නව වසර සමරමින් අගමැති කතරගම පුදබිමට

(කේ. ඩී. දේවප්‍රිය)

උදා වූ නව වසර උදාව සමරමින් අග්‍රාමාත්‍ය මහින්ද රාජපක්ෂ මහතා අද (01) උදෑසන ඓතිහාසික රුහුණු මහා කතරගම පුදබිම වෙත පැමිණ විශේෂ ආගමික වතාවත්වල නිරතවූයේය.

කිරිවෙහෙර රාජමහා විහාරස්ථානයට පැමිණ බුද්ධ පුජාමය පිංකමකට එක්වූ අග්‍රාමාත්‍යවරයා අනතුරුව දිවංගත සිරිමාවෝ බණ්ඩාරනායක මැතිණියට පිං පැමිණවීමේ අවස්ථාවකට ද එක්විය.

අග්‍රාමාත්‍යවරයා කතරගම දෙවියන්ට පූජා පවත්වමින් ආශිර්වාද ලබාගත්තේය.

රුහුණු මාගම්පත්තුවේ ප්‍රධාන අධිකරණ සංඝනායක කතරගම ශ්‍රී අභිනන්දාරාමාධිපති ශාස්ත්‍රපති කපුගම සරණ තිස්ස හිමි කතරගම කිරිවෙහෙර රාජමහා විහාරාධිපති පුජ්‍ය කොබවක ධම්මින්ද හිමියන් විසින් ආගමික වතාවත් සිදුකරන ලදි.

මෙම අවස්ථාවට අමාත්‍ය චමල් රාජපක්ෂ, නාමල් රාජපක්ෂ, නිමල් සිරිපාල ද සිල්වා, ඌව පළාත් හිටපු මහා අමාත්‍ය ශෂින්ද්‍ර රාජපක්ෂ, රුහුණු මහා කතරගම දේවාලයේ බස්නායක නිලමේ දිල්රුවන් රාජපක්ෂ, මොණරාගල දිසා ලේකම් ඩී. එස්. පත්මාකුලසුරිය, හිටපු අමාත්‍ය ඒ. පී. ජගත් පුෂ්පකුමාර, කතරගම ප්‍රාදේශීය සභාවේ සභාපති චානක අමිල් රංගන යන මහත්ම මහත්මීන් ඇතුළු රාජ්‍ය නිලධාරීහු, ආරක්ෂක අංශ නිලධාරීහු රැසක් මෙම අවස්ථාව සඳහා එක්ව සිටියහ.

අදහස් (17)

නව වසර සමරමින් අගමැති කතරගම පුදබිමට

Maheshika Wednesday, 01 January 2020 07:16 AM

අලුත් අවුරුද්ද ආගමික කටයුතුවලින් පටන් ගන්න එක හොඳයි. නමුත් පන්සල්,දේවාලවලට හැමදාම හෝ දිනකට තුන්වරක් යන එක නවතන එකත් හොඳයි.

: 137 44

ChampaThursday, 02 January 2020 04:05 AM

මොකක්ද ඔයාට තියෙන අමාරුව කෙනෙක් පන්සලකට දේවාලෙකට ගිහහම? මේ රටේ ඕනේ පුරවැසියෙකුට තමන් කැමති විදිහට තමන්ගේ ආගම අදහන්න නිදහස තියෙනවා. පන්සලකට, දේවාලෙකට යන වාර ගැන තීරණය කරන්න කාගේවත් අවසර අවශ්‍ය නැහැ. පුදුම වැඩක් කියන්නේ සිංහල බෞද්ධයන්ව තමයි පන්සලකට දේවාලෙකට ගියොත් හෙළා දකින්නේ. අනිත් ආගම් අදහන්නන් ගැන කිසි කතාවක් නැහැ. සිංහල බෞද්ධ අපේම රටේ සිංහල බෞද්ධයන්ට කරන මේ අගතිය නිසා තමයි අපි තව තවත් එකමුතු වෙන්න ඕනේ.

: 54 111

saaliFriday, 03 January 2020 10:11 AM

දේශපාලකයින් පන්සල් යනවා. පන්සිල් රකින්නේ නැහැ. එයයි ප්‍රශ්නය. අගමැතිතුමාගේ දොසක් කියනවා නොවෙයි. අනිත් අයත් කරනවා. මෙය විහිළුවක්...

: 0 2

kamalFriday, 03 January 2020 10:59 AM

පන්සල් ගියාට නම් කමක් නැහැ. පන්සලේ නැවතුණත් කමක් නැහැ. අපේ මුදලින් හෙලිකොප්ටර්වලින් ගිහින් පින් පොතේ එ්ක දාගන්න එක තමයි වැරදි...

