සිංගප්පූරුවේ සිටින විදේශීය ශ්රමිකයන් 20 000කට ඔවුන්ගේ නේවාසිකාගාර වලම රැඳී දින 14ක කාලයක් නිරෝධායනය වන ලෙස එරට රජය නියෝග කර ඇත.
කම්කරු නේවාසිකාගාර වල කොවිඩ් ආසාදිත රෝගීන් වාර්තා වීම හේතුවෙන් මෙම පියවර ගෙන තිබේ.
කම්කරුවන් 13 000ක් සිටින නේවාසිකාගාරයකින් රෝගීන් 63ක් ද කම්කරුවන් 6 800ක් සිටින නේවාසිකාගාරයකින් රෝගීන් 28ක් ද වාර්තා වී ඇත.
කම්කරුවන්ට තම කාමර වලින් පිටතට යෑම තහනම් කර ඇති අතර දිනකට දෙවරක් ඔවුන්ගේ උෂ්ණත්වය මැන වාර්තා කළ යුතුය.
ඔවුන්ගේ ආහාර කාමර වලටම ලැබෙන අතර උෂ්ණත්වමාන සහ මුහුණු ආවරණ ඇතුළු සනීපාරක්ෂක උපකරණ ද ලබා දී ඇත.
කෙසේවුවද පුන්ගොල් නේවාසිකාගාරයේ කම්කරුවන් පිරිසක් ස්ට්රේට්ස් ටයිමිස් පුවත්පතට පවසා ඇත්තේ ඔවුන්ගේ මධ්යස්ථානයේ කැරපොත්තන්ගෙන් පිරී ඉතිරී ගිය වැසිකිළි හා ආහාර සඳහා දිගු පෝලිම් ඇති බවයි.
මෙම නේවාසිකාගාර වල කම්කරුවන් අවම පහසුකම් යටතේ ජීවත් වන අතර එක් කාමරයක කම්කරුවන් 12ක් පමණ සිටින බවට වාර්තා වී ඇතැයි බීබීසී ප්රවෘත්ති සේවය පවසයි.
සිංගප්පූරුවේ විදේශීය ශ්රමිකයන් 284 000ක් පමණ ඉදිකිරීම් වැඩබිම් වල සේවය කරති.
මොවුන් බොහොමයක් ඉන්දියාව, බංගලාදේශය, ශ්රී ලංකාව සහ තායිලන්තය ඇතුළු දකුනු ආසියානු රටවලින් පැමිණි අය වේ.
සිංගප්පූරුව, කොවිඩ් වසංගතයට ප්රතිචාර දක්වන ආකාරය සම්බන්දව ලොව පුරා ප්රශංසාවට ලක්වුවද මේ වනවිට රටපුරා රෝගීන් සංඛ්යාව වැඩිවෙමින් පවතී.
සිංගප්පූරු රජය පවසන්නේ කම්කරු නේවාසිකාගාර වලින් හමුවන රෝගීන් සංඛ්යාව ද ඉහල යමින් පවතින බවයි.
කම්කරුවන් ආරක්ෂාකාරීව තබා ගැනීමටත් ප්රජාව වෙත රෝගය සම්ප්රේෂණය වීම වැළැක්වීමටත් දැඩි ක්රියාමාර්ග ගැනීමට සිදුවූ බව රජය වැඩිදුරටත් පවසයි.
සිංගප්පූරුවේ මේ වනවිට කොරෝනා ආසාදිතයන් 1 309ක් සහ මරණ 06ක් වාර්තා වී තිබේ.
පාසැල් සහ අත්යාවශ්ය නොවන ව්යාපාර මේ සතියේ වසා දැමීමට සැලසුම් කර ඇති අතර ජනතාවට නිවෙස් වල රැඳී සිටීමට උපදෙස් දී ඇත.
රටපුරා අගුලු දැමීමේ ක්රියාවලිය හෙට(07) සිට ක්රියාත්මක වීමට නියමිතය.
(බීබීසී ඇසුරිණි - 085)
මින්නේරිය විදුලිබල මණ්ඩලය ආසන්නයේ අද රාත්රියේ පුද්ගලයන් තිදෙනකු අතර ඇති වූ ගැටුමක් දුරදිග යාමෙන් තියුණු ආයුධ පහරකින් එක්දරු පියකු ජීවිතක්ෂයට පත්ව
ජනාධිපතිවරණ උණුසුම දිනෙන් දින වැඩිවෙමින් පවතිද්දී එම මැතිවරණය සඳහා ඉදිරිපත්වීමට තීරණය කර ඇති අපේක්ෂකයන් සංඛ්යාවද 7 ක් දක්වා ඉහළ ගොස් ඇත.
දුම්රිය සාමාන්යාධිකාරිවරයාගේ මරණය සම්බන්ධයෙන් සාධාරණ සැකයක් පවතින බැවින් හදිසි මරණ පරීක්ෂණයක් පමණක් පවත්වා අවසන් කිරීම ප්රමාණවත් නැතැයි අනුරා
ජාතික ජන බලවේගය සහ සමගි ජන බලවේගය අතර පැවැත්වීමට නියමිත විවාදය නීති විද්යාලයේ පැවැත්වීමට සිය සංගමය, පක්ෂ දෙකේ නායකයන්ට යෝජනා කර ඇති බව ශ්රී ලංකා නීත
අධ්යාපනය දේශපාලන පාපන්දුවක් බවට පත් කර ගතහොත් අවසානයේ පරාජයට පත් වන්නේ රට බැවින් පෞද්ගලික මත පසෙකලා සියලු දෙනා එක්ව සාකච්ඡා කර රටට ඔබින හොඳම අධ්යාප
උමාඔය භූගත විදුලි බලාගාරයේ විදුලි ජනන යන්ත්ර දෙක එහි ඉදිකිරීම් ක්රියාත්මක වන කාලයේ සේවය කළ සුළු සේවිකාවන් දෙදෙනකුගේ සේවය ඇගයීම වෙනුවෙන් ‘දසුනි’ සහ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සිංගප්පූරුවේ විදෙස් ශ්රමිකයන් 20,000ක් නිරෝධායනයට