තිළිණි ද සිල්වා සහ රංජන් කටුගම්පොළ
‘මහා පරිමාණයෙන් සිදුවන මූල්ය අපරාධ මුළු මහත් ජනතාවටම බලපානවා. 2015 වසරේදී ආණ්ඩුව පත් කිරීමේදී බලාපොරොත්තු වූ එක් කරුණක් වන්නේ මෙවැනි මහ පරිමාණ අපරාධකරුවන්ව ඉහළම දඬුවම් ලබා දීමයි.‘ ජනාධිපති නීතීඥ ජේ.සී.වැලිඅමුණ මහතා අද (20) ශ්රේෂ්ඨාධිකරණය හමුවේ පැවසීය.
යෝජිත ත්රිපුද්ගල මහාධිකරණ පිහිටුවීමේ විධි විධාන ඇතුළත් අධිකරණ සංවිධාන පනත් කෙටුම්පතෙහි ඇතැම් වගන්තීන් මඟින් ආණ්ඩුක්රම ව්යවස්ථාව උල්ලංඝණය වන බව පවසමින් ගොනු කළ පෙත්සමක අතරමැදි පෙත්සම්කරුවන් වෙනුවෙන් පෙනී සිටිමින් ජනාධිපති නීතීඥවරයා එසේ කීවේය.
මෙම පනත් කෙටුම්පත විශේෂ මන්ත්රී සංඛ්යාවකගේ සහ ජනමත විචාරණයකින් අනුමත කරන ලෙස ඉල්ලා ඒකාබද්ධ විපක්ෂයේ නායක දිනේෂ් ගුණවර්ධන මහතා , හිටපු අමාත්ය මහාචාර්ය ජී.එල්.පීරිස් ,ශ්රී ලංකා නීතීඥ සංගමයේ සභාපති උයද රෝහන් ද සිල්වා ඇතුළු හත් දෙනෙක් පෙත්සම් ගොනු කරනු ලැබූහ.
එම පෙත්සම්වලට එරෙහිව මහ නගර සභා සහ බස්නාහිර සංවර්ධන අමාත්ය පාඨලී චම්පික රණවක , ජාතික ප්රතිපත්ති හා ආර්ථීක කටයුතු රාජ්ය අමාත්ය ආචාර්ය හර්ෂ ද සිල්වා , මුදල් රාජ්ය ඇමති ඉරාන් වික්රමරත්න , විදුලිබල හා පුනර්ජනනීය බලශක්ති රාජ්ය අමාත්ය අජිත් පී.පෙරේරා , නිපුණතා සංවර්ධණ නියෝජ්ය අමාත්ය කරුණාරත්න පරණවිතාන ඇතළු 14 දෙනෙකු අතරමැදි පෙත්සම් ගොනු කර තිබේ.
මෙම අතරමැදි පෙත්සම් අද අගවිනිසුරු ප්රියසාද් ඩෙප් ,බුවනෙක අළුවිහාරේ , සහ නලින් පෙරේරා යන මහත්වරුන් ගෙන සමන්විත ශ්රේෂ්ඨාධිකරණ විනසුරු මඩුල්ලක් හමුවේ කැඳවිණි.
අතරමැදි පෙත්සම්කාර ජගත් හේමචන්ද්ර මහතා වෙනුවෙන් පෙනී සිටි ආචාර්ය ජයම්පතී වික්රමරත්න මහතා පළමුවෙන්ම අදහස් දැක්වූ අතර එහිදී වික්රමරත්න මහතා මෙසේද කීය.
