ඇමති පාඨලී මැතිවරණයේ ගණන් හිලව් අලුතෙන් හදයි

පොහොට්ටුවේ ඇත්ත ඡන්ද ප‍්‍රතිශතය 40%යි.

පළාත් පාලන මැතිවරණයේදී ශ්‍රීලංකා පොදුජන පෙරමුණට ලැබී ඇති සැබැ ඡන්ද ප‍්‍රතිශතය 40% ක් බවත් ඇතැම් මාධ්‍ය ආයතන මගින් ප‍්‍රකාශ කළ පළාත් පාලන ආයතනවල ජාතික ප‍්‍රතිශත ගණනයන් වැරදි ඇති බවත් ජාතික හෙළ උරුමයේ මහලේකම් අමාත්‍ය පාඨලී චම්පික රණවක මහතා නිවේදනයක් නිකුත්කරමින් සඳහන් කර සිටියි.

අමාත්‍යවරයාගේ නිවේදනයට අනුව

පොදුජන පෙරමුණේ සැබෑ ජාතික ප‍්‍රතිශතය : 40.66% ක් බවත් එය මාධ්‍ය ආයතනවලට අනුව : 44.65% වු බවද

එජාපයේ ජාතික ප්‍රතිශතය : 29.40% ක් බවත් මාධ්‍ය ආයතනවලට අනුව : 32.63% ක් වු බවත් ශ‍්‍රිලනිප හා එජනිස ප‍්‍රතිශතය : 12.38% උවද එය මාධ්‍ය ආයතනවලට අනුව : 13.38% ක් ලෙස දක්වා ඇති බවද සඳහන් කර තිබේ.

ජවිපෙ ප‍්‍රතිශතය : 5.8% උවද මාධ්‍ය ආයතනවලට අනුව : 6.27% ක් උබවද සඳහන් කර ඇත.

නිවේදනයේ වැඩිදුරටත් මෙසේද සඳහන්වේ.

ජනවාරි 8 ජනවරම හා ආණ්ඩුවේ අනාගතය.

මෙහිදී වැදගත් වන්නේ ආණ්ඩු හැදීමට කතා කරනා මහින්ද රාජපක්ෂ මහතාට ලැබී ඇත්තේ 40%ක් පමණක් වීමයි.

මේ අනුව ගත් කළ එජාප හා ජනාධිපතිතුමාගේ ශ‍්‍රිලනිපය සහිත ජාතික සභාග ආණ්ඩුවට අයත් පක්ෂවලට 42%ක් ලැබී ඇති අතර, පසුගිය ජනාධිපතිවරණයේදී හංසයා ලකුණ යටතේ එක්වූ පක්ෂවලට 51%ක් ඡන්ද ලැබී ඇත.

මේ අනුව තවමත් 2015 ජනවාරි 08 ජනවරමෙන් ජනතාව ඈත්වී නැති බව පැහැදිලිය. දැන් අවශ්‍යව ඇත්තේ ප‍්‍රධාන පක්ෂ දෙක එකතු කරන කඩිනම් ජාතික වැඩපිළිවෙලක් හා සෙසු සහායක පක්ෂවලට ගැටුම් ඇති නොවන ක‍්‍රියාමාර්ග ගැනීමය. යනුවෙනි.

- 044

අදහස් (19)

ඇමති පාඨලී මැතිවරණයේ ගණන් හිලව් අලුතෙන් හදයි

Patali Monday, 05 March 2018 12:23 PM

කටුස්සා කියන්නේ නිකන්ද? හැමදාම වාසි පැත්තට හෝයිය කියලා තමන්ගේ බඩ පුරවා ගන්න හරි දක්ෂයි.

: 625 1568

JEEWATuesday, 06 March 2018 11:41 AM

කටුස්සා නෙවෙයි... අලුත් නම තමයි ජෙහාන් ....

: 0 410

Thilina Monday, 05 March 2018 12:39 PM

හරි හරි ඔයාලා තමයි දිණුම් ..මහින්දට ඇප නැහැ ..සතුටුයි නේ

: 406 891

gunarathna Monday, 05 March 2018 01:35 PM

ඔය ගණන් හිලව් නෙමෙයි පරදින්ට හේතු හොයන්න. මිනිස්සුන්ට වැඩක් නැහැ ඔය ඉලක්කම් .ඔලුවෙන් හිටගෙන කතා කෙරුවත් පරාදයි තමා.

