(මනෝප්රිය ගුණසේකර)
ඇමැතිවරයෙකු ලෙස කටයුතු කළ වසර හයක කාලය තුළදී සිය වත්කම් හා ආදායම් වලින් උපයාගත නොහැකි අල්ලස් මඟින් උපයාගත් රුපියල් කෝටි හැත්තෑ එකකට ආසන්න මුදල් හා දේපළවල හිමිකරුවකුව සිටි බවට චෝදනා කරමින් විමල් වීරවංශ මහතාට එරෙහිව පවරා ඇති නඩුවේ බැංකු ගිණුම් වාර්තාවල නිවරද්යභාවය පරීක්ෂා කිරීමට අවසර දුන් කොළඹ මහාධිකරණ විනිසුරු ප්රදීප් හෙට්ටිආරච්චි මහතා එම නඩුව ලබන මාර්තු මස 27 වැනිදා තෙක් කල් තැබීය.
මෙම නඩුව කැඳවනු ලැබූ අවස්ථාවේදී විත්ති පාර්ශ්වයෙන් කළ ඉල්ලීමක් පිළිගත් විනිසුරුවරයා එලෙස නියම කළේය.
මෙම නඩුව කැඳවනු ලැබු අවස්ථාවේදී හිටපු අමාත්ය විමල් වීරවංශ මහතා අධිකරණය හමුවේ පෙනී සිටියේය.
2009 වසරේ සිට 2014 වසර දක්වා වූ වසර හයක කාලය තුළදී විත්තිකාර හිටපු අමාත්ය විමල් වීරවංශ මහතා රුපියල් කෝටි හැත්තෑ එකකට ආසන්න මුදල් හා දේපළ උපයාගෙන ඇති බව අල්ලස් කොමිසමේ අධ්යක්ෂ ජනරාල් ජනාධිපති නීතීඥ සරත් ජයමාන්න මහතාගේ අත්සනින් යුතුව නිකුත් කළ චෝදනා පත්රයේ සඳහන් වේ.
2009 ජනවාරී මස පළමු වැනිදාත් 2014 දෙසැම්බර් මස 31 වැනිදාත් අතර කාලය තුළදී සිය නීත්යානුකූල වත්කම් හා ලැබීම් වලින් උපයාගත නොහැකි රුපියල් 74,480,017 මුදල් හා දේපළ උපයාගෙන ඇති බවත් එම මුදල් හා දේපළ උපයාගෙන ඇත්තේ අල්ලස් වලින් බවත් අධිචෝදනා පත්රයේ වැඩිදුරටත් සඳහන් කොට ඇත.
මුදල් උපයාගෙන ඇති ආකාරය හා දේපළ උපයාගෙන ඇති ආකාරය දැක්වෙන උපගොනු දෙකක්ද අධිචෝදනා පත්රය සමඟ අල්ලස් කොමිසම විසින් අධිකරණයට ඉදිරිපත් කොට තිබිණි.
මෙම නඩුව කැඳවනු ලැබූ අවස්ථාවේදී විත්තිකරු වෙනුවෙන් පෙනීසිටි ජනාධිපති නීතීඥ ජයන්ත වීරසිංහ මහතා කරුණු ඉදිරිපත් කරමින් තම සේවාදායකයාගේ බැංකු ගිණුම් සම්බන්ධයෙන් ඉදිරිපත් කොට ඇති වාර්තා වල නිවරද්යභාවය පරීක්ෂා කිරීමට අවශ්ය හෙයින් ඒ සඳහා අවසර දෙන්නැයි ඉල්ලා සිටියේය.
විනිසුරුවරයා එම නඩුව ලබන මාර්තු මස 27 වැනිදා තෙක් කල් තැබීය.
ඉදිරිපත් වූ කරුණු සළකා බලමින් ඊට අවසර දුන් විනිසුරුවරයා මෙම නඩුව ලබන මාර්තු මස 27 වැනිදා කැඳවීමට නියම කළේය.
පැමිණිල්ල වෙනුවෙන් සහකාර අධ්යක්ෂ ජනරාල් නීතීඥ සුනේත්රා ජයසිංහ මහත්මිය පෙනී සිටි අතර විත්තිකරු වෙනුවෙන් ජනාධිපති නීතීඥ ජයන්ත වීරසිංහ මහතා පෙනී සිටියේය.
