විනීතා එම් ගමගේ
පවතින බරපතල තත්ත්වය යටතේ විදුලිබල මණ්ඩලයේ ඉංජිනේරුවන් ඇතුළු ඉහළ නිලධාරින් පද්ධතිය කඩා වැටීම වළකාලීමට මෙහෙයුම් මැදිරියක සිටිය යුතු නමුත් ඔවුන්ට සිදුව ඇත්තේ උසාවියේ පෙනී සිටීමට යැයි ලංකා විදුලිබල මණ්ඩල ඉංජිනේරු සංගමයේ සභාපති සෞම්ය කුමාරවඩු මහතා පැවැසීය.
විදුලි අර්බුදයට 50% රජය වගකිව යුතු බව ද මහජන උපයෝගීතා කොමිසම ද ඒ හා සමානව වගකිව යුතු බව ද හෙතෙම කියා සිටියේය.
මේ අර්බුදය නිසා රටට සිදුව ඇති පාඩුව බිලියන 45 ක් පමණ වන බව ද සභාපතිවරයා පැවසීය.
විදුලි අර්බුදයෙන් රට මුදවා ගැනීමට කිසිදු පියවරක් නොගන්නා බලධාරින් හදිසි විදුලිය මිලදී ගැනීම් වලින් බොරදියේ මාළු බෑමට බලා සිටින බවත් එවැනි දේ සිදුකර ජනතාව කබලෙන් ලිපට දැමීමට උත්සාහ කළහොත් දෙවරක් නොසිතා වෘත්තිය ක්රියාමාර්ගවලට එළැඹෙන බව ද කුමාරවඩු මහතා පැවසීය.
රටේ විදුලි බල ඉල්ලුම සඳහා විසඳුමක් වන කිසිදු බලාගාරයක් ඉදි නොකිරීමත්, ඉදිකිරීමට සුදානමින් තිබු බලාගාර නවතා දැමීමත් ඉංජිනේරුවන්ගේ සැලසුම් ඉවත දමා ව්යාපාරික සැළසුම් ක්රියාත්මක කිරීමට යාමත් නිසා මේ වනවිට විදුලිබල කේෂ්ත්රය දැවැන්ත අර්බුදයකට අද වැටී ඇතැයි ද කුමාරවඩු මහතා කීය.
වසරකට මෙගාවොට් 150 ක් 200 ක් අතර ප්රමාණයක් අලුතින් ජාතික පද්ධතියට බලාගාර ලෙසින් එකතු විය යුතුව තිබියදී එය කරගැනීමට අපොහොසත්ව විදුලිය කැපීමට හේතුව පෑවිල්ල හෝ නොරොච්චෝල බලාගාරයේ යන්ත්රයක දෝෂයක් බව පැවසීම ජනතාව ගොනාට ඇන්දවීමක් බව ද ඔහු කියා සිටියේය.
විදුලි බල පනත අනුව රටට අවශ්ය බලාගාර සෑදිය යුතු දීර්ඝකාලින අඩු වියදම් විදුලි ජනන (බලාගාර) සැලැස්ම අනුව බව කී කුමාරවඩු මහතා ලංකා විදුලි බල සැලසුම් ඉංජිනේරුවන් විසින් සකසන මෙම සැලැස්ම 2014 සිටම ඉහළම දේශපාලන පුටුවල සිටින ප්රබයන් විසින් අවුල් කිරීමට හා නවතා දැමීමට කටයුතු කර ඇති බවත් පැවසීය.
2018 දී පවා එම සැලසුම මහජන උපයෝගිතා කොමිසම විසින් අනුමත කරනු ලැබුයේ තම සංගමය දැඩි වෘත්තීය සමිති ක්රියාමාර්ගවලට එළැඹීමෙන් පසුව බව ද ඔහු සඳහන් කළේය.
බලගාර සැළසුම් හැදීමේ දී හා අනුමත කිරීමේ දී පසුගිය වසර කිහිපය තූල එම කොමිසම ක්රීයාකර ඇති ආකාරය නීති විරෝධී බව ද ඔවුන් අදාල පනත් උල්ලංඝණය කර ඇති බව ද නීතිපතිවරයා විසින් ඉකුත් වසරේ තහවුරු කළ බව ද අවසානයේ කොමිසම දූෂිත අධ්යක්ෂ ජනරාල්වරයා ඉවත් කළ නමුත් මේ වනවිට කොමිසම යළි ඔහු පත් කර ඇති බව ද හෙතෙම කියා සිටියේය.
