ව්‍යවස්ථා සභාවේ සිවිල් සාමාජිකයන් ගැන සිවිල් සමාජයෙන් දොස්මුරයක්

(බිඟුන් මේනක ගමගේ )

ආණ්ඩුක්‍රම ව්‍යවස්ථා සභාවට සිවිල් සමාජය නියෝජනය කරමින් පත්කර ඇති සාමාජිකයන් තිදෙනා තෝරාගැනීමේදී අගමැතිවරයා හා විපක්ෂ නායකවරයා භාවිත කළ නිර්ණායක සම්බන්ධයෙන් බරපතල ප්‍රශ්න මතුවන්නේ යැයි මැතිවරණ ප්‍රචණ්ඩ ක්‍රියා නිරීක්ෂණ සංවිධානය පවසයි.

නීතිඥ ජාවෙඞ් යුසුෆ්, ආචාර්ය ජයන්ත ධනපාල හා නාගනාදන් සෙල්වකුමාරන් යන මහත්වරුන් සමාජයේ යම් ගෞරවාදරයක් දිනාගෙන සිටින පුද්ගලයන් වුවත් මහජන අයිතිවාසිකම් රැකගැනීම සඳහා බරපතල මැදිහත්වීම් කළ පුද්ගලයන්දැයි ගැටලුකාරී තත්ත්වයක් මතුවන්නේ යැයි එම සංවිධානයේ කැඳවුම්කරු මංජුල ගජනායක මහතා කීය.

ව්‍යවස්ථා සභාවේ වසර දෙකක කාලය අවසන්වීමෙන් පසුව තම සංවිධානය ඇතුලු මාර්තු 12 ව්‍යාපාරය කතානායකවරයා මුණගැසී සිවිල් සමාජ නියෝජිතයන් තෝරාගැනීම විවෘතභාවයකින් කරන්නැයි ඉල්ලා සිටි අතර ඒ අනුව පුවත්පත් දැන්වීම් මගින් අයැදුම්පත් කැඳවා බඳවාගැනීම් පාරදෘශ්‍යභාවයකින් යුතුව කරන්නට කටයුතු කිරීම අගය කරන්නේ යැයි ද ගජනායක මහතා කීය.

එහෙත් සිවිල් සංවිධාන නියෝජිතයන් තිදෙනා පත්කරගැනීමේදී ඔවුන් මහජන අයිතිවාසිකම් විෂයෙහි කළ මැදිහත්වීම් බරපතලව සලකා නැති බවක් පෙනීයන්නේ යැයි ද ඒ මහතා පැවසීය.

ශ්‍රී ලංකාවේ රාජ්‍ය සේවය දේශපාලනීකරණයෙන් මුදාගැනීම හා ලබැඳියා අතර ගැටුමකින් තොර රාජ්‍ය පාලනයක් බිහිකිරීම ව්‍යවස්ථා සභාවේ මූලික අරමුණක් වුවත් පුද්ගලයන් කොමිෂන් සභාවලට පත්කළ ද එයින් පසුව ඒවා සම්බන්ධයෙන් සුපරීක්ෂණයක් පසුගිය ව්‍යවස්ථා සභාවෙන් දකින්නට නොලැබුණේ යැයි ද ගජනායක මහතා වැඩිදුරටත් සඳහන් කළේය.

අදහස් (1)

ව්‍යවස්ථා සභාවේ සිවිල් සාමාජිකයන් ගැන සිවිල් සමාජයෙන් දොස්මුරයක්

දිමුත් Tuesday, 16 October 2018 04:47 AM

පත්කිරීම්වලදී මහජන අයිතිවාසිකම් වෙනුවෙන් මැදිහත්වීම් කලාද කියලා බලන්න කියලා නැහැ

: 0 0

ඔබේ අදහස් එවන්න

එසැණ පුවත්

මැණික් ව්‍යාපාරිකයින්ගෙන් කෝටි 50ක් වංචා කළැයි අයෙක් රිමාන්ඩ්

2024 අප්‍රේල් මස 25 165 0

මැණික් ව්‍යාපාරිකයින්ට වටිනා මැණික් ලබා දෙන බවට පවසමින් රුපියල් කෝටි පනහකට අධික මුදලක් වංචා කළේ යැයි කියන සැකකරුවෙකු ලබන 07 දින දක්වා රක්ෂිත බන්ධනාගා

ලක්ෂ 27ක මත්කරල් ඔරුගොඩවත්තෙන් අල්ලයි

2024 අප්‍රේල් මස 25 13 0

රුපියල් ලක්ෂ 27 ක් වටිනා මත්කරල් 27,000 ක් ජාවාරම් කිරීම සදහා ත්‍රිරෝද රථයකින් ප්‍රවාහනය කරමින් සිටි ‘බම්පින් කුමාර‘ නැමැති මත්ද්‍රව්‍ය ජාවාරම්කරුවක් අද (