්කොයිස් මහතා සහ පාර්ලිමේන්තු මන්ත්රී හිටපු කතානායක චමල් රාජපක්ෂ මහතා අතර හමුවක් වීරකැටිය මැදමුලන නිවසේ
මහරගම නගර මධ්යයේ පිහිටා තිබූ බෝ ගසක අත්තක් අද රාත්රි 7 පමණ වර්ෂාවත් සමග ඇතිවූ සුළං තත්වය හමුවේ හදිසියේ කඩා වැටීමෙන් මාර්ගයේ ගමන් ගත් කාන්තාවක සහ පුද්
ඉකුත් මාස දෙකක කාලයේ ශ්රී ලංකාව රුපියල් මිලියන 983.7ක අපනයන ආදායමක් ලබා තිබෙන බව කුඩා හා මධ්ය පරිමාණ ව්යවසාය සංවර්ධන රාජ්ය අමාත්ය ප්රසන්න රණවීර මහ
අන්තර්ජාලය ඔස්සේ සිදු වන ළමා ලිංගික අපයෝජන සම්බන්ධයෙන් වාර්තා කිරීමේ නව මාර්ගගත ක්රමවේදයක් ජනාධිපති රනිල් වික්රමසිංහ මහතාගේ ප්රධානත්වයෙන් අද (28)
පාස්කු ප්රහාරය සම්බන්ධයෙන් තමන් දන්නා කරුණු ලබන 04 වැනිදා අධිකරණය හමුවේ පෙනී සිට ප්රකාශයක් කරන ලෙස හිටපු ජනාධිපති මෛත්රීපාල සිරිසේන මහතාට මාලිගාක
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
‘‘උසස් පෙළ සමත්වන සියලු සිසුන්ට සරසවි වරම් ලබාදෙනවා‘‘