(ඩයනා උදයංගනී සහ නාලක සංජීව දහනායක)
ඉකුත් පාර්ලිමේන්තුවට පළමුවරට පත්ව සිට මෙවර පත් නොවූ මන්ත්රීවරුන් 32කට පාර්ලිමේන්තු මන්ත්රී විශ්රාම වැටුප අහිමි වේ.
එයට හේතුව ඔවුන් පාර්ලිමේන්තු මන්ත්රීධූරයේ වසර පහක කාලයක් සම්පූර්ණ නොකිරීමය.
පාර්ලිමේන්තු මන්ත්රී විශ්රාම වැටුපට සුදුසුකම් ලැබීමට නම් ඔවුන් අඛණ්ඩව වසර පහක් පාර්ලිමේන්තුව නියෝජනය කළ යුතු වේ
පසුගිය පාර්ලිමේන්තු මැතිවරණයේදී ජනතා මනාපයෙන් හා ජාතික ලැයිස්තුවලින් නවක මන්ත්රීවරුන් රැසක් පාර්ලිමේන්තුවට තේරී පත් වූ අතර ඔවුන්ගේ මන්ත්රීධූරය වසර හතරයි මාස අටකට පමණ සීමා විය.
එබැවින් පසුගිය පාර්ලිමේන්තුව පළමුවරට නියෝජනය කළ මන්ත්රීවරුන්ට වසර 5ක කාලයක් සම්පූර්ණ කිරීමට නොහැකි විය.
වසර පහක කාලයක් සම්පූර්ණ කළ මන්ත්රීවරයකුට මූලික මන්ත්රී වැටුපෙන් තුනෙන් එකක් විශ්රාම වැටුප් ලෙස හිමිවේ.
විශ්රාම වැටුප් අහිමි වන මන්ත්රීවරුන්ගෙන් වැඩිම ප්රමාණයක් එක්සත් ජාතික පෙරමුණ නියෝජනය කළ අය වන අතර එම සංඛ්යාව 23 කි. එක්සත් ජනතා නිදහස් සන්ධාන හිටපු මන්ත්රීවරුන් දෙදෙනෙකුගේ විශ්රාම වැටුප අහිමි වී ඇති අතර දෙමළ ජාතික සන්ධානයේ මන්ත්රීවරුන් හතර දෙනෙකුගේ සහ ජවිපෙ එක් මන්ත්රීවරයෙකුගේ විශ්රාම වැටුප අහිමි වී තිබේ
ඒ අනුව එක්සත් ජාතික පෙරමුණ නියෝජනය කළ මලික් සමරවික්රම, හිරුණිකා ප්රේමචන්ද්ර, චතුර සේනාරත්න, ආනන්ද අලුත්ගමගේ, බන්දුලාල් බණ්ඩාරිගොඩ, චන්දිම ගමගේ, කරුණාරත්න පරණවිතාන, දයා ගමගේ, ආශු මාරසිංහ, සමන් රත්නප්රිය, නඩරාජා තිලකේෂ්, එස්. වේලුකුමාර්, මොහොමඞ් මන්සුර්, සිසිර කුමාර, රහුමාන් ඉස්තාන්, නාලක කොලොන්නේ, තුසිතා විජේමාන්න, සන්දිත් සමරසිංහ , එම්. නවාවි, එම්. සල්මන්, ඒ. හෆිස් යන මන්ත්රීවරුන්ට පාර්ලිමේන්තු විශ්රාම වැටුප අහිමි වේ.
පාර්ලිමේන්තුව විසිරවීමට පෙර මන්ත්රීධූරයෙන් ඉල්ලා අස්වූ එක්සත් ජාතික පෙරමුණු හිටපු පත්කළ මන්ත්රී ආචාර්ය ජයම්පති වික්රමරත්න මහතාට ද විශ්රාම වැටුප් අහිමි වේ.
මීට අමතරව සමඟි ජන බලවේගය නියෝජනය කළ මයන්ත දිසානායක මහතා මෙවර එම පක්ෂයේ ජාතික ලැයිස්තුව නියෝජනය කළ බැවින් ඔහු එයින් පාර්ලිමේන්තුවට පත්වුවහොත් විශ්රාම වැටුප අහිමි නොවනු ඇත.