මින්නේරිය විදුලිබල මණ්ඩලය ආසන්නයේ අද රාත්රියේ පුද්ගලයන් තිදෙනකු අතර ඇති වූ ගැටුමක් දුරදිග යාමෙන් තියුණු ආයුධ පහරකින් එක්දරු පියකු ජීවිතක්ෂයට පත්ව
ජනාධිපතිවරණ උණුසුම දිනෙන් දින වැඩිවෙමින් පවතිද්දී එම මැතිවරණය සඳහා ඉදිරිපත්වීමට තීරණය කර ඇති අපේක්ෂකයන් සංඛ්යාවද 7 ක් දක්වා ඉහළ ගොස් ඇත.
දුම්රිය සාමාන්යාධිකාරිවරයාගේ මරණය සම්බන්ධයෙන් සාධාරණ සැකයක් පවතින බැවින් හදිසි මරණ පරීක්ෂණයක් පමණක් පවත්වා අවසන් කිරීම ප්රමාණවත් නැතැයි අනුරා
ජාතික ජන බලවේගය සහ සමගි ජන බලවේගය අතර පැවැත්වීමට නියමිත විවාදය නීති විද්යාලයේ පැවැත්වීමට සිය සංගමය, පක්ෂ දෙකේ නායකයන්ට යෝජනා කර ඇති බව ශ්රී ලංකා නීත
අධ්යාපනය දේශපාලන පාපන්දුවක් බවට පත් කර ගතහොත් අවසානයේ පරාජයට පත් වන්නේ රට බැවින් පෞද්ගලික මත පසෙකලා සියලු දෙනා එක්ව සාකච්ඡා කර රටට ඔබින හොඳම අධ්යාප
උමාඔය භූගත විදුලි බලාගාරයේ විදුලි ජනන යන්ත්ර දෙක එහි ඉදිකිරීම් ක්රියාත්මක වන කාලයේ සේවය කළ සුළු සේවිකාවන් දෙදෙනකුගේ සේවය ඇගයීම වෙනුවෙන් ‘දසුනි’ සහ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බොරදියේ මාළු බෑවොත් වෘත්තීය ක්රියාමාර්ග ගන්නවා
Nishantha Wednesday, 03 April 2019 12:15 PM
විදුලි බල මණ්ඩලයටතද වෙලා වගේ.. ආණ්ඩුවත්, විදුලි බල මණ්ඩලයේ ඉන්න ඉහළ නිලධාරිනුත් මේකට වග කියන්න ඕනෑ.
malitha Wednesday, 03 April 2019 12:48 PM
හා හොඳයි...
Raveendra Wednesday, 03 April 2019 01:10 PM
මේක මහා පුදුම කතාවක්නේ.. එක එකාගේ මතිමතාන්තර නිසා අහිංසක මිනිසුන් දුක්විඳින්න ඕනේ.. රටේ මහජනතාව දුක්විඳලා මැරුණත් කමක් නැහැ. අපේ මඩිය පිරෙනවා නම්... " එ්කද උගත් වැද්දන් සහ දේශපාලකයන් අතර තිබෙන එකමුතුව"? නොදකින් කාලකන්නි...
සමන් Wednesday, 03 April 2019 01:20 PM
මෙයාලා ලංකාවේ විශ්වවිද්යාල වලින් ඔය මණ්ඩලයට යන ඉංජිනේරුවෝ කියන්නත් ලැජ්ජයි. ඕකට ගිය වෙලේ ඉඳලා ගසාකනවා. ඒකෙ තියන පහසුකම් භුක්ති විඳිනවා. විදුලිබල මණ්ඩලය කියන්නේ ලංකාවේ ඉහළම දූෂිත ආයතනයක්. පුදුම දීමන ගොඩක් මෙයාලා ගන්නවා. අඩුම තරමේ ඉන්කම් ටැක්ස් කපන්නෙත් නැහැ. ලැජ්ජාවක් නැද්ද? ලංකාවේ මිනිසුන්ගේ සල්ලි වලින්ම ඉගෙනගෙන අායෙත් එ් මිනිසුන්ගේ මුදල් ගසාකන්න. ඔය මහත්හොරු ටික ඕකෙන් සුද්ද කරලා ඕකෙ පාලනය හරියට හදන්න ඕනේ. ඕක මණ්ඩලයක් විදිහට තියනකන් මෙයාලා ඔය සෙල්ලම කරනවා.
