නුවරඑළියේ ඉපැරණි සයිප්‍රස් ගස් කපා දමති

(රංජිත් රාජපක්ෂ)

නුවරඑලිය නගරයේ ග්‍රැන්ඩ් හෝටලයට පිවිසෙන ප්‍රධාන මාර්ගය අසල පිහිටි තවත් ප්‍රධාන හෝටලයක් ඉදිරිපිට තිබු වසර 135 කට වඩා ඉපැරණි සයිප්‍රස් ගස් දෙකක් අද (28) දින කපා දැමිමට එරෙහිව පරිසර හිතකාම් තරුණයන් පිරිසක් විරෝධතාවයක නිරත වුහ.

එම සංචාරක හෝටලයේ රථ ගාල අසල තිබු සයිප්‍රස් ගස් පහක් එකම රටාවකට මිය ගොස් ඇති බවත් මෙය ඉතා සැලසුම් සහගතව එම ස්ථානයෙන් ගස් කපා ඉවත් කර එම හෝටලයේ රථ ගාල පුළුල් කිරිමට කිසියම් පිරිසක් විසින් ඉතා සුක්ෂම ලෙස මෙය සිදු කරන බව විරෝධතාකරුවෝ පවසති.

එලිසෙබඩ් මහ රැජින සිහි කිරිම පිණිස නුවරඑලිය නගරය පුරා සයිප්‍රස් ගස් ගණනාවක් රෝපණය කර තිබු අතර , එම හෝටලය ඉදිරිපිට තිබු ඉතා විශාල සයිප්‍රස් ගස් දෙකක් මිට ප්‍රථම එම හෝටලයේ පාලන අධිකාරිය විසින් කපා දමා තිබෙන බව ඔවුහු කියති.

මිට ප්‍රථම එම ස්ථානයේ තිබු සයිප්‍රස් ගස් කිහිපයක් කපා ඉවත් කිරිම සම්බන්ධයෙන් එවකට හිටපු ජනාධිපති වත්මන් අග්‍රාමාත්‍යය මහින්ද රාජපක්ෂ මහතා වෙත කරන ලද පැමිණිල්ලක් මත මහින්ද රාජපක්ෂ මහතා විසින් ඉපැරණි ගස් කපා දැමීම සම්බන්ධයෙන් ආයතන වලින් පුර්ණ අනුමැතියට යටත්ව සිදු කරන ලෙසට අදාළ බලධාරින්ට උපදෙස් ලබා දී තිබුණි.

සයිප්‍රස් ගස් දෙකක් කපා දැමිම සම්බන්ධයෙන් අප නුවරඑළිය ප්‍රාදේශීය ලේකම් විදුර සම්පත් මහතාගෙන් කළ විමසුමකට ඔහු කියා සිටියේ මිය ගොස් ඇති සයිප්‍රස් ගස් කපා ඉවත් කිරිමට අදාළ සංචාරක හෝටලය විසින් තම ප්‍රාදේශීය ලේකම් කාර්යයාලයෙන් සහ එම ආයතන වලින් පුර්ණ අනුමැතියක් ලබාගෙන ඇති බවයි.

අදහස් (18)

නුවරඑළියේ ඉපැරණි සයිප්‍රස් ගස් කපා දමති

thilak Tuesday, 28 July 2020 10:00 AM

තාමත් එලෙසබත් දෙවින්නාන්සේව අමතක කරන්ට අමාරුයි වගේ.

: 132 127

සමිත සේනක අලුත්ගමගේ. Tuesday, 28 July 2020 11:17 AM

කිසියම් රටාවකට සයිප්‍රස් ගස් පහක්ම මියයාම ගැන නම්, කිසියම් කුතුහලයක් ඇතිවෙනවා ...

: 1 152

මුණසිංහ Tuesday, 28 July 2020 11:33 AM

සයිප්‍රස් ගස් ලංකාවට කෙතරම් උචිතද?

: 16 21

NishanWednesday, 29 July 2020 11:38 PM

සයිප්‍රස් ගස් එපා රථ ගාලක් තමයි ඕනෑ. එහෙමද?