: 99 410

Buddika Gunasekara Monday, 05 March 2018 03:03 PM

ඉතින් හංසයා ලකුණ යටතේ ඉල්ලුවේ නැත්තේ ඇයි?

: 142 408

siri Monday, 05 March 2018 07:24 PM

මේ මිනිසුන්ට වැඩිය මිදී වල්ලට උඩ පැනපු නරිය හොදයි.ඒ නරිය මිදී ඇබුල් කියල යන්න ගියා.එත් ම නරි එක රසයි කියා කියා එතනම ඉන්නවා.ඉදිරියේදී අපි ඔය මිදී වැල කපල දානවා.එතකොට කන හැටි බලමුකෝ?

: 2 309

Senarath Tuesday, 06 March 2018 03:15 AM

මේ වගේ සුළු දෙයක් හරියට තේරුම් ගන්න බැරි කෙනෙකුගෙන් කොහොමද මහකොළඹ සැලසුමක් බලාපොරොත්තු වෙන්නේ ? මෙයා කියන විදියට ඔක්කොම පක්ෂවල ඡන්ද ප්‍රතිශතය අඩුවෙනවා. එතකොට කොහොමද සියයට සීය (100%) හැදෙන්නේ ? මහජනතාවගේ සල්ලි නිකරුනේ විනාස කරනවා. මෙයාගේ සැලසුමට අනුව රුපියල් බිලියන 50,000 ක් ඕනෙලු. රජය හතරගාතෙන් වැටිලා වාහන දීපුවට සහ හොරකම් කරපුවට. බිලියන 50,000 ක් තියා 500ක් සොයාගන්න පුළුවන් කමක් නැහැ.

: 2 711

aseTuesday, 06 March 2018 05:53 AM

ගණන් වලින් හරි , චන්දය නොදීපු ප්‍රතිශතය සමග ගත්තම මෙය හරි . මේක නොමිනල් සහ එෆ්ෆෙච්ටිවේ වගේ .

: 29 22

ajithkaru Tuesday, 06 March 2018 03:18 AM

පොහොට්ටුවට අපේ පැත්තේ යුඑන්පී කට්ටිය ඡන්දෙ දුන්නේ මෙහෙ ඉන්න යුඑන්පී ඇමතිතුමාගේ ක්‍රියා පිළිවෙත් ප්‍රතික්ෂේප කරලා මිසක්, යුඑන්පිය ගැන කලකිරිලාවත් පොහොට්ටුව ගැන පැහැදිලවත් නොවෙයි. මහා මැතිවරණයකදී මේ කට්ටිය නැවත ඡන්දෙ දෙන්නේ යුඑන්පියටම තමයි. එතකොට 40% තවත් පහලට යනවා.

: 818 133

දම්මි Tuesday, 06 March 2018 09:22 AM

ඔයත් කියන්නේ සිත නිවෙන කතාවක්නේ. එජාපයට විරෝධය පාන්න පොහොට්ටුවට දෙන්න ඔන්නෑනේ ජවිපෙට දෙන්න තිබුනණේ.ජවිපෙට නැත්නම ස්වාධීන පක්ෂයකට දෙන්න තිබුනණේ කමක නැහැ ඊළඟ මතිවරණය තෙක් රටේ ප්‍රශ්නවලට විසදුම් නොදී මැතිවරණ පරාජය වහගන්න සුරඟනා කතා කියා කියා ඉන්න ගෙදරම යන්න පුළුවන්.

: 0 285

සෙනෙවි Tuesday, 06 March 2018 05:17 AM

මොහුගේ දේශපාලන ගමන ජවිපෙ >හෙළ උරුමය > එජාපෙ. සමාජ වාදයෙන් පටන් ගත් මෙයා දේශපාලන කුණු බක්කියට වැටෙන දවස වැඩි ඈතක නොවේ

: 60 649

Wasantha Tuesday, 06 March 2018 07:34 AM

දැන් ජාතික හෙළ උරුමයට රට පුරාම ඡන්ද 2000ක් වත් නැහැ. පාටලී දැන් නිකං පාරේ ඇවිදිනවා වගෙය් අපිට පෙනෙන්නේ,

: 0 234

Neelaka Tuesday, 06 March 2018 07:38 AM

සිත නිවන කතා.

