ඩයනා උදයංගනී
ජනාධිපතිවරයා දුම්රිය වෘත්තීය සමිති සමඟ සාකච්ඡාවේදී පැවසුවේ රාජ්ය අංශයේ වැටුප් සමාලෝචනය කිරීම සඳහා විශේෂ කොමිසමක් පත්කර දුම්රිය සේවාවේ ඇතුළු සමස්ත රාජ්ය සේවය තුළ පවතින ගැටලූ විසඳීමට කටයුතු කරන බව යැයි සම කැබිනට් ප්රකාශක, සෞඛ්ය, පෝෂණ හා දේශීය වෛද්ය අමාත්ය රාජිත සේනාරත්න මහතා පැවසීය.
ඒ අනුව එක් එක් ක්ෂේත්රයේ දැනුම හා පළපුරුද්ද සහිත ප්රවීණයන්ගෙන් සමන්විත විශේෂ කොමිෂන් සභාවක් පත්කිරීම සඳහා ජනාධිපතිවරයාගෙන් ඉල්ලා සිටීම වෙනුවෙන් මුදල් අමාත්ය මංගල සමරවීර මහතා ඉදිරිපත් කළ යෝජනාවකට ඊයේ (16) අමාත්ය මණ්ඩල අනුමැතිය හිමිවූ බව ද සේනාරත්න මහතා කීවේය.
මෙම කොමිෂන් සභාව වහාම පත්කිරීමට නියමිත බව කී අමාත්යවරයා දැනට රාජ්ය සේවයේ පවතින වැටුප් පිළිබඳ ගැටලූ සඳහා එමගින් මාස දෙකක් ඇතුළත විසඳුම් ලැඛෙනු ඇතැයි ද රාජිත සේනාරත්න මහතා සඳහන් කළේය.
අමාත්යවරයා මේ බව පැවසුවේ රජයේ ප්රවෘත්ති දෙපාර්තමේන්තුවේදී අද (15) පැවති කැබිනට් තීරණ දැනුම්දීමේ මාධ්ය හමුවේදී මාධ්යවේදීන් නැගූ ප්රශ්නවලට පිළිතුරු ලබාදෙමිනි.
එහිදී මාධ්යවේදීන් නැගූ ප්රශ්න සහ අමාත්යවරයා ඒවාට ලබාදුන් පිළිතුරු මෙසේය.
ප්රශ්නය - තමන්ගේ ප්රශ්නයට විසඳුමක් නොදී කොමිසමක් පත්කිරීමට රජය ගත් තීරණය වැරදි බවත්, නැවත වර්ජනයකට යාමට සිදුවිය හැකි බවත් දුම්රිය වෘත්තීය සමිති කියනවා නේද?
පිළිතුර - සාකච්ඡාවේදී ජනාධිපතිතුමා කිව්වේ මේක තමයි. වැඩ වර්ජනය අවසන් කළේ ඒ අනුවයි.
ප්රශ්නය - අමාත්ය මණ්ඩලය ගන්නා තීන්දු ඇමතිවරුන්ගේ විරෝධය මත ක්රියාත්මක නොවීම නිවැරදිද?
පිළිතුර - කැබිනට් මණ්ඩලය ප්රතිපත්තිමය තීන්දුව ගත්තා. නමුත් එම ක්රමවේදය අනුව රාජ්ය අංශයේ වෙනත් සමාන්දර ශ්රේණිවලටත් වැටුප් වැඩිවීමක් දිය යුතු වෙනවා.
ප්රශ්නය - වසර අතරමැද වැටුප් වැඩි නොකරන බවට හා වැටුප් වැඩිකිරීම් අයවැයෙන් පමණක් සිදුකිරීමට රජය තීරණය කර තිඛෙනවාද? මුදල් ඇමතිවරයා එවැනි ප්රකාශයක් කර තිඛෙනවා.
පිළිතුර - රජය එවැනි තීරණයක් ගෙන නැහැ. එතුමා කියන්නේ අමාත්යාංශයේ තීන්දුවක් විය යුතුයි.
ප්රශ්නය - දුම්රිය සේවකයින් තීන්දුවක් එනතතුරු මාස දෙකක් බලා ඉඳියිද?
පිළිතුර - මෙතරම් කල් සිටියා වගේ මාස දෙකක් ඉන්න බැරි ඇයි?
ප්රශ්නය - මේ යන විදියට 6/2006 වක්රලේඛය වෙනස් වේවිද?
පිළිතුර - ඒ නිසා තමයි ගැටලූ රැසක් ඇතිවී තිඛෙන්නේ. එය අනුව එක කොටසකට වැටුප් වැඩිවෙනවා නම් මුළු රාජ්ය සේවකයින්ගේම වැටුප් වැඩි කරන්නට සිදුවෙනවා. එය හරිම අසාර්ථකයි.
ඉදිකිරීම් ක්ෂේත්රයේ භාණ්ඩ සඳහා මිල සූත්රයක් හඳුන්වාදීමට වෙළඳ අමාත්යාංශය තීරණය කර ඇත
ඇමෙරිකානු හිටපු ජනාධිපති ඩොනල්ඩ් ට්රම්ප්ට එරෙහිව විභාගවන අපරාධ නඩුව කැඳවන නිව් යෝර්ක් අධිකරණ සංකීර්ණය ඉදිරිපිට දමා තිබෙන මාර්ග බාධකයේදී පුද්ගලයෙක
ඊශ්රායලය විසින් ඉරානයට එල්ල කෙරුණු ප්රහාරය සමඟ ඉදිරියටද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකා
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
රජයේ රෝහල්වල විශේෂඥ වෛද්යවරුන් 350 දෙනකු මෑත භාගයේදී රට හැර ගොස් ඇතැයි සෞඛ්ය අමාත්යාංශයේ විශේෂඥ වෛද්යවරුන් කණ්ඩායමක් කළ අධ්යයනයකදී හෙළිවී ඇත.
මෙරට දේශපාලනයේ පෙරළිකාරීයකු මෙන්ම මානවහිතවාදීයකුගේ යුගය නිමාවට පත් කරමින් හිටපු නියෝජ්ය අමාත්ය පාලිත තෙවරප්පෙරුම මහතා මළහිරුබැස යන් සන්ධ්යාවේ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වැටුප් ප්රශ්නයට විසඳුම් හොයන කොමිසමට කැබිනට් අනුමැතිය
වසන්ත කුමාර Wednesday, 15 August 2018 02:52 PM
සමස්ත රාජ්ය සේවකයින්ගේ වැටුප් විෂමතා සොයා බලා නිසි ක්රමවේදයක් අනුගමනය කර වැටුප් වැඩි කළ යුතු වේ. ප්රාථමික මට්ටම සහ ද්විතික මට්ටම ගැන විශේෂයෙන් අවධානයක් යොමු නොවන බව පසුගිය වැටුප් චක්රලේඛ අනුව පෙනී යන අතර ජ්යෙෂ්ඨ මට්ටමේ නිලධාරීන්ගේ වැටුප් ඉහළ තල වල පිහිටුවා තබා ගැනීමට උත්සුක වී ඇත. ඔය පත් කරන කොමිෂමත් තවත් විෂමතාවක් ඇති කරයිද?