SenakaThursday, 04 April 2019 03:53 AM
ඔබ ඉංජිනේරුවන් ගැන තරහකින් අදහස් පලකර ඇතිබව පෙනේ. විදුලිබල මණ්ඩලයේ සියලු සේවකයන්ගෙන් ඉංජිනේරුවන් සුලු පිරිසක් පමණයි. ඇත්තෙන්ම නියම සුදුසුකම් සපුරා සේවයට බැදී ඇත්තේ ඔවුන් ඇතුලු අතලොස්සක් තමයි. එතෙක් මෙතෙක් පැවති ආණ්ඩු තමන්ගේ හෙන්චයියන්ගේන් පහළ තනතුරු පුරවා විශාල අතිරික්ත සේවක සංඛ්යාවක් එහි සිටිනවා. ඔවුන් සියලු දෙනා ඔබ කිව්ව වරප්රසාද බුක්තිවිදිනවා. ඒ අතර තමන්ව එතනට රින්ගවපු පක්ෂ වල ඕනෑ එපාකම් වෙනුවෙන් වැඩකරනවා.
නිරෝෂන් Thursday, 04 April 2019 05:42 AM
එතකොට ඔය කලින් කියපු වරප්රසාද ඉංජිනේරුවෝ ගන්නේ නැද්ද ? ඒක කමක් නැ කියමුකෝ. ඔය දැන් වර්ජන කරන්න හදන්නේ ඔබ තුමාලට තිබ්බනේ බලාගාර නොහැදී තියන කොට ඒවටත් වර්ජනය කරන්න. සුර්ය බලාගාර වලට අනුමැතිය නොදී , එල්.එන්.ජී බලාගාර ප්රමාද කරලා , ගෙදරට සුර්ය පැනල හයි කරලා.... මිනිසුන්ව පුළුවන් තරම් කඩේ යවලා, එපා කරවන ඉංජිනේරුවෝ එතකොට හොඳයි කියලද ඔබ තුමා කියන්නේ? ඉංජිනේරුවෝ මේකේ වගකීමෙන් 50-75% ගන්න ඕනේ. හැමේකටම දේශපාලනේ කියල හරියන්නේ නැ.
Jagath.MatharaThursday, 04 April 2019 05:47 AM
සමන් ගේ කතාව හරි . සේනක මහත්මයෝ ඔය ඉංජිනේරුවෝ කියන අයගේ බලාගාර කියක් තියනවද කියලත් දාන්න එටකොට තේරෙයි එයාලගේ වැඩ. අනික අනිත් සමාගම් වලින් ඉංජිනේරුවනට ලැබෙන කොමිස් කුට්ටි ඒවත් කියන්නකෝ බලන්න . ඉංජිනේරුවෝ හරිම හොදයි .
මොහමඩ් රිස්වාන් සව්දි අරාබිය Wednesday, 03 April 2019 02:16 PM
මැති ඇමතිවරුන්ගේ නොසැලකිලිමත්කම නිසා රටේ ජනතාව අමාරුවේ වැටිලා. එමනිසා විදුලිය කපනා සේම පැයකටම පාරිබෝගිකයින්ට වන්දි ගෙවන්න.
Amila Wednesday, 03 April 2019 02:38 PM
විධායක ජනපතිකම මෙන්න මේ වගේ වෙලාවට තමයි වටින්නේ. දැන් ඒකෙත් බලතල අඩුයි. අනික ඉතින් තනතුරේ ඉන්න කෙනා විකාර කියව කියවා ඉන්නවනේ...
prabha Wednesday, 03 April 2019 05:29 PM
අමිල විධායක ජනාධිපතිකමේ වටිනාකමක් තියෙන්නේ ඒ පුටුවේ වටිනාකමට රටට වටිනා පුද්ගලයෙක් සිටියොත් පමණි. එකට අපේ.. එක්කෝ ඕනේ නෑ..
Chanak Los angeles Wednesday, 03 April 2019 08:36 PM
රටේ මේ කඩාකප්පල් කාරී වැඩ කරවන්නේ කවදාවත් නොපිපෙන අර පොහොට්ටුවෝ කියන නඩයයි. අපි කියනවා ජනතාවට රැවටෙන්න එපා කියලා .
රුවන් Thursday, 04 April 2019 01:23 AM
හිටපු ඇමති සියඹලා කකා ඉන්නවද දැන්
රොෂාන් කඩුවෙල Thursday, 04 April 2019 04:21 AM
විදුලි ඉංජිනේරු පමණක් නොව ලංවිම සියල්ල හොර ගුහාවේ සාමාජිකයන්. බිලියන ගණනින් මහා භාණ්ඩාගාර මුදල් ලබාගෙන මහජනතාව ආසියානු කලාපයේ වැඩිම ලයිට් බිල ගෙවද්දී ඔවුන් සුරසැප විඳිනවා. හොර විදුලි සමාගම් හදලා එමගින් කරන ගසාකෑම මහජනතාව නොදන්නා රහසක්.