(මනෝප්රිය ගුණසේකර)
ජාතීන් හා ආගම් අතර වෛරී අදහස් පතුරුවා හරින තව්හිද් ජමාද් සංවිධානයේ නායක මොහොමඞ් සහරාන් නමැත්තා සම්බන්ධයෙන් 2018 වර්ෂය මුළුල්ලේ අවස්ථාවන් 13 කදී පොලිස්පති පුජිත් ජයසුන්දර මහතාගේ අවධානයට යොමු කළත් ‘පරීක්ෂා කර වාර්තා කිරීම’ හැර සහරාන් සම්බන්ධයෙන් වෙනත් ක්රියා මාර්ගයක් ගන්නා ලෙස පොලිස්පතිවරයා නිලධාරීන්ට නියෝග කොට නොමැති බව පාස්කු ඉරිදා ප්රහාරය සම්බන්ධයෙන් සොයා බැලීමට පත් කළ ජනාධිපති කොමිසමේදී අද (01) හෙළි විය.
මුහුණු පොත හරහා අන්තවාදී අදහස් පතුරුවා හරිමින් ජාතීන් හා ආගම් අතර වෛරී අදහස් පතුරුවා හරින තව්හිද් ජමාද් සංවිධානයේ නායක මොහොමඞ් සහරාන් නමැත්තා සම්බන්ධයෙන් වැඩිදුර වාර්තා ඉල්ලීම හැර පොලිස්පතිවරයා වෙනත් නියෝගයක් දී නැද්දැයි කොමිසමේ විනිසුරු මඩුල්ලේ ප්රශ්න වලට පිළිතුරු දෙමින් ත්රස්තවාදී විමර්ශන කොට්ඨාසයේ ප්රධාන පොලිස් පරීක්ෂකවරයා ඒ බව කොමිසමේදී හෙළි කළේය.
තව්හිද් ජමාද් සංවිධානයේ නායක මොහොමඞ් සහරාන් නමැත්තාට එරෙහිව කොළඹ ප්රධාන මහෙස්ත්රාත් අධිකරණයෙන් මෙන්ම මඩකලපුව මහෙස්ත්රාත් අධිකරණයෙන් විවෘත වරෙන්තු නිකුත් කොට තිබු බවත් ඔහුට විදේශ ගතවීම වළකාලමින් නියෝග නිකුත් කර තිබු බවත් කොමිසමට දැනුම් දුන් ප්රධාන පොලිස් පරීක්ෂකවරයා සැඟවී සිටි ඔහු අත්අඩංගුවට ගැනීම සදහා විමර්ශන සිදුකරමින් සිටි බවත් ඒ බව සෑම අවස්ථාවකදීම පොලිස්පතිවරයාගේ අවධානයට යොමු කළ බවත් පැවසීය.
අයි.එස්.අයි.එස්. සංවිධානයේ නිල ප්රකාශනය වන ‘අල් නබා’ සඟරාවේ පළවන ලිපි හා කතු වැකි දෙමළ භාෂාවට පරිවර්ථනය කර මොහොමඞ් සහරාන්ගේ මුහුණු පොතේ ප්රචාරය කොට ඇති බවද සහරාන්ගේ මුහුණු පොතේ යමක් ප්රචාරය වන සෑම අවස්ථාවකදීම පොලිස්පතිවරයාට ඒ පිළිබදව බුද්ධි තොරතුරු ලැබෙන බවත් ඒ සෑම අවස්ථාවකදීම පොලිස්පතිවරයා ඒ ගැන සොයා බලන ලෙස දැනුම් දෙමින් තම කොට්ඨාසයට ගොනු එවන බවත් ත්රස්තවාදී විමර්ශන කොට්ඨාසයේ ප්රධාන පොලිස් පරීක්ෂකවරයා කොමිසමට දැනුම් දුන්නේය.
මොහොමඞ් සහරාන් නමැත්තාට එරෙහිව සිවිල් හා දේශපාලන සම්මුති පනත යටතේද, ජාතීන් හා ආගම් අතර අසමගියක් ඇති කිරීම සම්බන්ධ පනත යටතේද නඩු පැවරීම සදහා තම කොට්ඨාසය විසින් නීතීපතිවරයාට නිර්දේශ ඉදිරිපත් කර තිබු බවද ඒ මහතා කොමිසම හමුවේ වැඩිදුරටත් පැවසීය.
චීන කොමියුනිස්ට් පක්ෂයේ ජාත්යන්තර කටයුතු දෙපාර්තමේන්තුවේ නියෝජ්ය අමාත්ය සන් හයියන් (Sun Haiyan) මහත්මිය ඇතුළු චීන දූත පිරිස සහ දේශගුණික විපර්යාස පිළිබඳ
ඉරානය සහ ශ්රී ලංකාව අතර ද්විපාර්ශ්වික සබඳතා ශක්තිමත් කිරීමේ අරමුණින් අවබෝධතා ගිවිසුම් (MoUs) පහකට අත්සන් තැබූ බව ජනාධිපති කාර්යාලය පවසයි.
ශ්රී පාද උඩමළුව ආසන්නයේ රත්නපුර මාර්ගයේ ආරක්ෂක වැටකින් පහළට පැන ඉකුත් (19)දා සිට අතුරුදන්ව සිටි තරුණයා දින (05)කට පසුව නල්ලතන්නිය පොලිස් වසමට අයත්, රාජමල
ජනාධිපති රනිල් වික්රමසිංහ මහතා ඉදිරි ජනපතිවරණයට තරඟ කරන බවට නිල වශයෙන් ප්රකාශයට පත් කිරීමෙන් පසු පොදු ජන පෙරමුණේ ජනාධිපති ධුර අපේක්ෂකයා සම්බන්ධයෙ
දකුණේ ප්රබල දේශපාලනඥයකු තරග විභාගයකින් තොරව කොරියා රැකියා දෙන බව පවසා තරුණයන් 500කගෙන් රුපියල් කෝටි දෙක හමාරකට ආසන්න මුදලක් ලබාගෙන ඇතත් තවමත් රැකියා
පාර්ලිමේන්තු සභා ගර්භයේ සඟවා තිබී පාස්කු දා ප්රහාරය සම්බන්ධ විරෝධතා පාඨ සහිත පුවරු හතක් පොලිස් විශේෂ කාර්ය බළකා නිලධාරින් පිරිසක් විසින් අද (24) පෙරවර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
’සහරාන් ගැන ක්රියා කරන්න පොලිස්පති නිලධාරීන්ට නියෝග කර නෑ’
සමිත සේනක අලුත්ගමගේ. Monday, 01 June 2020 02:01 PM
මේ රටේ ඒ වෙනවිට හිටපු සේනාධිනායකයා මෙයට සම්පූර්ණයෙන්ම වගකිව යුතුයි. පොලිස්පති නොවෙයි රටේ සේනාධිනායකයා කියන්නේ... සම්පූර්ණම වගකීම සේනාධිනායකයා අතේ... ඒත් ඔහු නිදැල්ලේ.