බටහිර ලන්ඩනයේ උතුරු කෙන්සින්ග්ටන්හි පිහිටි ලැටිමර් මාර්ගයේ නිවාස සංකීර්ණයක එරට වේලාවෙන් අද (14) අලුයම ඇති වූ ගින්නකින් 12දෙනකු මියගොස් 65කට වැඩි පිරිසක් තුවාල ලැබූහ.
ගින්න ඇති වූ අවස්ථාවේදී ඒ තුළ මිනිසුන් සිරවී සිටි බව ඇසින් දුටුවෝ කීහ. ලැන්කැස්ටර් හි ග්රැන්ෆෙල් ටවර් නිවාස සංකීර්ණයේ මෙම ගින්න ඇති වී තිබෙන අතර ගින්න නිවීම සඳහා ගිනිනිවන භටයෝ 200කට ආසන්න පිරිසක් සහභාගි වූහ. නිවාස සංකීර්ණය තුළ සිරවී සිටින පිරිස් අප බේරාගන්නැයි ද අපේ දරුවන් බේරාගන්නැයි ද පවසමින් කෑ ගැසූ බව ද වාර්තා විය. කෙසේ නමුත් මෙම ගින්න ඇති වී තිබෙන්නේ ඊයේ (13) රාත්රියේ යැයි ද වාර්තා විය.
පනහකට වැඩි පිරිසක් රෝහල්ගතව ප්රතිකාර ලබන බව ලන්ඩන් ගිලන් රථ සේවය ද ප්රකාශ කර තිබිණි. මෙම ගොඩනැගිල්ල මහල් 27කින් සමන්විත බව ද වාර්තා විය.
මෙම ගොඩනැගිල්ල කඩා වැටෙනු ඇතැයි ද පැවැසිණි. මෙම ගොඩනැගිල්ලේ මහල් නිවාස 120ක් තිබී ඇතැයි වාර්තා වේ.
ගින්න නිවීම සඳහා ගිනි නිවන රථ 40ක් යැවූ බව ලන්ඩන් ගිනි නිවන ඒකකය සඳහන් කළේය. නිවාස සංකීර්ණය තුළ දැඩි ගින්නක් ඇති වී තිබෙන බවත් විදුලි පන්දම් දල්වමින් ගොඩනැගිල්ල තුළ සිර වී සිටින පිරිස් උදව් ඉල්ලූ බවත් සිද්ධිය ඇසින් දුටුවෝ කීහ. ගිලන් රථ 20කට වැඩි ප්රමාණයක් එම ස්ථානයට පැමිණි බව වාර්තා වූ අතර 11 වැනි මහලතෙක් නිවැසියන් ඉවත් කිරීමට හැකි වූ බව ගිනිනිවන භටයෝ කීහ.
“මම අළුවලින් වැහුණු. මම හිටියේ මීටර 100ක් විතර දුරින්. කියන්න බැරි තරම් අළු ප්රමාණයක්. බොහෝ අය විදුලි පන්දම් දල්වා සංඥා දක්වනවා පේන්න තිබුණා. ඔවුන්ට එළියට එන්න බැහැ” යැයි ‘චැනල් 4’ රූපවාහිනි නාලිකාවේ ඉදිරිපත් කරන්නකු වන ජෝර්ජ් ක්ලාක් පැවැසීය.
“කොතරම් ප්රමාණයකට තුවාල වෙලාද කොතරම් ප්රමාණයක් මරණයට පත්වුණාද කියන්න බැහැ. මේ ගොඩනැගිල්ලේ විශාලත්වය අනුව විශාල පිරිසක් ඉන්න ඇති” යැයි ලන්ඩන් ගිනි නිවන ඒකකයේ කොමසාරිස් ඩැනි කොට්න් පැවැසුවාය.
“මේක කවදාවත් නොවුණු දෙයක්. මම මෙහෙම දෙයක් දැකලා නැහැ. මම අවුරුදු 29ක් ගිනිනිවන භටයකු ලෙස කටයුතු කළා. එහෙත් මෙතරම් විශාල ගින්නක් මෙච්චර කාලයකට දැක්කේ නැහැ. ඒ වගේම තවමත් අපි මේ ගන්නට හේතුව මොකක්ද කියලා දන්නේ නැහැ” යැයි ද ඇය කීවාය.
මෙම නිවාස සංකීර්ණය ඉදි කර ඇත්තේ 1974 වසරේදීය. කෙසේ නමුත් මෑතකදී මෙම ගොඩනැගිලි සංකීර්ණය නවීකරණය කර තිබෙන අතර නව තාප පද්ධතියක් සහ උණුවතුර පද්ධතියක් එක් කර තිබේ. නවීකරණ කටයුතුවලට පවුම් මිලියන 8.7ක මුදලක් වැය වී තිබෙන අතර නවීකරණ කටයුතු අවසන් වී ඇත්තේ පසුගිය වසරේ මැයි මාසයේදීය.
අලුත්වැඩියා කටයුතුවලදී එකතු වූ කසළ ගොඩගැසීම නිසා ගින්නක් ඇති වීමේ අවදානමක් තිබෙන බවට මීට වසරකට පෙර ප්රදේශවාසීන් අනතුරු ඇඟ වූ බව ද වාර්තා විය.
ඒ.එෆ්.පී/රොයිටර් - 055
සුදුසුම වෙලාවේ බලවත්ම සන්ධානය එලියට දමන බව එක්සත් ජාතික පක්ෂයේ කොළඹ දිස්ත්රික් නායක හිටපු මුදල් අමාත්ය රවී කරුණානායක මහතා පැවසීය.
වත්මන් අර්බුද විසඳීමට පාඨලී චම්පික රණවක මහතා නිවැරදි වැඩපිළිවෙළක් ඉදිරිපත් කර ඇතැයි ශ්රී ලංකා මහජන පක්ෂය සඳහන් කළේය .
රථවාහන වරදක් සම්බන්ධයෙන් නඩු නොපවරවා සිටීමට ත්රී රෝද රථ රියදුරෙකුගෙන් රුපියල් 500/-ක අල්ලසක් ඉල්ලා ලබා ගැනීමේ චෝදනාවට වරදකරු රථවාහන රාජකාරියේ නිරත පො
එක්සත් ජාතික පක්ෂයේ නියෝජ්ය නායක රුවන් විජයවර්ධන මහතා මහනුවර දී අද මල්වතු අස්ගිරි මහා නා හිමිවරු බැහැදුටුවේය.
මේ රට අයිති සමස්ත ශ්රී ලාංකිකයන්ට මිසක් එක් පවුලකට නොවන බව සියලු දේශපාලන පක්ෂ සහ නියෝජිතයින් අවබෝධකරගත යුතුව ඇතැයි විපක්ෂ නායක සජිත් ප්රේමදාස මහතා
අනුරාධපුර බන්ධනාගාරයේ එළිමහන් සිර කඳවුරෙ රඳවා සිටි සිරකරුවන් දෙදෙනෙකු ඊයේ (29) දහවල් පලා ගොස් ඇති බව වාර්තාවේ.
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
ලන්ඩන් ගින්නෙන් 12ක් මරුට : 65කට තුවාල