( තිළිණි ද සිල්වා සහ රංජන් කටුගම්පොළ )
පාර්ලිමේන්තුවට ඉදිරිපත් කර ඇති රජයේ ඉඩම් විශේෂ විධිවිධාන පනත් කෙටුම්පතේ ඇතැම් වගන්තින් ආණ්ඩුක්රම ව්යස්ථාවට පටහැනි බවත් ඒවා සම්මත කිරීමට නම් පාර්ලිමේන්තුවේ 3/2 බහුතර ඡන්දයකින් සහ ජනමත විචාරණයකින් අනුමත විය යුතු බවට තීන්දුවක් ලබාදෙන මෙන් ඉල්ලා පාර්ලිමේන්තු මන්ත්රීවරුන් දෙදෙනෙකු ඇතුළු පස්දෙනෙකු ගොනු කර තිබූ විශේෂ පෙත්සම් විභාගය අද (12) අවසන් කළ ශ්රේෂ්ඨාධිකරණය ඒ පිළිබඳ තීන්දුව ඉදිරියේ දී කතානායකවරයාට දැනුම් දෙන බව නිවේදනය කළේය.
එසේම පෙත්සම සම්බන්ධයෙන් වන ලිඛිත දේශන 15 වැනිදා අධිකරණය හමුවේ ගොනු කරන්නැයිද ශ්රේෂ්ඨාධිකරණය පෙත්සම්කාර සහ වගඋත්තරකාර පාර්ශවයන්ට නියෝග කළේය.
මෙම පෙත්සම් බුවනෙක අළුවිහාරේ, ප්රසන්න ජයවර්ධන සහ එල්.ටී.බී.දෙහිදෙණිය යන මහත්වරුන් හමුවේ සළකා බැළිණි.
පෙත්සම්හි වගඋත්තරකරු ලෙස නීතිපතිවරයා නම්කරනු ලැබ ඇත.
පෙත්සම්කාර මන්ත්රීවරු ශ්රේෂ්ඨාධිකරණය හමුවේ ගොනු කළ පෙත්සම් වලින් පෙන්වා දෙන්නේ ඉකුත්දා පාර්ලිමේන්තුවට ඉදිරිපත් කරනු ලැබූ යෝජිත රජයේ ඉඩම් විශේෂ විධිවිධාන පනත් කෙටුම්පත තුළින් බලපත්ර හිමි ඉඩම්ලාභීන්ට ඒවායේ අයිතිය පවරා දීම සඳහා යෝජනා ඉදිරිපත් කර ඇති බවයි.
එම යෝජනා ප්රගතිශීලී ඒවා ලෙස බැලූ බැල්මට පෙනී ගිය ද ඇමෙරිකාව සමඟ ත්රිකුණාමලයේ සිට කොළඹ දක්වා පිහිටුවීමට යෝජිත ආර්ථික තීරුව සඳහා ඉඩම් සම්පාදනය කර ගැනීමේ අරමුණෙන් රජය මෙම පනත් කෙටුම්පත ගෙන ඒමට සූදානම් වන බවට තොරතුරු දැන ගන්න ලැබී තිබෙන බවද පෙත්සම්කරුවෝ පෙන්වා දේ.
ඉඩම් විෂයට අදාළ මෙම පනත් කෙටුම්පත පාර්ලිමේන්තුවට ඉදිරිපත් කිරීමට පෙර දිවයිනේ සියලූ පළාත් සභා වලින් ඒ පිළිබඳව අදහස් ලබා ගැනීම ආණ්ඩුක්රම ව්යස්ථාව යටතේ සිදුකළ යුතු අත්යවශ්ය කටයුත්තක් වුවද එසේ පළාත් සභාවලින් අදහස් ලබා ගැනීමට රජය කටයුතු කර නොමැති බව ද පෙත්සම්කරුවන් කියා සිටී.
ආණ්ඩුකම ව්යස්ථාවට පටහැනි ලෙස ඉදිරිපත් කර තිබෙන මෙම පනත් කෙටුම්පතේ වගන්ති බොහොමයකින් මූලික අයිතීන් ද උල්ලංඝණය වන බවත් පෙත්සම්කරුවෝ කියා සිටිති. මෙම පනත් කෙටුම්පත සම්මත කිරීමට අවශ්ය නම් පාර්ලිමේන්තුවේ තුනෙන් දෙකක බහුතර ඡන්දයකින් සහ ජනමත විචාරණයකින් අනුමත විය යුතු බවට තීන්දුවක් ලබාදෙන්නැයි ද පෙත්සම්කරුවෝ ශ්රේෂ්ඨාධිකරණයෙන් ඉල්ලා සිටිති.