: 0 176

Bandula Tuesday, 06 March 2018 11:19 AM

කණ පැලෙන්න වැදුණට පස්සේ තමයි හොරට හරි ගණන් හිලව් මතක්වෙන්නේ... ඊළඟ ඡන්දෙදි බලමු ඔය ප්‍රතිශතය කොහොමද එන්නේ කියලා?

: 1 238

Shihan Tuesday, 06 March 2018 11:23 AM

මේවට කොහෙන් හිනාවෙන්නද..? පාටලී දැන් හරි විහිළු කාරයෙක් වෙලානේ.. පොහොට්ටුවෙන් දීපු කණේ පාරට තාම මෙයා හීනෙන් බයවෙලා නැගිටිනවද කොහෙද...? හරි ඔයා හිතාගෙන ඉන්නේ මහින්දට 40% කියලා ඔයා දිනුම් කියලනේ.. ඔයා එන්නකෝ ඊළඟ ඡන්දෙට.. අපි ඔයාලා වගේ අයට කළගුණ සලකන්න අවස්ථාවක් ලැබෙනකම් ඉන්නේ.. පාටලී ඔයා දැන් ඔය ගණන් එකතු කරන්න මහන්සි වෙන්න එපා.. අපි ඔයාට හරියටම ගාණ හදලා දෙන්නම්..

: 1 312

Liyanage Wednesday, 07 March 2018 02:43 AM

දේශපාලුවන්ට වැඩිය හොඳට ජනතාවට ගණන් තේරෙන බව නොදන්නවා ඇති.

: 0 41

ramani Wednesday, 07 March 2018 05:43 AM

මෙයා මුළු රටම කුණක් ගද ගස්සන වැඩ තමයි කරන්නේ . දැන් හොද නාඩගම් කාරයෙක් රටට නැති නිසා තමයි අපට නාඩගම් පෙන්නන්නේ , පාච, රණවක කියන්නේ නිකම් නොවෙයිනේ .දැන් ගණන් හදල වැඩක් නෑ. එන පාර චන්දෙදි අපි ඔයාට මාස හයකින් විතර ගණන් හදල කියන්න සලස්වන්නම් කෝ . දැන්ගණන් හදන්න මහන්සි නොවී ඉන්න , නරියත් මිදී කඩා ගන්න උඩ පැනල බැරි උනාම මොකක්ද කියුවේ , ඒ වගේ තමා

: 0 60

දිලුම් Wednesday, 07 March 2018 07:17 AM

අපිට පාඨලීගේ කථා අහන්න ඕන නෑ. අනික එයා කවුද. අපේ සල්ලිවලින් පිං පඩි ගන්න කෙනෙක්නේ......... ඔයත් ඉල්ලලා බලන්න මොකද වෙන්නේ කියලා . දියවන්නාවේ 225 හිතන් ඉන්නේ උන් උම්බෑ ගානකොට අපිත් උමිබෑ කියන්න ඕන කියල. අපේ රටට වින කරන්නනේ ඔහේලා......

: 0 68

W.M.A.B. Wanasinghe Wednesday, 07 March 2018 12:33 PM

හෙළ උරුමයේ ඡන්ද ප්‍රතිශතය ගැන මෙයා කියන්නේ නැනේ.

: 0 0

ඔබේ අදහස් එවන්න

දේශපාලන අර්බුදය 2018

ශ්‍රීලනිපය සහ එජාපය පෑලියගොඩ බලය පිහිටුවන්න යයි

2018 මාර්තු මස 21 5301 6

ශ්‍රී ලංකා නිදහස් පක්ෂය සමග එක්ව පෑලියගොඩ නගර සභාවේ බලය පිහිටුවන බව ප්‍රාදේශීය සංවර්ධන අමාත්‍ය ෆීල්ඩ් මාර්ෂල් සරත් ෆොන්සේකා මහතා කොළඹදී අද (21) පැවැසීය.