‘‘ නීතිපතිවරයා වෙනුවෙන් පෙනී සිටින අතිරේක සොලිසිටර් ජනරාල් යසන්ත කෝදාගොඩ මහතා ගේ කරුණු දැක්වීමට මම එකඟවෙනවා.මෙම පනත් කෙටුම්පතින් නීතීඥවරුන්ට පෙනී සිටීමට බාධාවක් නැහැ.සේවාදායකයාට කැමති නීතීඥවරයෙකු තෝරා ගැනීමට හැකියාව ඉන් ලැබී තිඛෙනවා. දිනපතා නඩු විමසීම මහාධිකරණයට අවශ්ය දෙයක් නොවෙයි. ජූරි සභාවක් නොමැතිව මහාධිකරණයේ නඩු විභාගයට ගන්නා කාලයේදීත් දිනපතා නඩු ඇසීම සිදු කලා.‘
අතරමැදි පෙත්සම්කාර රාජ්ය අමාත්යවරුන් වන අජිත් පී.පෙරේරා සහ කරුණාරත්න පරණවිතාන යන මහත්වරුන් වෙනුවෙන් පෙනී සිටි ජනාධිපති නීතීඥ ජේ.සී වැලිඅමුණ මහතා මෙසේද කීය.
‘නීතිපති වෙනුවෙන් පෙනී සිටි අතිරේක සොලිසිටර් ජනරාල්වරයාගේ සහ ජනාධිපති නීතීඥ ආචාර්ය ජයම්පතී වික්රමරත්න මහතාගේ කරුණු දැක්වීමට එකඟ වනවා.මෙවැනි සංකීර්ණ මූල්ය අපරාධ සඳහා මෙවැනි ක්රියාමාර්ග ගැනීම ලෝක ප්රවණතාවයක්.
නඩු පමා වීමෙන් නිසි පරිදි යුක්තිය පසඳලීම සිදුවන්නේ නැහැ.ඒක සමස්ත අධිකරණයේ විශාල අර්බුදයක්. ඒක විත්තිකරුවන්ට බලපානවා. මහපරිමාණයෙන් සිදුවන මූල්ය අපරාධ මුළු මහත් ජනතාවටම බලපානවාත 2015 වසරේදී බලාපොරොත්තු වූ එක් කරුණක් වන්නේ මෙවැනි මහා පරිමාණ අපරාධ කරන්නන්ට කඩිනමින් දඬුවම් ලබා දීමයි.
මෙම අපරාධ සිදු කරන්නේ ඉහළ පන්තියේ අයයි. ඔවුනට ඉහළම නීතීඥවරයෙකු ලබා ගත හැකියි. ඔවුන්ට හැම පහසුකමක්ම තිබෙනවා. විවිධාකාර අල්ලස් ලබා දී මේවා යටපත් කළහැකියි. වෙනත් රටවල නම් මේවාට දඬුවම් නියම කරනවා.
මහාචාර්ය සරත් විජේසූරිය මහතා වෙනුවෙන් පෙනී සිටි ජනාධිපති නීතීඥ සාලිය පීරිස් මහතා මෙසේද කීය.
‘‘ 1978 ව්යවස්ථා ප්රතිපාදන අනුව මහාධිකරණ වර්ග දෙකක් ගැන සඳහන් වෙනවා.ඒ කියන්නේ ජනරජයේ මහාධිකරණය සහ පළාත්බද මහාධිකරණයයි.පළාත්බද මහාධිකරණයට විනිසුරුවරුන් නම් කරන්නේ අගවිනිසුරුවරයායි.ඊට විනිසුරුවරුන් දෙදෙනෙකු නම් කරනවා.නමුත් නීතිපතිවරයා අධිචෝදනා ගොනු කිරීමේදී පලාත්බද මහාධිකරණයද වෙනම අධිචෝදනා ගොනු කරන්නේ නැහැ.