: 0 0

Jinna Tuesday, 28 July 2020 11:45 AM

ග්‍රෑන්ඩ් හෝටලය වර්ජනය කරන්න

: 0 67

dewa Tuesday, 28 July 2020 12:45 PM

හෙට අනිද්දා වෙනකොට අපේ පුරාණ දේවල්වලට අබසරණයි.

: 3 26

helaya Tuesday, 28 July 2020 12:45 PM

වසර 100 ට වැඩි පොදු දේපොළ හෙරිටේජ් පෞරාණික ගණයට වැටෙනවා නොවේද.?

: 1 7

lanka Tuesday, 28 July 2020 12:48 PM

මේ යන විදියට ජය ශ්‍රී මහා බෝධියත් කපා දමයිද දන්නේ නැහැ.

: 1 38

josiya Tuesday, 28 July 2020 12:52 PM

මේ ගස් මැරුණද.? මැරුවද.? කියලා සොයාබැලිය යුතුය.

: 0 15

Sathish Tuesday, 28 July 2020 02:11 PM

සුන්දර කඳු වලින් වටවුණු නුවර එලිය මිට අවුරුදු 50 ක් 60 කට විතර කලින් ලස්සනට තිබෙන්න ඇති , නමුත් දැන්නම් තනිකරම තියෙන්නේ හැමතැනම ඉවක් බවක් නැතිව ඉදිකරපු කුඩා සංචාරක නවාතැන් සහ ටකරන් කඩ ,ඇල්ල ප්‍රදේශයටත් තව ටික කලකින් වෙන්නේ ඔය ටිකම තමයි.

: 0 65

nandana Tuesday, 28 July 2020 03:00 PM

ඔය විදියට ගියොත් රටේ අලුතින් ගොඩ නැගිල්ලක් හෝ පාරක් හදන්නට බැරි වෙයි. මේවා නිකම් අර්ථයක් නැති විරෝධතා පමණයි.

: 67 2

Pradeep Tuesday, 28 July 2020 03:53 PM

අපේ රටේ මහ වනාන්තර හෙලි කරන විට නිහඩව සිටින ඇතැමුන් මෙවන් රටටත් පරිසරයටත් හිතකර නොවන විදෙස් ශාක කපා දමන විට හඩ නැගීම හාස්‍යජනකයි.

: 57 28

chandima Tuesday, 28 July 2020 07:15 PM

පේන විදියට නම් පාර අයිනේම තියෙන ගහක අත්තක් කඩා වැටිලා වගෙයි පෙන්නේ.

: 5 1

‍රන්ජිත් Wednesday, 29 July 2020 12:06 AM

නුවර එලියේ අනන්‍ය තාවක් වුනේ ටවුන් එක වටා සිටුවා ඇති මේ සුන්දර ගස් පේලිය....

: 1 14

Eranga Wednesday, 29 July 2020 05:49 AM

ඔවා කපන්න ඇත්තේ සුදු අරලිය මල් ගස් වවන්න වෙන්න ඇති... නිකමට කිව්වෙ...

: 2 8

ANO Wednesday, 29 July 2020 10:32 AM

කොහෙද යන්නෙ මල්ලෙ පොල්... මෙතන තියෙන්නෙ එලිසබත්ගේ ප්‍රශ්නයක් නෙවේ. ගස් කැපීම පිළිබඳ ප්‍රශ්නයක්..

: 0 0

sidath Wednesday, 29 July 2020 10:55 AM

සයිප්‍රස්, ටර්පන්ටයින් ගස් තමා කඳුකරයට හෙනේ. කඳුවල තිබුණු කැලෑ එළිකරලා තේ සහ මේ වගේ මෙලෝ රහක් නැති, පස නිසරු කරවන ගස් හිටෙව්වා.. අද පොඩි වැස්සටත් කඳුකරය නායයනවා.. උද්ඝෝෂණ කරන්නම ඕනනම් ආන්න සිංහරාජය, විල්පත්තුව ඉවක් බවක් නැතුව කපනවා.. ඒවාට විරුද්ධව විශාල හඬක් නගන්න...

: 0 0

jonana Thursday, 30 July 2020 07:34 AM

ඡන්දෙන් පස්සේ අබමසරණයි පුතේ....

: 0 0