( තිළිණි ද සිල්වා සහ රංජන් කටුගම්පොළ )
පසුගිය රජය විසින් සිංගප්පූරුව සහ ශ්රී ලංකාව අතර අත්සන් කර ඇති නිදහස් වෙළඳ ගිවිසුම පිළිබඳව තවදුරටත් විමර්ශනය කරමින් සිටින බව නීතීපතිවරයා ශ්රේෂ්ඨාධිකරණයට අද (13) දැනුම් දෙන ලදී.
එම ගිවිසුම යළි සලකා බැලීමට ජනාධිපතිවරයා පත් කළ කමිටුවට ඉකුත් දිනවල රටේ උද්ගත වූ තත්ත්වය මත එම ගිවිසුමේ ගැන අධ්යයන කටයුතු වල යම් පමාවක් සිදු වූ බවත් , එම අධ්යයන කටයුතු අවසන් කිරීම සදහා කල් ලබා දෙන්නැයි නීතිපතිවරයා අධිකරණයෙන් ඉල්ලා සිටියේය.
නීතිපතිවරයා වෙනුවෙන් පෙනී සිටි රජයේ නීතීඥ නිර්මලන් විග්නේෂ්වරන් මහතා මේ බව ශ්රේෂ්ඨාධිකරණයට දැනුම් දෙන ලදී.
රජයේ නීතීඥවරයා මේ බව දැනුම් දුන්නේ සිංගප්පූරුව සහ ශ්රී ලංකාව අතර අත්සන් කර ඇති නිදහස් වෙළඳ ගිවිසුම ආණ්ඩුක්රම ව්යවස්ථාවට පටහැනි යැයි ප්රකාශ කරන මෙන් ඉල්ලා මව්බිම ලංකා පදනම , ශ්රී ලංකා නීතීඥ සංගමය , රජයේ වෛද්ය නිලධාරීන්ගේ සංගමය ඇතුළු පිරිසක් ගොනු කර ඇති පෙත්සම් හතක් ඊයේ අධිකරණය හමුවේ සලකා බැලූ අවස්ථාවේදීය.
එම පෙත්සම් ප්රියන්ත ජයවර්ධන සහ යසන්ත කෝදාගොඩ යන මහත්වරුන්ගෙන් යුතු මහත්ම විනිසුරු මඩුල්ල හමුවේ ඊයේ (13) කැඳවිණි.
පෙත්සම කැඳවූ අවස්ථාවේදී නීතීපති වෙනුවෙන් පෙනී සිටි රජයේ නීතීඥ නිරන්ජන් විග්නේෂ්වරන් මහතා අධිකරණය හමුවේ කරුණු දක්වමින් කියා සිටියේය අත්සන් කර ඇති එම නිදහස් වෙළඳ ගිවිසුම පිළිබඳව වත්මන් රජය නැවත විමර්ශනය කිරීමට තීන්දු කර ඇති බවය.එම නැවත විමර්ශන කටයුතු සඳහා සිදු කරන කමිටුව තවදුරටත් එහි අන්තර්ගත කරුණු පිලිබද තවදුරටත් අධ්යයනය කරමින් සිටින බවද රජයේ නීතීඥවරයා කියා සිටියේය.
එම කරුණු සැලකිල්ලට ගත් විනිසුරු මඩුල්ල මෙම පෙත්සම් ලබන නොවැම්බර් 03 වැනිදා යළි කැඳවීමට නියම කළ අතර එදිනට එම කටයුතුවල ප්රගතිය අධිකරණයට දැනුම් දෙන ලෙසද නීතීපතිවරයාට දැනුම් දුන්නේය.
මව්බිම ලංකා පදනම , ශ්රී ලංකා නීතීඥ සංගමය , රජයේ වෛද්ය නිලධාරීන්ගේ සංගමය ඇතුළු අට දෙනෙකු විසින් ගොනු කර ඇති මෙම පෙත්සම්හී වගඋත්තරකරුවන් වශයෙන් අග්රාමාත්යවරයා ඇතුළු අමාත්ය මණ්ඩලයේ සාමාජිකවරු සහ නීතිපති නම් කරනු ලැබ සිටිති.
පෙත්සම්කරුවන් කියා සිටින්නේ ශ්රී ලංකා රජය හා සිංගප්පූරු රජය විසින් අත්සන් කර ඇති නිදහස් වෙළඳ ගිවිසුම මුළුමනින්ම ආණ්ඩුක්රම ව්යවස්ථාවට පටහැණි බවය. සිය පෙත්සම මගින් පෙත්සම්කරුවන් පෙන්වාදෙන්නේ එම නිදහස් වෙළඳ ගිවිසුම තුළින් සිංගප්පූරු ජාතික වෘත්තීයවේදින්ට නිදහසේ ශ්රී ලංකාව තුළට පැමිණ වෘත්තීය කටයුතු වල නිරත වීමට අවශ්ය අවකාශ සැලසෙන බවය.මෙම ගිවිසුමෙන් ශ්රී ලාංකික වෘත්තීයවේදීන්ට ලැබෙන වාසි ඉතාම අල්ප බව ද ඔවූහු පෙන්වා දෙති.මෙම ගිවිසුම ක්රියාත්මක වුවහොත් මෙරට වෛද්ය, ඉංජිනේරු, නීති, මිනින්දෝරු ඇතුළු වෘත්තීය ක්ෂේත්ර ගණනාවක වෘත්තීයවේදීන්ගේ වෘත්තීය කටයුතුවලට දැඩි බාධාවක් සිදුවිය හැකි බව පෙත්සම්කරුවෝ කියාසිටිති.
