(  කේ බුද්ධික කුමාරසිරි )

ආරක්ෂක කමිටු රැස්වීමකට සහභාගි වන ලෙස දන්වා ජනතාව දැනුවත් කිරීමේ යෙදී සිටි මීගොඩ හේනවත්ත ආරක්ෂක කමිටුවේ සභාපති රංජිත් ආනන්ද මහතාට එම රැස්වීම පැවත්වීම සම්බන්ධයෙන් විරෝධය පළ කරන ලද කිසියම් පිරිසක් විසින් අද (23)  දින දහවල් අමානුෂික ලෙස පහරදිම හේතුවෙන් තුවාල ලැබූ කමිටු සභාපතිවරයා හෝමාගම මූලික රෝහලට ඇතුළත් කර ඇතැයි මීගොඩ පොලිසිය පවසයි

මීගොඩ හේනවත්ත ආරක්ෂක කමිටු රැස්වීම අද(23) දින දහවල් 2 ට වැලිසේනවත්ත ප‍්‍රදේශයේදී ප‍්‍රජා ශාලාවක පැවැත්වීමට නියමිතව තිබූ අතර එම සමිතියේ සභාපතිවරයා වන පහර කෑමට ලක් වූ රංජිත් ආනන්ද මහතා එම රැස්වීමට සහභාගි වන ලෙස ප‍්‍රදේශයේ මත් ජවාරම්වලට සම්බන්ධ බව කියන තරුණයින් නිවාසවලට ගොස් ජනතාව දැනුවත් කරමින් මීගොඩ හේනවත්ත ප‍්‍රදේශයේ ගමන් කරමින් සිටිනා විට ඔහු අසලට පැමිනි ඇති තරුන පිරිසක් ‘‘අපේ ගමට ආරක්ෂක කමිටු  ඕනේ නෑ’’‘‘උඹට උවමනා විදිහට අපේ රක්ෂා නැති කරන්න බැහැ’’ යනුවෙන් පවසමින් සභාපතිවරයා වට කරගත් පිරිස පොලූ වලින් සහ යතුරුපැදි හිස් වැසුම් වලින් යනාදියෙන් අමානුෂික පහර දී ඇති බවද පොලිසිය පවසයි

පහර කෑමට ලක් වූ ආරක්ෂක කමිටු සභාපතිවරයාගේ හිසෙහි පිටෙහි අත් පා වල ආදියෙහි තුවාල දක්නට ලැබෙන බවද පොලිසිය පවසයි 

මේ සම්බන්දයෙන් වහාම කි‍්‍රයාත්මක වූ මීගොඩ පොලිස් ස්ථානාධිපතිවරයා වහාම මැදිහත් වී එම අවස්ථාවේම අදාල ස්ථානයට ගොස් පරීක්සණ කටයුතු ආරම්භ කල බවද පොලිසිය පවසයි

මෙම පහරදීමට සම්බන්ධ සැකකරුවන් හදුනා ගෙන ඇති බවත් සැකකරුවන් අත් අඩංගුවට ගැනිම සදහා පොලිස් කණ්ඩායමක් පරීක්ෂණ ආරම්භ කර ඇති බවද පොලිසිය පවසයි

මීගොඩ පොලිසිය පරීක්ෂණ පවත්වයි