: 0 1

vidya Wednesday, 01 January 2020 07:47 PM

ගරු අගමැති තුමනි, වටේ ඉන්න පිරිස පස් පව්, දස අකුසල් , සහ දුරාචාර වැඩ වලට පොළඹවන්නට ඒවි. එහෙම අය එනකොට මතක් කරගන්න ඔය හිස මත තියාගෙන ඉන්න කරඬුවේ බුදුරජානන් වහන්සේගේ ධාතුන් වහන්සේලා වැඩ ඉන්නේ කියලා

: 2 7

Nandalal DE SILVA - France Thursday, 02 January 2020 12:48 AM

වන්දනාකරුවන් අතර රාජපක්ෂ සාමාජිකයන් රොත්තක් ඉන්න බව වට්ටෝරුව දිහා බැලුවම පේනවා!

: 26 26

Champa Thursday, 02 January 2020 04:07 AM

මගේ රටටත්, අගමැතිතුමාටත් බුදු සරණයි ! කතරගම දෙවි පිහිටයි!

: 45 51

hemantha Thursday, 02 January 2020 08:23 AM

හොඳ බෞද්ධයෙක් නම් පන්සල් ඇතුලේ පාවහන් පළඳින්නේ නැහැ. මෙයා නිකම් නමට බෞද්ධයෙක්. අන්තිම පින්තූරේ හොඳට බලන්න...

: 64 62

hemanthaThursday, 02 January 2020 11:38 AM

රටේ ජනාධිපති අගමැති වුණත් වැරැද්ද වැරැද්දමයි. ඩිස්ලයික් වලින් පේන්නේ ඒ අය මොනවා කරත් හොඳයි. කියන වහල්ලු රොත්තක්ම ඉන්න එක නේද?

: 17 6

ChampaThursday, 02 January 2020 05:36 PM

පන්සල ඇතුලේ නෙමෙයි ඇවිදගෙන එනකොටත් පාවහන් ඇඳලා නැහැ. ඒ කළු පාටට ඇඳගෙන ඉන්නේ මේස් දෙකක්. පියවි ඇසින් සාමාන්‍ය ප්‍රමාණයට තියෙන පින්තූරයක් දිහා බලල සපත්තුවකයි මේස් එකකයි වෙනස හඳුනා ගන්න බැරිනම් පින්තූරේ ලොකු කරලා බලල ඇඳන් ඉන්නේ සපත්තුවක් නෙමෙයි මේස් එකක් කියල හඳුනා ගන්න ඔබ දෙන්නටම අවසර තියෙනවා.

: 2 9

HemanthaFriday, 03 January 2020 10:16 AM

සරම ඇඳලා මේස්, සපත්තු දානවා කියලා දැනගෙන හිටියේ නැහැ. සාමාන්‍යයෙන් සරම අැන්දම දමන්නේ සපත්තු විතරයිනේ... සමහරවිට ලෙඩක්ද දන්නේ නැහැනේ නේද? කොහොම වුණත් මගේ පෙනීමේ දෝෂයක් නම් සමාවෙන්න.

: 8 2

dasaSaturday, 04 January 2020 11:46 PM

සාමාන්‍ය මිනිස්සු සරම ඇඳලා මේස්, සපත්තු දාන්නේ නැහැ තමයි. නමුත් මේ රජ පවුලේ කට්ටියනේ, ඒගොල්ල එහම තමයි.

: 0 0

lakshman premarathna Thursday, 02 January 2020 12:54 PM

මිනිස්සු එළවලු පෝලිම්වල මේ අයට ගාණක් නැහැ. මේකටද බලය ගත්තේ? එළියට බැහැලා ඉන්නේ... හොඳ හොඳ රැඟුම් තව බලන්න බැරිය.

: 12 8

කපුරුහාමි Thursday, 02 January 2020 01:28 PM

මෙතුමා තරම් පන්සල් වන්දනාවේ යන නායකයෙක් මම ඔය දැක්කාමයි.

: 0 12

Nandalal DE SILVA - FranceFriday, 03 January 2020 11:46 AM

එහෙම කරන්නේ මේ ලෝකෙන් චුතවී ගියාට පස්සේ යන තැනකට යමක් කමක් හරි හම්බ කරගන්නනේ ! කැමරා කාරයින් නැතුව අපේ රටේ කිසිම නායකයෙකුට මලක් පූජා කරලා, පහනක් දල්වන්නවත් බැරි තත්වයක් උදා වෙලා තියෙන්නේ...

: 0 7

Chathuti Thursday, 02 January 2020 09:35 PM

මෙතරම් සිල්වත් මනුස්සයෙක් ලංකාවේ නැහැ. පුදුම දේ. ආශාව අත් නොඇරෙන එකයි, කොයිතරම් බන පිරිත් ඇහුවත් හිත වෙනස් වෙන්නේ නැහැ.

: 5 11

Muhan Saturday, 04 January 2020 04:30 AM

දවසකට දහපාරක් පන්සල් ගියත් කමක් නැහැ. මාධ්‍ය සංදර්ශන නැතිව. මොකද ඒවාට වැයවෙන්නේ අපේ මුදල්...

: 0 0