(මනෝප්රිය ගුණසේකර)
ත්රීකුණාමලය ප්රදේශයේදී විශ්ව විද්යාල සිසුන් දෙදෙනෙකු ඇතුළු පස්දෙනෙකුට වෙඩි තබා ඝාතනය කිරීමේ සිද්ධියේ වැදගත් සාක්කිකරුවන් තිදෙනා පදිංචිව සිටින ස්ථානයන් සොයා බලා කඩිනමින් වාර්තාවක් ඉදිරිපත් කරන ලෙස නීතීපතිවරයා වැඩබලන පොලිස්පතිවරයාට නියම කළේය.
විශ්ව විද්යාල සිසුන් දෙදෙනෙකු ඇතුළු පස්දෙනෙකුට වෙඩි තබා ඝාතනය කරන ලදැයි කියන සිද්ධියට අදාළව පොලිස් විශේෂ කාර්ය බළකායේ පොලිස් අධිකාරීවරයෙකු, සෙබළුන් ඇතුළු සැකකරුවන් 13 දෙනෙකු චෝදනා ලැබ සිටි අතර ඔවුන්ට එරෙහි චෝදනා ඔප්පු කිරීමට ප්රමාණවත් සාක්කි මෙහෙයවා නොමැති බව සදහන් කරමින් මහෙස්ත්රාත්වරයා විසින් එම සැකකරුවන් නිදහස් කොට තිබිණි.
එම සිද්ධියේදී මනෝහරන් රජිතහරන්, යෝගරාජා හේමචන්ද්රන්, ලෝහිත රාජා රෝහන්, තංගදොරේයි සිවනාදන් සහ සම්මුගරාජා ගජේන්ද්රන් නමැත්තන්ට වෙඩි තබා ඝාතනය කළ බවට හා තවත් දෙදෙනෙකුට වෙඩි තබා බරපතල තුවාල සිදුකළ බවට මෙම විත්තිකරුවන්ට එරෙහිව නඩුව විභාග කෙරිනි.
සැකකරුවන් නිදහස් කරමින් මහෙස්ත්රාත්වරයා විසින් නිකුත් කළ නියෝගය කෙරෙහි අවධානය යොමු කිරීමේදී මහෙස්ත්රාත්වරයා විසින් එම සැකකරුවන් නිදහස් කොට තිබුණද වැදගත් සාක්කිකරුවන් සොයා ගනු ලැබුවහොත් මුලික විමර්ශනය නැවත විවෘත කොට එම සාක්කිකරුවන්ගේ සාක්කි විමසීමට අවසර ලබාදී ඇති තත්වය පිළිබදව අවධානය යොමු කළ නීතීපති, ජනාධිපති නීතීඥ දප්පුල ද ලිවේරා මහතා, පොලිස්පතිවරයාට එලෙස නියම කළ බව නීතීපතිවරයාගේ සම්බන්ධීකරණ නිලධාරිණි, ජ්යෙෂ්ඨ රජයේ නීතීඥ නිශාරා ජයරත්න මෙනවිය පැවසුවාය.
2006 වසරේ ජනවාරී මස 02 වැනිදා ත්රිකුණාමලය වරාය පොලිස්වසමට අයත් ගාන්ධි වටරවුම අසල ප්රදේශයේදී විශ්ව විද්යාල සිසුන් දෙදෙනෙකු ඇතුළු පස්දෙනෙකුට වෙඩි තබා ඝාතනය කළ බවට පොලිස් විශේෂ කාර්ය බළකායේ පොලිස් අධිකාරී සරත්චන්ද්ර පෙරේරා, පොලිස් පරීක්ෂක රෝහිත විජිතකුමාර ඇතුළු පොලිස් විශේෂ කාර්ය බළකායේ විවිධ තරාතිරම් වල සෙබළුන්ද පොලිසියේ විශ්රාමික උප පොලිස් පරීක්ෂවරයෙකු ඇතුළු සැකකරුවන් 13 දෙනෙකුට එරෙහි නඩුවක් ත්රීකුණාමලය මහෙස්ත්රාත් එච්.එම්. මොහොමඞ් හම්සා මහතා හමුවේ විභාග කෙරිණි.