මෙම පනත් කෙටුම්පතේ සඳහන් ත්රිපුද්ගල මහාධිකරණයටත් අධිචෝදනා ගොනු කරන්නේ මහාධිකරණය යනුවෙන් සඳහන් කර ඒ අනුව නව ත්රිපුද්ගල මහාධිකරණය විශේෂ අධිකරණයක් නොවෙයි. එය හොඳින් පහැදිලියි. අගවිනිසුරුවරයා විසින් පත් කරනු ලබන ත්රිපුද්ගල මහාධිකරණ විනිසුරු මඩුල්ල විශේෂ කාර්යයන් පත් කළ එකක්.මෙම පනතින් සම්මත කරනු ලබන විශේෂ ත්රිපුද්ගල මහාධිකරණයට විනසුරුවරුන් පත් කරන්නේ අධිකරණ සේවා කොමිසම මඟිනි.එහි සිටින්නෙත් අගවිනිසුරුවරයායි.
මෙම පෙත්සම් හෙට යළි කැඳවීමට නියමිතය.
බස්නාහිර, සබරගමුව, මධ්යමසහ වයඹ පළාත්වලත් ගාල්ල සහ මාතර දිස්ත්රික්කවලත් ප.ව. 2.00 න් පමණ පසු තැනින් තැන වැසි හෝ ගිගුරුම් සහිත වැසි ඇති වන බව කාලගුණවිද්ය
මින්නේරිය විදුලිබල මණ්ඩලය ආසන්නයේ අද රාත්රියේ පුද්ගලයන් තිදෙනකු අතර ඇති වූ ගැටුමක් දුරදිග යාමෙන් තියුණු ආයුධ පහරකින් එක්දරු පියකු ජීවිතක්ෂයට පත්ව
ජනාධිපතිවරණ උණුසුම දිනෙන් දින වැඩිවෙමින් පවතිද්දී එම මැතිවරණය සඳහා ඉදිරිපත්වීමට තීරණය කර ඇති අපේක්ෂකයන් සංඛ්යාවද 7 ක් දක්වා ඉහළ ගොස් ඇත.
දුම්රිය සාමාන්යාධිකාරිවරයාගේ මරණය සම්බන්ධයෙන් සාධාරණ සැකයක් පවතින බැවින් හදිසි මරණ පරීක්ෂණයක් පමණක් පවත්වා අවසන් කිරීම ප්රමාණවත් නැතැයි අනුරා
ජාතික ජන බලවේගය සහ සමගි ජන බලවේගය අතර පැවැත්වීමට නියමිත විවාදය නීති විද්යාලයේ පැවැත්වීමට සිය සංගමය, පක්ෂ දෙකේ නායකයන්ට යෝජනා කර ඇති බව ශ්රී ලංකා නීත
අධ්යාපනය දේශපාලන පාපන්දුවක් බවට පත් කර ගතහොත් අවසානයේ පරාජයට පත් වන්නේ රට බැවින් පෞද්ගලික මත පසෙකලා සියලු දෙනා එක්ව සාකච්ඡා කර රටට ඔබින හොඳම අධ්යාප
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මූල්ය අපරාධකරුවන්ට දඬුවම් දීම 2015 ඡන්දෙ බලාපොරොත්තුවක් - වැලිඅමුණ
sirimal Tuesday, 20 March 2018 01:23 PM
මේ වැඩේ පටන්ගන්න තිබුනේ මැතිවරණයට පහුවෙනිදායි. දැන් ඉතින් අවුරුදු තුනක් බකන් නිලාගෙන කටින් බතල හිටව හිටවා කාලය නාස්තිකර අන්තිම මිනිත්තුවේ සේරම පොරොන්දු පොදිය එකවරම ලිහාදාන්න උතාසහ ගන්නවා. මේවගේ ඈලි මෑළි දුබල වැඩ නිසා වාසිය ලබාගන්නේ හොරු, දුශිතයෝ, මිනීමරුවෝ කියා චෝදනා කරපු කට්ටියමයි.
athula Tuesday, 20 March 2018 01:37 PM
අඳුරේ පව් කරන එක දහවලට බයලු " ඔය මහින්ද රට බෙර ගත්ත මහා දේශප්රේමියා ඇයි මේවට බය හරි පුදුම වැඩක්නේ.