දුම්රිය සංචාරක බංගලාවක නවාතැන්ගෙන සිටියදී හදිසියේ ජීවිතක්ෂයට පත්වූ දුම්රිය සාමාන්යාධිකාරි වික්රමසිංහ බණ්ඩාර (58) මහතාගේ මරණයට අදාළ පශ්චාත් මරණ පර
පාපැදියකින් ගමන් ගත් දහතුන් හැවිරිදි බාල වයස්කාර දරුවකුගේ හිසට පහර දුන් බව කියන යටවත්ත පොලිසියේ උප පොලිස් පරීක්ෂකවරයකුට එරෙහිව එම දරුවාගේ මව පැමිණි
ලංකාව සමග මනා හවුල්කාරිත්වයකින් ඉදිරියට යාමට ඉරානය සූදානම් බව ඉරාන ජනාධිපති ආචාර්ය ඊබ්රහිම් රයිසි මහතා පැවසීය.
චීන කොමියුනිස්ට් පක්ෂයේ මධ්යම කාරක සභාවේ සහ ජාත්යන්තර දෙපාර්තමේන්තුවේ උප අමාත්යවරිය වන සන් හෙයාන් සහ ශ්රී ලංකාවේ චීන තානාපති ෂී ෂෙන් හොන් මහත්ම
ඉරාන ජනාධිපති ඊබ්රහම් රයිසි මහතා ඇතුළු රාජ්ය දූත මණ්ඩලයට ආරක්ෂාව සැපයීම සදහා මාර්ග වසා තැබීම හේතුවෙන් අද (24) රියැදුන් ඇතුළු මගීහු විශාල සංඛ්යාවක් ද
ශ්රී ලංකා නිදහස් පක්ෂයේ ඇති වී තිබෙන ආරවුල විසඳා ගැනීම සඳහා හෙට (25)පස්වරු 3.00ට කොළඹ 10 ටී බී ජයා මාවතේ පිහිටි එක්සත් ජනතා නිදහස් සන්ධාන ප්රධාන කාර්යාලය
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
විමල් වීරවංශට එරෙහි නඩුව කල් යයි
Ruwan Monday, 14 January 2019 01:32 PM
මමත් මහින්දවාදියෙක් තමයි. නමුත් මේවා සහගහන අපරාධ... උපයාගත් ආකාරය පෙන්වීමට නොහැකිනම් සදාකල් දේශපාලනය තහනම් කර සියලු දේපල රාජසන්තක කර වසර 20ක වත් සිර දඬුවම් නියම කළ යුතුය. එවිට එය අනෙකුත් දේශපාලඥයන්ටද පාඩමක් වෙනු ඇත.
pannikki Monday, 14 January 2019 01:47 PM
ආ... අපාරාදේ මූගෙන් කෝටියක් නෙමෙයි.. කෝටි සියයක් වන්දි ඉල්ලන්න තිබ්බා ටිල්වින්ට...
smn Monday, 14 January 2019 02:08 PM
වාචාල විමලෙට අනේ කාලේ වනේ වාසේ.
Amila Monday, 14 January 2019 02:31 PM
පොත් හොරෙක් විතරක් නෙමෙයි, බලන් ගියහම අල්ලසුත් අරන් වගේ... දැන් අඩු මිනීමැරීම් චෝදනාවක් විතරයි.
Chanak los angeles Monday, 14 January 2019 03:14 PM
මහජනයාගේ සල්ලි මෙහෙම හොරාකන්න පව් නැතිද ?
Jehaan Monday, 14 January 2019 07:25 PM
අඩු ගානේ රටේ සිවිල් නීතියවත් දන්නවාද ? පාස්පෝට් එකේ සිට පවුලේ උප්පැන්න සහතික දක්වා වංචා කරන මිනිස්සු වෙන රටවල නම් මෙලහකට හිරේ. උගත්තු රැකියා නැතිව වේලෙන රටේ සාපෙළ වත් නැති දේශපාලුවන්ව උඩ දාපු ඡන්ද දායකයට තමයි මඩු වලිගෙන් තලන්න ඕන.