පිලිප් කුමරුගේ හෘද රෝගී තත්ත්වයට සාර්ථක ප්‍රතිකාර

එංගලන්තයේ දෙවැනි එළිසබෙත් මහරැජිනගේ ස්වාමිපුරුෂයා වන පිලිප් කුමරුගේ කලින් පැවැති හෘද රෝගී තත්ත්වයකට ප්‍රතිකාර කිරීම සඳහා තවදුරටත් ලන්ඩන් නගරයේ ශාන්ත බර්තෝලමියු රෝහලේ රඳවාගෙන සිටී. එඩින්බරෝහි අදිපාදවරයා ලෙසින් හැඳින්වෙන පිලිප් කුමරු, හදවත් සැත්කමකට පෙර කෙරෙන ප්‍රතිකාර මාලාවට සාර්ථකව මුහුණ දුන් බවත් බකිංහැම් මාළිගය නිවේදනය කරයි.

මේ වන විට 99 වැනි වියේ පසුවන පිලිප් කුමරු දින 16 ක කාලයක් තිස්සේ රෝහල්ගතව සිටී. පළමුවෙන්ම ඔහු ලන්ඩනයේ පිහිටි VII වැනි එඩ්වඩ් රෝහලට ඇතුළත් කරන ලදි. පසුව වැඩිදුර ප්‍රතිකාර සඳහා එංගලන්තයේ පැරණිතම රෝහල වන ශාන්ත බර්තොලමියු රෝහලට ඇතුළත් කරන ලදි.

මීට පෙර, වසර 2011 දී, රජපවුල නත්තල් සැමරීමට සූදානම් වන අවස්ථාවේදී පපුවේ වේදනාවක් හේතුවෙන් පිලිප් කුමරුන් සැන්ඩ්රින්ග්හැම් මාළිගයේ සිට ගුවන් ගිලන් රථයකින් (හෙලිකොප්ටරයකින්) පැප්වර්ත් රෝහල කරා රැගෙන යන ලදි. එහිදි පිලිප් කුමරුන්ගේ ධමනියකට කෘතිම දැලක් (STENT) ඇතුළත් කරන ලදි.

පිලිප් කුමරු තවත් දින කිහිපයක් රෝහලේ රැඳී සිටිනු ඇති බවත් ඔවුහු වැඩිදුරටත් පැවසූහ. එළඹෙන ජුනි මාසයේදී පිලිප් කුමරුට අවුරුදු 100 සම්පූර්ණ වෙයි.

(බීබීසී ඇසුරිණි - 085)

අදහස් (6)

පිලිප් කුමරුගේ හෘද රෝගී තත්ත්වයට සාර්ථක ප්‍රතිකාර

pakeer Thursday, 04 March 2021 06:20 PM

ඔබට දෙවි පිහිටයි.!!!

: 1 0

Demuni Uduwara Thursday, 04 March 2021 09:42 PM

ඉක්මන් සුවය ලැබේවා..!!!

: 1 0

sachith Friday, 05 March 2021 03:13 AM

හරි වැඩේ... ලංකාවේ කිසිම ප්‍රශ්නයක් නැද්ද මෙයාගේ විස්තර දාන්නේ..?

: 2 4

RaveendraFriday, 05 March 2021 06:48 AM

ඔබගේ අදහස් ඉතාමත්ම නිවැරදිය. කෙසේ වෙතත් හෙළයින් වූ අපගේ මුතුන් මිත්තන් සමූල ඝාතනය කළ ම්ලේච්ඡයින්ගේ ලේ ඥාතියෙකු වුවත් මොහුට ඉක්මන් සුවය පතන්නෙමු. එමෙන්ම මෙම රෝගියාව බැලීමට යාමේදී අපගේ මව්බිමේ හොඳින් හැදෙන වැඩෙන ගස්වලින් රැගෙන යන්නේ රන්තැඹිලි වල්ලක්ද ගොන්තැබිලි වල්ලක්ද නොඑසේ නම් දූරියන් ගෙඩියක්ද යන්න ගැටලුවකි.

: 6 5

නිහාල් Friday, 05 March 2021 08:07 AM

අපේ කළු හම නිසා මේ දවස්වල අපිව රෝහල් වලට වැද්ද ගන්නේ නැහැ.

: 3 4

කපුරු හාමි Friday, 05 March 2021 08:28 AM

තව අවුරුද්දකින් වසර 100 ක් සැමරුවා කියලා අලුතින් නිව්ස් එකක් දාවී. එයාලට මොන සැපද, මොනවායින් කියලා අඩුවක්ද?

: 5 1

ඔබේ අදහස් එවන්න

එසැණ පුවත්

චීටා බළකාය යාල පීරයි

2024 අප්‍රේල් මස 23 680 0

පොලිස් විශේෂ කාර්ය බළකාය විශේෂ පුහුණුව ලත් චීටා බළකායේ නිලධාරීන් විසින් අති නවීන ඩ්‍රෝන කැමරා උපයෝගී කරගෙන යාල අධි ආරක්ෂිතය තුළ සිදුකළ මෙහෙයුමකදී ගි

එජාප මැයි රැලිය මරදානේදී

2024 අප්‍රේල් මස 23 374 0

එක්සත් ජාතික පක්ෂයේ මැයි දිනය උළෙල සම්බන්ධයෙන් ප්‍රාදේශීය මට්ටමින් සංවිධාන කටයුතු ඇරැඹූ බව එක්සත් ජාතික පක්ෂය කියයි.

හොර ලයිසන් ස්ටිකර් හැදූ 2ක් මාට්ටු

2024 අප්‍රේල් මස 23 212 0

මෝටර් රථ දෙපාර්තමේන්තුවේ ව්‍යාජ මුද්‍රා සහ තාවකලික රියදුරු බලපත්වලට අලවන ස්ටිකර් වලට සමාන ව්‍යාජ ස්ටිකර් සහ කූට ලේඛන සමග 43 හැවිරිදි සැකකරුවෙක් සහ 22 හැ