අධිවේගී ගිනි නිවීමේ යාත්‍රාව දියත් කරයි

(නිමල කොඩිතුවක්කු)

මහ මුහුදේ ගිනි ගැනීමට ලක්වන නැව් බෝට්ටු වෙත ක්ෂණිකව ළඟා වී ගිනි ගැනීම් පාලනය කිරීම සඳහා ශ්‍රී ලංකාවේ නිෂ්පාදනය කළ ප‍්‍රථම අධිවේගී ගිනි නිවීමේ යාත‍්‍රාව ධීවර හා ජලජ සම්පත් සංවර්ධන සහ ග‍්‍රාමීය ආර්ථිකය පිළිබඳ රාජ්‍ය අමාත්‍ය දිලිප් වෙදආරච්චි මහතාගේ ප‍්‍රධානත්වයෙන් දික්ඕවිට ධීවර වරායේ දී දියත් කෙරිණි.

සෝලා මැරීන් ලංකා ආයතනය විසින් මෙම ගිනි නිවීමේ යාත‍්‍රාව නිෂ්පාදනය කර ඇති අතර පැයට නාවීක සැතපුම් 35 ක වේගයකින් ගමන් කිරීමට හැකිවීම එහි විශේෂත්වයකි.

පැයකට වතුර ලීටර් ලක්ෂ 06 ක් මීටර් 120 ක් දුරට විදිය හැකි පහසුකම් සහිත මෙම යාත‍්‍රාව ගොඩබිම සිට නාවික සැතපුම් 200 ක දුර ගිනි නිවීමේ මෙහෙයුම්වල නිරතවීමේ පහසුකම් වලින් සමන්විතය.

මෙම ගිනි නිවීමේ යාත‍්‍රාවේ ගිනි නිවීම් භටයින් 6 දෙනෙකුට ගමන් කර මෙහෙයුම් සිදු කිරීමේ පහසුකම් ඇත.

ගිනි ගැනීමක් පිළිබඳව වාර්තා වූ වහාම අදාළ ස්ථානය නිශ්චිතව හදුනාගැනීමේ නවීන තාක්ෂණික ක‍්‍රම මෙන්ම එවැනි ගිනි ගැනීමක් දැනගැනීමත් සමඟ අදාළ නැවේ අයිඑම්ඕ අංකය මගින් එම නැව ඇති ස්ථානය පහසුවෙන් හදුනාගැනීමේ ඒඅයිඑස් තාක්ෂ්ණයෙන් ද මෙම යාත‍්‍රාව සමන්විත වේ.

අදහස් (8)

අධිවේගී ගිනි නිවීමේ යාත්‍රාව දියත් කරයි

latha Friday, 14 September 2018 09:36 AM

ගිනි බෝට්ටුව වතුරේ යනකොට යන්නෙත් නලා පිඹගෙනද?

: 86 16

athula Friday, 14 September 2018 09:57 AM

සුබ පැතුම් කොච්චර අගනේද

: 0 46

Chandana F Friday, 14 September 2018 10:45 AM

ජයවේවා..!!! ජය සැප දේ!

: 0 121

sirimal Friday, 14 September 2018 10:57 AM

මහ මුහුදේ ගිනි නිවනවාට කලින් "ගේ ඇතුලේ ඇවිලෙන ගිනි කන්ද" නිවා ගන්න මොකක් හරි ක්‍රමවේදයක් හදා ගත්තානම් තමයි වටින්නේ.

: 22 39

Raveendra Friday, 14 September 2018 12:59 PM

අප රටේ නිෂ්පාදනයක් අප සියල්ලෝම අගය කළ යුතුයි. අප විශ්වාස කරනවා වෙනත් රටකින් මිලදී ගන්නවා නම් විශාල මුදලක් වැයවෙනවා.

: 0 36

Nilanga Friday, 14 September 2018 01:29 PM

කදිම අත්කරගැනීමක්...

: 0 53

anura Friday, 14 September 2018 06:33 PM

අහන්නත් ඉතා සතුටුයි! අපේ රටේ නිෂ්පාදකයන්ට පලමු තැන හිමිවිය යුතුමය. ඔවුන්ව දිරිගන්වා අවශ්‍යය සියලු පහසුකම් ලබාදිමෙන් ඉතා වේගයෙන් රට සංවර්ධනය කළ හැකියයි මා අවංකව විශ්වාශ කරමි. ජයවේවා! ජර්මනිය මෙතරම් දියුනුවට පත්වි ඇත්තේ ඹවුන් තම රටේ වැසියන් කෙරේ තබා ඇති විශ්වාශයත් ඔවුන්ට අවශ්‍යය සියලු පහසුකම් නොඅඩුව සපයා දෙන නිසාත්ය.

: 0 34

anura Sunday, 16 September 2018 06:57 AM

අනාගතයේදී උද්ඝෝෂණය කරන ධීවරයන්ට විරුද්ධවත් මේවා භාවිතා කරාවි.

: 1 0