හර්ෂණ තුෂාර සිල්වා
ආයුද සන්නද්ධ කණ්ඩායමක අත්අඩංගුවේ පසු වූ ලිබියාවේ හිටපු නායක සයිෆ් අල් ඉස්ලාම් ගඩාෆි නිදහස ලබා ඇතැයි ඔහුගේ නීතිඥයෝ සහ ඊට සම්බන්ධ වූ පිරිසක් පවසති.
මුවම්මර් ගඩාෆිට එරෙහිව 2011 වසරේදී දියත් වූ කැරැල්ලෙන් පසු සයිෆ් අල් ඉස්ලාම් ගඩාෆි අත්අඩංගුවට පත්විය. ගඩාෆිගේ පුත්රයා මෙලෙස නිදහස ලබා ඇත්තේ සින්තාන් නැමැති නගරයේදීය. නැගෙනහිර ලිබියාවේ පාර්ලිමේන්තුවක් විසින් සම්මත කරගන්නා ලද ක්ෂමා නීතියක් යටතේ ගඩාෆිගේ පුත් සයිෆ් අල් ඉස්ලාම් මෙලෙස නිදහස ලබා ඇතැයි නීතිඥ කලීඩ් අල් සයිදි උපුටා දක්වමින් රොයිටර් පුවත් සේවය වාර්තා කළේය. නිදහස ලැබීමෙන් අනතුරුව වෙනත් නගරයකට ගොස් තිබෙන ආරක්ෂක හේතුවෙන් එම නගරය කුමක්දැයි අනාවරණය කර නැත. මුවම්මර් ගඩාෆි මරා දැමීමෙන් අනතුරුව 2012 වසරේදී ලිබියාවේ ජාතික සංක්රාන්ති කවුන්සිලය අසම්පූර්ණ පොදු සමා නීතියක් සම්මත කරගත්තේය. අදාළ නීතිය යටතේ ගඩාෆිගේ පුත් සයිෆ් අල් ඉස්ලාම් ගඩාෆි නිදහස් ලබා තිබේ.
කෙසේ නමුත් නැගෙනහිර කොටසේ නගරයක් වන තොබ්රුක් හි පිටි පාර්ලිමේන්තුවෙි නියෝජිත මන්ත්රී මණ්ඩලෙයේ ඉල්ලීමක් මත සයිෆ් අල් ඉස්ලාම් ගඩාෆි නිදහස් කළ බව අබු බකර් අල් සිද්දික් බලකාය සන්නද්ධ කණ්ඩායම තම ෆේස්බුක් ගිණුම ඔස්සේ නිවේදනයක් නිකුත් කරමින් සඳහන් කර ඇතැයි අල් ජසීරා පුවත් සේවය වාර්තා කළේය. අධිකරණ අමාත්යාංශයේ ඉල්ලීමක් මත සයිෆ් නිදහස් කළ බව රොයිටර් පුවත් වාර්තාවේ දැක්විණි.
හතළිස් හැවිරිදි වියේ පසුවන සයිෆ් ලිබියාවේ හිටපු නායකයාගේ දරුවන් අතර මුල්තැනක් ගන්නා අතර කලක් මුවම්මර් ගඩාෆිගේ අනුප්රාප්තිකයා ලෙසින්ද හැඳින්විණි. දැඩි අස්ථාවරත්වයක තිබෙන ලිබියාව තුළ මේ වනවිට පාලනය සඳහා දැඩි සටනක් පවතින අතර ආයුද සන්නද්ධ කණ්ඩායම් රැසක් ලිබියාවේ කොටසක් පාලනය කරයි. මේ තත්ත්වය යටතේ නිදහස ලැබීමෙන් අනතුරුව හිටපු නායකයා පුත්රයා කුමක් කරනු ඇත්දැයි යන්න තවමත් අපැහැදිලිය.
කෙසේ නමුත් සන්නද්ධ අණදෙන නිලධාරී කලීෆා හෆ්තාර් බලය ගොඩනංවමින් සිටින නැගෙනහිර ලිබියාවේ කොටස් අතරින් සයිෆ් නිදහස් කරන්නැයි ඉල්ලා තිබෙන අතර පසුගිය ආණ්ඩුවේ කොටස්වලින් ද එවැනි ඉල්ලීමක් කර ඇතැයි වාර්තා විය. සයිෆ් නිදහස් කළ බව අසත්ය යැයි මීට පෙර වාර්තා වූ අතර ඔහුගේ තත්ත්වය ද නිශ්චිත නැතැයි වාර්තා විය.
.
''සයිෆ් අල් ඉස්ලාම් මුවම්මර් ගඩාෆි නිදහස් කිරීමට අපි තීරණය කළා. ඔහු නිදහස්. ඔහු නිදහස ලබපු රාමදාන් මාසයේ 14 වැනිදා (සිකුරාදා) සින්තාන්වලින් ගිය බව අපි තහවුරු කරනවා" යැයි අබු බකර් අල් සිද්දික් බලකාය සඳහන් කර තිබිණි.