මෙම ගිවිසුම අත්සන් කිරීමට පෙර රජය ඒ සඳහා පාර්ලිමේන්තුවෙන් නිසි අනුමැතියක් ලබාගෙන නොමැති බවත් එම ගිවිසුමේ අඩංගු ප්රතිපාදන මෙරට ස්වෛරීභාවයට මෙන්ම ආර්ථිකයට හා වෘත්තීය කටයුතුවලට දැඩි හානියක් එල්ල කරන බව පෙත්සම්කරුවෝ කියා සිටිති.
මේ හේතුවෙන් අදාළ ගිවිසුමේ අන්තර්ගත ප්රතිපාදන මෙරට ආණ්ඩුක්රම ව්යවස්ථාවට පටහැනි යැයි තීන්දු කොට එම ගිවිසුම බල රහිත කිරීමේ නියෝගයක් නිකුත් කරන මෙන් ද පෙත්සම්කරුවෝ ශ්රේෂ්ඨාධිකරණය ඉල්ලා සිටිති.
පෙත්සම්කරුවන් වෙනුවෙන් ජනාධිපති නීතීඥ සංජීව ජයවර්ධන මහතා පෙනී සිටියේය. නීතීපති වෙනුවෙන් රජයේ නීතිඥ නිර්මලන් විග්නේෂ්වරන් මහතා පෙනී සිටියේය.
බ්රසීලයේ රියෝ ඩි ජෙනෙයිරෝ බැංකුවට රෝද පුටුවක තබා ගත් මළ සිරුරක් රැගෙනවිත් එම මියගිය පුද්ගලයාගේ නමට ඇමෙරිකානු ඩොලර් 3250 ක (ශ්රී ලංකා රුපියල් ලක්ෂ 10 කට ආ
විශ්ව විද්යාලවල නවක වදය අඩුකිරීම සඳහා වෙසක් සමයේදී මෛත්රී මාසය යන තේමාව යටතේ නවකවද විරෝධී වැඩසටහනක් ආරම්භ කිරීමට උසස් අධ්යාපන අමාත්යාංශය තීරණය ක
යාපනය නාගදීප ප්රදේශයේ දී ප්රසව වේදනාවෙන් සිටි මවක් රෝහලට මුහුදු මාර්ගයෙන් රැගෙන යමින් සිටිය දී මගී යාත්රාවක් තුල දී බිළිඳෙකු ප්රසූත කර ඇති බවට වා
අම්පාර සිට වැලිමඩට හාල් තොගයක් ප්රවාහනය කරමින් තිබූ කන්ටේනර් ටැංකියක් සහිතව ධාවනය වූ විශාල ලොරි රථයක් අද( 19 ) බදුල්ල නුවරඑළිය ප්රධාන මාර්ගයේ වේල්ලව
ලොව විශාලතම ප්රජාතන්ත්රවාදී මැතිවරණ ක්රියාදාමය ලෙස සැලකෙන ඉන්දීය මහ මැතිවරණය අද (19) උදෑසන 7 ට ඇරැඹිණි
ඉරානය පසුගියද ඊශ්රායලයට එල්ල කළ ප්රහාරයට පිළිතුරු වශයෙන් ඊශ්රායල අද(19) අලුයම ඉරානයේ ඉස්ෆාහන් නගරය ආසන්නයට මිසයිල ප්රහාරයක් එල්ල කර ඇතැයි ඇමෙරිකා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සිංගප්පූරුව - ශ්රී ලංකා වෙළඳ ගිවිසුම තවමත් විමර්ශනයේ - නීතිපති කියයි
nanadana Monday, 13 July 2020 11:08 AM
සිංගප්පූරුව, ඇමෙරිකාව හෝ වෙනයම් රටවල් සමග ඇතිවන වෙළඳ ගිවිසුම්වලින් වන්නේ ලංකාවේ නිෂ්පාදනවලට ඒ රටවල වෙළඳපල විවෘතවීම සහ විදේශ ආයෝජන රටට ගලා ඒමට සැලැස්වීමයි. මෙයින් සිදුවන්නේ රටේ තරුණ තරුණියන්ට රැකියා අවස්ථා වැඩිවීමයි. මෙහිදී අප පිළිගත යුතු යථාර්තයක් නම් මෙවැනි ගිවිසුම්වලදී ඒවායේ සියලු ප්රතිලාභ කිසිවිටක එකම පාර්ශවයකට නොලැබෙන අතර, සාමාන්යයෙන් සිදුවන්නේ ඒවා දෙපාර්ශවය අතර බෙදීයාමකි. මෙවැනි දේට විරුද්ධ වන ලංකාවේ වෘත්තික සංගම්වලට සත්ය වශයෙන්ම ඇත්තේ තව කෙනෙකු සමග තරග කිරීමට ඇති බියයි. රජයක් කළ යුත්තේ මෙවැනි පටු අදහස් දරන්නන් නොසලකා, රටේ පොදු යහපත තකා හැකිතාක් ජාත්යන්තරය ප්රජාව සමග එකතුවී කටයුතු කිරීමයි.