මෙම නඩුවේ සාක්කිකරුවන් 36 දෙනෙකු නම් කොට තිබු අතර එම සාක්කිකරුවන් අතුරින් සාක්කිකරුවන් 08 දෙනෙකු සාක්කි ලබාදීම සදහා අධිකරණයට නොපැමිණි අතර එලෙස නොපැමිණි සාක්කිකරුවන් අතර මෙම සිද්ධියේදී තුවාල ලැබු දෙදෙනා වයි. පුන්කලලෝගන්, පරරාජසිංහම් කොහුල්රාජ් සහ මෙම සිද්ධීයේදී තුවාල ලැබු අයෙකුගේ පියකු වන වෛද්ය කාසිපිල්ලේ මනෝහරන් මහතාද වේ.
මෙම සිද්ධියට අදාළව වසර 05ක පමණ කාලයක් පුරා සිදුකළ සාක්කි විභාගයේදී සැකකරුවන්ට එරෙහි චෝදනා ඔප්පු කිරීම සදහා ප්රමාණවත් සාක්කි මෙහෙයවා නොමැති බව දහන් කරමින් විත්තිකරුවන් සියලු දෙනාම නිදහස් කෙරිණි.
මෙම සිද්ධිය පිළිබදව අවධානය යොමු කළ නීතීපතිවරයා මෙම නඩුවේ සාක්කිකරුවන්ගේ වගතුග සොයා බැලීමට අපරාධ පරීක්ෂණ දෙපාර්තමෙන්තුව වසර 05ක පමණ කාලයක් ලබාගෙන තිබුණද එම වැදගත් සාක්කිකරුවන් පදිංචි ස්ථානයන් සොයා සිතාසි බාරදීමට රහස් පොලිසියට නොහැකි වී ඇතැයි පෙන්වා දෙන නීතීපතිවරයා එම වැදගත් සාක්කිකරුවන් පදිංචි ස්ථානයන් වහාම සොයා ගැනීම සදහා පූර්ණ විමර්ශනයක් ආරම්භ කරන ලෙසද වැඩබලන පොලිස්පතිවරයාට උපදෙස් ලබා දුන්නේය.
ඒ අනුව සිදුකරන විමර්ශනයන් සම්බන්ධයෙන් සම්පුර්ණ වාර්තාවක් කඩිනමින් තමන්ට බාරදීමට පියවර ගන්නා ලෙසද නීතීපතිවරයා වැඩබලන පොලිස්පතිවරයාට වැඩිදුරටත් උපදෙස් ලබා දුන්නේය.
ඊශ්රායලය විසින් ඉරානයට එල්ල කෙරුණු ප්රහාරය සමඟ ඉදිරියටද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකා
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
රජයේ රෝහල්වල විශේෂඥ වෛද්යවරුන් 350 දෙනකු මෑත භාගයේදී රට හැර ගොස් ඇතැයි සෞඛ්ය අමාත්යාංශයේ විශේෂඥ වෛද්යවරුන් කණ්ඩායමක් කළ අධ්යයනයකදී හෙළිවී ඇත.
මෙරට දේශපාලනයේ පෙරළිකාරීයකු මෙන්ම මානවහිතවාදීයකුගේ යුගය නිමාවට පත් කරමින් හිටපු නියෝජ්ය අමාත්ය පාලිත තෙවරප්පෙරුම මහතා මළහිරුබැස යන් සන්ධ්යාවේ
බස්නාහිර.සබරගමුව,වයඹ,ඌව සහ මධ්යම පළාත්වලත් අනුරාධපුර, වවුනියාව, මන්නාරම, ගාල්ල සහ මාතර දිස්ත්රික්කවලත් පස්වරු 2.00 පමණ පසු වැසි හෝ ගිගුරුම් සහිත වැසි ඇ
අයිස් සහ හෙරොයින් මත්ද්රව්ය තොගයක් සමඟ නාවික හමුදා ලුතිනන් කමාන්ඩර්වරු දෙදෙනෙකු ඇතුළු සිව්දෙනෙකු මුල්ලේරියාව පොලිසිය විසින් අද (19) රාත්රීයේදී අත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සරසවි සිසුන් ඇතුළු5 දෙනා ඝාතන සිද්ධියේ වාර්තාවක් දෙන්න නියෝග