යුද අපරාධ කළ බවට චෝදනා කරමින් ට්රිපෝලිහි අධිකරණයක් 2015 වසරේදී සයිෆ්ට මරණ දඬුවම පැන වූ අතර විප්ලවය සමයේදී විරෝධතාකරුවන් ඝාතනය කළ බවට ද ඔහුට චෝදනා එල්ල විය.
මුවම්මර් ගඩාෆිගේ ඝාතනයක් සමඟ මේ වනවිට ලිබියාව දරුණු අර්බුදයකට මුහුණ පා සිටින අතර බලය උදෙසා විවිධ සන්නද්ධ කණ්ඩායම් ප්රතිවාදී ආණ්ඩු හා කණ්ඩායම් අතරේ දැඩි සටනක් පවතියි. එක්සත් ජාතීන්ගේ සහාය ලබන ආණ්ඩුවක් ට්රිපෝලි නුවර පැවැතිය ද ඔවුන්ගේ බලය ස්ථාපිත කරගැනීමට නොහැකි වී තිබේ. එපමණක් නොව නැගෙනහිර ලිබියාවේ ඇතැම් බලවත් කොටස් මෙම පාලනය ප්රතික්ෂේප කරයි.
වසර 2011 පැවැති අරගලයෙන් පසු සින්තාන් කේන්ද්ර කරගනිමින් දැවැන්ත බලයක් ගොඩනැගුණු අතර එහි කොටස් ට්රිපෝලි කේන්ද්ර කරගනිමින් තිබෙන ආණ්ඩුව ප්රතික්ෂේප කරන අතර සයිෆ් බාරදීම ද ප්රතික්ෂේප කළේය. එපමණක් නොව යුද අපරාධ සහ මානව හිමිකම් කඩකිරීමේ චෝදනා මත සයිෆ් අන්තර්ජාතික අපරාධ අධිකරණයට ද අවශ්යව සිටින්නෙකි. ලිබියාවේ දී ඔහුට එරෙහිව පැවැති නඩු විභාගය ජාත්යන්තර තත්ත්වලට අනුව නොපැවැත්වුණු බව ජාත්යන්තර අපරාධි අධිකරණය පවසයි.
සයිෆ් අල් ඉස්ලාම් ලන්ඩනයේ ආර්ථික විද්යා විශ්වවිද්යාලයෙන් (ලන්ඩන් ස්කූල් ඔෆ් ඉකොනොමික්ස්) ආචාර්ය උපාධියක් ද හිමි කරගත්තෙකි.
රොයිටර් සහ අල් ජසීරා ඇසුරිනි
පාස්කු ප්රහාරය සම්බන්ධයෙන් තමන් දන්නා කරුණු ලබන 04 වැනිදා අධිකරණය හමුවේ පෙනී සිට ප්රකාශයක් කරන ලෙස හිටපු ජනාධිපති මෛත්රීපාල සිරිසේන මහතාට මාලිගාක
බාල බෙහෙත් ජාවාරම සම්බන්ධයෙන් රිමාන්ඩ් බාරයට පත්කර සිටින හිටපු සෞඛ්ය අමාත්ය කෙහෙළිය රඹුක්වැල්ල ඇතුළු වික්තිකරුවෝ ලබන 08 වැනිදා දක්වා තව දුරටත් රිම
සංවර්ධන ලොතරැයි මණ්ඩලය සිය වසර 40ක ඉතිහාසයේ වැඩිම ලාභය 2023 වසරේදී වාර්තා කර තිබේ.
කළුතර ප්රසිද්ධ පාසලක අද (28) දහවල් සිසුන්ට ලබාදුන් එන්නතින් පසු රෝගී වූ සිසුන් දස දෙනෙකු පමණ රෝහල් ගතකර ඇති බව කළුතර නාගොඩ ශීක්ෂණ රෝහල් ආරංචි මාර්ග සඳහන
ග්රෑන්ඩ්පාස්, සුගතදාස ක්රීඩාංගණය අසල පිහිටි ටයර් කඩයක ඇතිවූ ගින්නක් හේතුවෙන් තවත් ටයර් කඩයක් ඇතුළු කඩ තුනක් ගිනි ඇවිලමින් පවතී.
ශ්රී ලංකාවේ ජීවත්වන පුද්ගලයෙක්ට අවම මූලික අවශ්යතා ඉටුකරගැනීමට මසකට රුපියල් 17,014 ක මුදලක් අවශ්ය බව ජනලේඛණ හා සංඛ්යාලේඛන දෙපාර්තමේන්තුව පවසයි.
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
ලිබියා හිටපු නායකයාගේ පුතා නිදහස් කරයි