(තිළිණි ද සිල්වා සහ රංජන් කටුගම්පොළ )
හිටපු මහාධිකරණ විනිසුරු ගිහාන් පිලපිටිය මහතාට ලබන 28 වැනිදා නුගේගොඩ මහේස්ත්රාත් අධිකරණය හමුවේ පෙනී සිටීම වළක්වාලමින් අභියාචනාධිකරණය අද (27) අතුරු නියෝගයක් නිකුත් කරන ලදී.
ලබන ජුනී 8 වැනිදා තෙක් බලපැවැත්වෙන පරිදි අභියාචනාධිකරණය මෙම අතුරු නියෝගය නිකුත් කරනු ලැබ ඇත.
හිටපු පාර්ලිමේන්තු මන්ත්රී රංජන් රාමනායක මහතා සමඟ එක්වී බොරු සාක්ෂි සෑදීම සඳහා කුමන්ත්රණය කළා යැයි කියන චෝදනා යටතේ තමන්ට එරෙහිව නුගේගොඩ මහසේත්රාත් අධිකරණය හමුවේ පැවැත්වෙන නඩු විභාගය අත්හිටුවන නියෝගයක් නිකුත් කරන්නැයි ඉල්ලා හිටපු මහාධිකරණ විනිසුරු ගිහාන් පිලපිටිය මහතා ගොනු කළ රිට් පෙත්සම සලකා බලමින් අභියාචනාධිකරණය මෙම අතුරු නියෝගය නිකුත් කළේය.
සභාපති ඒ.එච්.එම්.ඩී නවාස් සහ සෝභිත රාජකරුණා යන මහත්වරුන් ගෙන් යුතු අභියාචනාධිකරණ විනිසුරු මඩුල්ලක් හමුවේ මෙම පෙත්සම සලකා බැලිණි.
මෙම පෙත්සම අද අධිකරණය හමුවේ සලකා බැලූ අවස්ථාවේදී පෙත්සම්කාර හිටපු මහාධිකරණ විනිසුරුවරයා වෙනුවෙන් පෙනී සිටි ජනාධිපති නීතීඥ රොමේෂ් ද සිල්වා මහතා කියා සිටියේ තම සේවාදායකයාට එරෙහිව , හිටපු පාර්ලිමේන්තු මන්ත්රී රංජන් රාමනායක මහතා සමඟ එක්වී බොරු සාක්ෂි සෑදීම සඳහා කුමන්ත්රණය කළා යැයි කියන චෝදනා යටතේ නුගේගොඩ මහේස්ත්රාත් අධිකරණය හමුවේ පැවැත්වෙන නඩු විභාගයට අදාළව එම මහෙස්ත්රාත් අධිකරණය නිකුත් කළ සිතාසිය නීතියට පටහැනි බවය.
එසේම එම සිතාසිය මගින් සිය සේවාදායකයාගේ අයිතිවාසිකම් කඩවී ඇති බවත් , එය ස්වභාව යුක්ත මූලධර්මයට පටහැනි බවද ජනාධිපති නීතීඥවරයා අධිකරණය හමුවේ කියා සිටියේය.
කරුණු සලකා බැලූ අභියාචනාධිකරණ විනිසුරු මඩුල්ල හිටපු මහාධිකරණ විනිසුරු ගිහාන් පිලපිටිය මහතා ලබන ජුනි 08 වැනිදා තෙක්නු ගේගොඩ මහේස්ත්රාත් අධිකරණය හමුවේ පෙනී සිටීම වළක්වාලමින් මෙම අතුරු නියෝගයක් නිකුත් කළේය.
තමන්ට එරෙහිව නුගේගොඩ මහේස්ත්රාත් අධිකරණය හමුවේ පැවැත්වෙන නඩු විභාගය නවත්වන නියෝගයක් නිකුත් කරන්නැයි ඉල්ලා ගිහාන් පිලපිටිය මහතා ගොනු කළ මෙම රිට් පෙත්සමේ වගඋත්තරකරුවන් වශයෙන් නුගේගොඩ මහේස්ත්රාත් , වැඩබලන පොලිස්පති ඇතුළු තිදෙනෙකු නම් කරනු ලැබ තිබිණි.
ඊශ්රායලය විසින් ඉරානයට එල්ල කෙරුණු ප්රහාරය සමඟ ඉදිරියටද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකා
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
රජයේ රෝහල්වල විශේෂඥ වෛද්යවරුන් 350 දෙනකු මෑත භාගයේදී රට හැර ගොස් ඇතැයි සෞඛ්ය අමාත්යාංශයේ විශේෂඥ වෛද්යවරුන් කණ්ඩායමක් කළ අධ්යයනයකදී හෙළිවී ඇත.
මෙරට දේශපාලනයේ පෙරළිකාරීයකු මෙන්ම මානවහිතවාදීයකුගේ යුගය නිමාවට පත් කරමින් හිටපු නියෝජ්ය අමාත්ය පාලිත තෙවරප්පෙරුම මහතා මළහිරුබැස යන් සන්ධ්යාවේ
බස්නාහිර.සබරගමුව,වයඹ,ඌව සහ මධ්යම පළාත්වලත් අනුරාධපුර, වවුනියාව, මන්නාරම, ගාල්ල සහ මාතර දිස්ත්රික්කවලත් පස්වරු 2.00 පමණ පසු වැසි හෝ ගිගුරුම් සහිත වැසි ඇ
අයිස් සහ හෙරොයින් මත්ද්රව්ය තොගයක් සමඟ නාවික හමුදා ලුතිනන් කමාන්ඩර්වරු දෙදෙනෙකු ඇතුළු සිව්දෙනෙකු මුල්ලේරියාව පොලිසිය විසින් අද (19) රාත්රීයේදී අත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හිටපු මහාධිකරණ විනිසුරු ගිහාන් පිලපිටියට අභියාචනාධිකරණයෙන් අතුරු නියෝගයක්
සමිත සේනක අලුත්ගමගේ. Wednesday, 27 May 2020 04:40 PM
අසේවනාච බාලා නන් - පණ්ඩිතා නංච සේවනා ..යන බුදු වදන අදටත් මොනතරම් දුරට ගැලපෙනවා නේද ...?
Prasanna Thursday, 28 May 2020 02:21 AM
මිනිස්සු පාර්ලිමේන්තුවට මන්ත්රීතුමන්ලාට, අැමැතිලාට අපහාස කළද, රටේ හැම තැනම වෙන්නේ පොඩි මිනිහට අසාධාරණයක්. නිකරුනේ මන්ත්රීලට විතරක් බනින එක තේරුමක් නෑ. මොකද අනිත් ඒවගේ ඉන්නේ හොඳ මිනිස්සුද? එහෙම නම් මෙහෙම වෙයිද?
කමල් Friday, 29 May 2020 12:50 PM
වැරදි කළා නම් කාට වුණත් දඬුවම් කළයුතුයි. නීතිය කාටත් එකයි...