එක්සත් ජනතා නිදහස් සන්ධානයේ හිටපු පාර්ලිමේන්තු මන්ත්රීවරුන් වන නිරෝෂාන් ප්රේමරත්න, මනෝජ් සිරිසේන හා ජාතික ලැයිස්තු මන්ත්රී මලිත් ජයතිලක යන මහත්වරුන් ද මෙවර පාර්ලිමේන්තුවට තේරී පත්නොවීම හේතුවෙන් විශ්රාම වැටුප අහිමිව ඇත.
ජනතා විමුක්ති පෙරමුණේ නලින්ද ජයතිස්ස මන්ත්රීවරයාට ද විශ්රාම වැටුප අහිමි වේ.
මෙවර විශ්රාම වැටුප් අහිමි වන දෙමළ ජාතික සන්ධාන මන්ත්රීවරුන් වන්නේ ශාන්ති ශ්රී ස්කන්ධරාජා මහත්මිය සහ සිවප්රකාශම් සිවමෝහන්, කවීන්ද්රන් කෝඩීෂ්වරන්, ඊෂ්වරන් සරවනපවන් යන මහත්වරුන්ය.
අරාබි මුහුදේ ධීවර කටයුතුවල නිරත නොවන ලෙස මෙරට ධීවරයන්ට ධීවර සහ ජලජ සම්පත් දෙපාර්තමේන්තුව දැනුම් දුන්නේය.
බස්නාහිර සහ සබරගමුව පළාත්වලත් ගාල්ල සහ මාතර දිස්ත්රික්කවලත් සවස් කාලයේදී හෝ රාත්රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකි බ
රුහුණු මහා කතරගම දේවාලයට බැතිමතකු ජූජා කළ පවුම් 38 ක් බර රත්තරන් තැටියක් වංචනික ආකාරයෙන් පැරගෙන ගියේ යැයි චෝදනා එල්ල වී ඇති කපු මහත්වරු දෙදෙනාගේ ‘කපු ධූ
කුප්රකට පාතාල මත්ද්රව්ය ජාවාරම්කරුවකු වන නදුන් චින්තක හෙවත් හරක් කටා හා සම්බන්ධ බවට චෝදනා එල්ල වී ඇති අපරාධ පරීක්ෂණ දෙපාර්තමේන්තුවේ ජ්යෙෂ්ඨ පොල
රිමාන්ඩ් බාරයට පත් කර සිටින හිටපු සෞඛ්ය අමාත්ය මෙන්ම පරිසර අමාත්ය කෙහෙළිය රඹුක්වැල්ල උසාවියට ගෙන ඒමට යොදාගෙන ඇත්තේ බන්ධනාගාර රැඳවියන්ගේ දරුවන් ප
ශ්රී ලංකා යුද හමුදාවේ කොමන්ඩෝ බලකායේ ලාන්ස්කෝප්රල් වරයකු වශයෙන් කටයුතු කළ හිටපු සොල්දාදුවෙකු හෙරෝයින් මත්කුඩු ග්රෑම් දෙකක් සමග සැකපිට අත්අඩංගුව
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
පාර්ලිමේන්තුවේ සිටි මන්ත්රීවරු 30 කට විශ්රාම වැටුප් අහිමිවෙයි
Nandalal DE SILVA - France Monday, 10 August 2020 05:30 PM
ඔබට දැන් සතුටුද.? විශ්රාම වැටුප් නැතුව දැන් කොහොමද ජිවත් වෙන්නේ.?
අතුලTuesday, 11 August 2020 12:09 PM
ඔබතුමා බබාද? ඔය කාලය තුල පරම්පරා ගාණකටම හම්බ කරලා තියෙන්නේ. ඔබතුමා කියන ප්රශ්නය තියෙන්නේ අවුරුදු 25-30ක් රජයේ සේවකයෙක් වෙලා විශ්රාම වැටුප නැති වුණොත් තමයි.
විජිත් Monday, 10 August 2020 07:25 PM
රටේ මහජනතාවගේ මුදල් හොරකම්කර ගත්ත ඒවා ඇති පරම්පරා 10 කට. තව පෙන්ෂන් එකත්...?