දෙවුන්දර මුහුදු තීරයේදී නාවික හමුදාව මගින් අත්අඩංගුවට ගත් රුපියල් කෝටි 380 කට අධික වටිනාකමින් යුත් මත්ද්රව්ය තොගය රජයේ රස පරීක්ෂකවරයා වෙත යොමු කිරී
ගම්පහ දිස්ත්රික්කයේ ප්රදේශ රැසකට ලබන 24 වැනිදා පැය 12 ක කාලයක් ජල සැපයුම අත්හිටුවන බව ජල සම්පාදන හා ජලාපවාහන මණ්ඩලය පවසයි.
ආපදා කළමනාකරණ මධ්යස්ථානය දිවයිනේ වෙරළබඩ ප්රදේශ ආවරණය වන පරිදි දිස්ත්රික්ක දාහතරක කෝටි 13 කට වැඩි වියදමකින් ස්ථාපනය කෙරුණු සුනාමි සහ සුළි සුළං සඳහ
මෙරට ප්රමුඛ පෙළේ ආයුර්වේද ඖෂධ නිෂ්පාදකයකු වන බීම් හෙළ ඔසු ලංකා පෞද්ගලික සමාගම Golden Inmediens 2023 සම්මාන උළෙලේදී වසරේ විශිෂ්ටම ආයුර්වේද නිෂ්පාදකයා ලෙස රිදී සම්
බ්රසීලයේ රියෝ ඩි ජෙනෙයිරෝ බැංකුවට රෝද පුටුවක තබා ගත් මළ සිරුරක් රැගෙනවිත් එම මියගිය පුද්ගලයාගේ නමට ඇමෙරිකානු ඩොලර් 3250 ක (ශ්රී ලංකා රුපියල් ලක්ෂ 10 කට ආ
විශ්ව විද්යාලවල නවක වදය අඩුකිරීම සඳහා වෙසක් සමයේදී මෛත්රී මාසය යන තේමාව යටතේ නවකවද විරෝධී වැඩසටහනක් ආරම්භ කිරීමට උසස් අධ්යාපන අමාත්යාංශය තීරණය ක
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඉඩම් විශේෂ විධි විධාන පනත් කෙටුම්පතේ පෙත්සම් විභාගය අවසන්
susantha Friday, 12 July 2019 01:32 PM
ලංකාවේ රජයේ ඉඩම් ලබාගත් ගොවීන් හා අනෙකුත් පාර්ශවයන් පසුව කාට හරි විකුණා දමති. ගොවීන් බොහෝවිට විකුණා අඳ ගොවියන් වශයෙන් ඉඩම් මිලට ගත් මුදලාලිලා ළඟ වැඩ කරති. අන්තිමට ඉඩම් ලබාගත් ගොවියාට ඉතුරුවන්නේ අමුඩය පමණි. ඉඩම් ලබාගත් ගොවින් 80%ක් පමණ මෙම ඉරණම අත්වේ. මහවැලි ප්රදේශවල ඉරණමත් මෙයයි. මේ නිසා වරින්වර අයිතිය නියාමනය කර නියම අයිතිකරුට ඉඩම් ලබාදිය යුතුයි. මේ අතර කිසියම් වැඩසටනක් මහා පරිමාණයෙන් ක්රියාත්මක කර මෙම ඉඩම් ලබාගැනීමට කටයුතු කළහොත් අපේ ගොවීන් ඉඩම් ටිකදී කොහේ හෝ යනවා ස්ථිරයි. මධ්යම රජයේ පාලනය හා නියාමනයක් දිගටම තිබීම අත්යවශ්යයි.
ඇණයා Friday, 12 July 2019 03:49 PM
ගොවිතැන් කිරීමට අදක්ෂ නමුත් ඡන්ද මගෝඩි කිරීම නිසා රජයේ ඉඩම් නොමිළයේම ලබාගත් හෙංචයියෝ අමුඩ ඇඳගෙන සහනාධාර ඉල්ලා ඩෙඟානැටීම රටටම හෙනයකි. එය වැළැක්වීම සඳහා ඔප්පු ලබා දීමේදී අමුඩය ගලවා රජයට බාරදෙන ලෙස නියම කළ යුතුයි.
sudath Friday, 12 July 2019 07:25 PM
මෙය ඉඩම් මුදලාලිට විකිනීමට වඩා දුර යන තත්වයකි. විදේශික බහුජාතික සමාගම් වැඩි කල් නොගොස් මෙම ඉඩම් අයිතිය මිලට ගනු ඇත. කනගාටුවෙන් වුවත් කිව යුත්තේ ඇතැම් පාලකයන්ගේ වුවමනාව එයයි.