(නිමල කොඩිතුවක්කු)
හිටපු කම්කරු නායකයකු සහ කොළඹ හිටපු නගරාධිපතිවරයකු වන ඒ. ඊ ගුණසිංහ මහතාගේ 128 වන ජන්ම දිනය සහ ලංකා කම්කරු පක්ෂයේ මැයි දින සැමරුම පිටකොටුව ඒ. ඊ. ගුණසිංහ ප්රතිමාව අභියසදී අද (1) පැවැත්විණි.
ප්රවාහන හා සිවිල් ගුවන් සේවා රාජ්ය අමාත්ය අශෝක් අබේසිංහ මහතාගේ ප්රධානත්වයෙන් පැවති මෙම උත්සවය සඳහා ලංකා කම්කරු පක්ෂයේ නායක හා ලංකා කම්කරු සමිති සභාපති විජිත කදිරගොන්න, කොළඹ නියෝජ්ය නගරාධිපති එම්. ටී. එම් ඉක්බාල් යන මහත්වරුන් ඇතුළු පිරිසක් එක් වූහ.
එහිදී ඒ. ඊ. ගුණසිංහ ප්රතිමාව වෙත මල් මාලා පැළඳවීම ලංකා කම්කරු පක්ෂයේ නායක විජිත කදිරගොන්න, කොළඹ නියෝජ්ය නගරාධිපති එම්. ටී. එම් ඉක්බාල් යන මහත්වරුන් විසින් සිදු කළ අතර ප්රවාහන හා සිවිල් ගුවන් සේවා රාජ්ය අමාත්ය අශෝක් අබේසිංහ මහතා ඇතුළු පිරිසක් පුෂ්පෝපහාර දැක්වූහ.
මෙම උත්සවයට සමගාමීව විවිධ රෝගා බාධවලින් පෙළෙන පුද්ගලයන් සඳහා මුදල් පරිත්යාග කිරීමක් ද සිදුකෙරිණි.
එහිදී අදහස් දැක්වූ ප්රවාහන හා සිවිල් ගුවන් සේවා රාජ්ය අමාත්ය අශෝක් අබේසිංහ මහතා මෙසේ ද කීය.
‘‘ලෝක කම්කරු දිනය නිමිත්තෙන් ලංකාවේ කම්කරු දිනය නීතිගත කිරීමට මූලිකත්වය දැරූ ඒ. ඊ. ගුණසිංහ මහතා සිහිපත් කිරීමට අද අපි කටයුතු කළා. එතුමා මේ රට වෙනුවෙනුත් කම්කරුවන් වෙනුවෙනුත් විශාල සේවයක් ඉටුකළ විශිෂ්ට කම්කරු නායකයෙක්.
මේ රටේ ඛේදවාචකයක් වෙච්ච අවස්ථාවක සියලුම මැයි රැළි තාවකාලිකව නතර කරලා තියෙන අවස්ථාවක ඒ. ඊ. ගුණසිංහ මහතාගේ ගුණ සැමරීමට පියවර ගැනීම පිළිබඳ ලංකා කම්කරු පක්ෂයේ නායක විජිත කදිරගොන්න මහතා ඇතුළු පිරිසට මම ස්තූතිවන්ත වෙනවා.
අපේ රටේ කම්කරු නායකයා වගේම මැයි දිනය සැමරීමට මූලිකත්වය දුන් නායකයා මෙන්ම මේ රටේ සර්වඡන ඡන්ද බලය ලබා දීමට මූලිකත්වය දුන් නායකයා විදියට ඒ. ඊ. ගුණසිංහ මහතා විශාල සේවයක් අපේ රට වෙනුවෙන් සිදු කරලා තියෙනවා’’ යැයි ද ඔහු එහිදී පැවැසීය.
මෙම අවස්ථාව සඳහා ලංකා කම්කරු පක්ෂයේ නියෝජිතවරු ඇතුළු පිරිසක් එක් වූහ.
ඡායාරූප - ගයාන් අමරසේකර
ජලය පමණක් භාවිතාකර විදුලිය ජනනය කළ හැකි අති නවීන තාක්ෂණයෙන් යුත් විදුලි ජනන යන්ත්රයක් ශ්රී ලංකාවට හඳුන්වා දී තිබේ.
ජනාධිපති රනිල් වික්රමසිංහ මහතා ජනාධිපති කාර්යාලයේදී අද නව වසරේ වැඩ ආරම්භ කළේය.
විශ්ව විද්යාල ආචාර්යවරුන්ගේ වෘත්තීය සමිති මාර්තු මස 03 වනදා සිට ක්රියාත්මක කළ ක්රියාමාර්ගය නිමාකරමින් අද සිට පේරාදෙණිය විශ්ව විද්යාලීය පීඨ නමයෙහ
සිංහල සහ දෙමළ අලුත් අවුරුද්දේ හිස තෙල් ගැල්වීමේ නැකත අද (16) පෙරවරු 9.41 ට යෙදී තිබුණි.
විදේශිකයන් සදහා වෙන්වූ අළුත් අවුරුදු උත්සවයක් අද කළුතර රෝයල් ෆාම් හෝටලයේදී පැවතී අතර , එහි අවුරුදු කුමාරීය ලෙස බටහිර ජර්මනියේ ඊමා ග්රේර් මෙනවිය කිරු
සිංහල අලුත් අවුරුද්දේ ප්රධානම චාරිත්රය වන වැඩ අල්ලීම සහ ආහාර අනුභවය කිරීමේ නැකත උදා විය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඒ. ඊ ගුණසිංහයන්ගේ 128 වැනි ජන්ම දිනය සැමරේ