Ratnamalala Monday, 10 August 2020 11:53 PM
විශ්රාම වැටුප් හිමිකම අතීතයටත් බලපාන අයුරින් සම්පූර්ණයෙන්ම අහෝසි කළයුතුයි.
lion Tuesday, 11 August 2020 01:05 AM
සතුටු දායක පුවතක්...
Bamunuarachchi Tuesday, 11 August 2020 02:36 AM
මෙයත් ජනතාව ලබපු ජයග්රහණයක්.. ඒ වගේම මාස කීපයකට පත්වුණු මැතිවරණයට දුන් බදු රහිත වාහන නැවත පවරාගන්න.
Bamunuarachchi Tuesday, 11 August 2020 02:41 AM
ජනාධිපතිතුමනි, මන්ත්රී විශ්රාම වැටුප අහෝසි කරදමන්න. නැතිනම් ඔවුන්ටත් අනික් රජයේ සේවකයින්ට මෙන් විශ්රාම වැටුප් ගැනීමට අඩුවශයෙන් අවුරුදු30ක්වත් මන්ත්රී කෙනෙක් හැටියට සේවය කළ යුතුයි කියා කොන්දේසියක් පනවන්න.
Rohana Tuesday, 11 August 2020 02:43 AM
විශ්රාම වැටුප් කුමටද? ඔවුන් ජනතා සේවයට කැමැත්තෙන් ඉදිරිපත් වුනානේ.
සමිත සේනක අලුත්ගමගේ. Tuesday, 11 August 2020 03:20 AM
පාර්ලිමේන්තුවේ සිටින සියලු පක්ෂවල බොහෝ මන්ත්රීවරු තම කාලයේදී ඇතිතරම් හරි හම්බකර ගන්නවා. ඒ නිසා ඔවුන්ට රටේ මහජන මුදලින් විශ්රාම වැටුපක් අවශ්ය නැහැ. රටේ මුදල් කාබාසිනියා කරන විශ්රාම වැටුප් ක්රමය නවත්වා දැමිය යුතුයි. කලාතුරකින් අවංකව සේවය කරපු හොඳ මන්ත්රීවරයෙකුට මහජන මතය විමසා බලා විශ්රාම වැටුපක් ප්රදානය කිරීමේ වරදක් නැහැ.
sharm warn Tuesday, 11 August 2020 03:44 AM
ඡන්දෙන් පැරදුන මන්ත්රීවරුන්ට කොහොමද විශ්රාම වැටුපක් ගෙවන්නේ.?
BamunuarachchiThursday, 13 August 2020 06:10 AM
විශ්රාම වැටුප ගන්න සුදුසුකම ඡන්දයෙන් දිනීම නොවේ. අවුරුදු 5ක් මන්ත්රී හැටියට සර්විස් එකක් තිබීම... මේ ගොල්ලන්ට තිබෙන්නේ අවුරුදු 4.5ක සර්විස් එකක්. සත 5ක් දෙන්න එපා...
සචිත් Tuesday, 11 August 2020 06:22 AM
සාමාන්ය මිනිහෙක්ට විශ්රාම වැටුපක් ගන්න අවුරුදු තිහ හතලිහ කඹුරන්න ඕනෑ. මෙයාලට අවුරුදු 5ක් වැඩකළාම විශ්රාම වැටුපක් ගෙවන්නේ ඇයි?
Rata Perata Tuesday, 11 August 2020 06:28 AM
ඔන්න අලුත් ආණ්ඩුවට කරනවා නම් වැඩක්... අවුරුදු 5න් විශ්රාම වැටුප් දෙන එක..
Prabha Tuesday, 11 August 2020 12:14 PM
ඕක නිසා තමයි පරණ පාර්ලිමේන්තුව අරගන්න වැඩකළේ... නැතිව රටට ආදරේට නොවේ.
Bamunuarachchi Thursday, 13 August 2020 06:07 AM
හිතුවේ රාජපක්ෂලාව ජනේලෙ එල්ලන්න... සිද්දවුණේ පැන්ෂන් නැතිව ගෙදර යන්න.