නවදිල්ලිහිදීය (ඒ.එෆ්.පී)
ඓතිහාසික කතාවක් පදනම් කරගනිමින් නිර්මාණය කරන ලද පද්මාවතී චිත්රපටය ‘පද්මාවත්’ යන නම යටතේ ලබන සතියේ තිරගරත වන බව එහි නිෂ්පාදකයෝ පවසති.
පුරාවෘත්ත හින්දු රැජිනක් අනුසාරයෙන් සන්ජේ ලීලා බන්සාලී විසින් නිර්මාණය කරන ලද එම චිත්රපටයට හින්දු ජාතිකවාදීන්ගෙන් විරෝධතා එල්ල විය. එම විරෝධතා මාස ගණනක් පැවැති අතර ඇතැම් විරෝධතා ප්රචණ්ඩකාරී ස්වරූපයක් ගත්තේය.
පසුගිය දෙසැම්බර් මාසයේදී මෙම චිත්රපටය තිරගත වීමට නියමිතව තිබූ අතර විරෝධතා හේතුවෙන් කල් දැමිණි. දහතුන්වන සහ දහහතර වන සියවස්වල සිටි මුස්ලිම් අධිරාජ්යයකු වන අලාවුදීන් කිල්ජි සහ හින්දු රැජිනක අතර ඇතිවන ප්රේම වෘතාන්තයක් පදනම් කරගනිමින් චිත්රපටය නිර්මාණය විය.
පද්මවාතී රැජින පුරාවෘත්ත චරිතයක් යැයි ඉතිහාසඥ්යන් පැවසුවද හින්දු ජාතිකවාදීන්ගෙන් චිත්රපටයට දැඩි විරෝධයක් එල්ල විය. චිත්රපටය ඓතිහාසික කරුණු වෙනස් කර ඇතැයි ද හින්දු ජාතිකාවාදී දේශපාලනඥයෝ චෝදනා කරති. චිත්රපටය ලබන 25 වැනිදා තිරගත වීමට නියමිත බවත් පද්මාවතී නම ‘පද්මාවත්’ යනුවෙන් වෙනස් කර ඇති බවත් එහි නිෂ්පාදකයෝ පවසති. ඊට අමතරව චිත්රපටයේ තවත් වෙනස්කම් පහක් සිදු කර ඇතැයි ද ඔවුහු කියති.
පද්මාවති රැජිණට සියලු ගෞරව දක්වන බව සඳහන් කරමින් සඳුඳා (15) දිනයේදී ඉන්දීය පුවත්පත්වල සම්පූර්ණ පිටුවක පුවත්පත් දැන්වීමක් පළ කිරීමට ද චිත්රපටයේ නිෂ්පාදකයන් කටයුතු කර තිබිණි.
ඉන්දියාවේ විසූ ‘සුෆී’ කවියකු වන මලික් මුහම්මද් ජයසිගේ කාව්ය නිර්මාණයක රාණි පද්මාවති රැජිණ ගැන සඳහන් ව තිබේ. දහසය වැනි සියවසේදී ලියැවී ඇති එම කවිය පදනම් කරගනිමින් චිත්රපටය නිර්මාණය වී තිබේ.
චිත්රපටයට මුල්ම වරට විරෝධතා එල්ල වූයේ 2017 වසරේ ජනවාරි මාසයේදීය. රාජස්ථාන් ප්රාන්තයේ රූ ගත කිරීමත් අතරතුරදී එලෙස විරෝධතා එල්ල වූ අතර ඉන් අනතුරු මුම්බායි නුවරදී ද විරෝධතා එල්ල විය. එම අවස්ථාවේදී චිත්රපටය රූ ගත කිරීම සඳහා භාවිත කිරීමට තිබූ ඇඳුම් ආයිත්තම් ආදී බඩු භාණ්ඩ රැසකට විරෝධතාකරුවෝ ගිනි තැබූහ.
වෙනස්කම් සිදු කළ ද චිත්රපටයේ නම පද්මාවත් ලෙස වෙනස් කළ ද ඊට තවමත් විරෝධතා එල්ල වෙමින් තිබේ. චිත්රපට රාජස්ථාන්, ගුජරාට් සහ මධ්ය ප්රදේශ් යන ප්රාන්තවල තිරගත නොවන බව ද එම ප්රාන්තවල ඇමැතිවරු පවසති.
චිත්රපටයේ ප්රධාන චරිතය වන ‘පද්මාවතී’ ලෙස රංගනයෙන් දායක වන දීපිකාට පමණක් නොව චිත්රපටයේ අධ්යක්ෂකවරයා සන්ජේ ලීලා බන්සාලිට ද විරෝධතා එල්ල විය. විරෝධතා අතරවාරයේදී දීපිකා පදුකෝන්ගේ හිස ගසා දමන අයකුට පවුම් මිලියනයක ( ඉන්දීය රුපියල් කෝටි 100 ක්) තෑග්ගක් දෙනවා යැයි ඉන්දීය පාලක පක්ෂය වන භාරතීය ජනතා පක්ෂයේ ඇතැම් හින්දු ජාතිකවාදී නායකයෝ කීහ.
055
මැණික් ව්යාපාරිකයින්ට වටිනා මැණික් ලබා දෙන බවට පවසමින් රුපියල් කෝටි පනහකට අධික මුදලක් වංචා කළේ යැයි කියන සැකකරුවෙකු ලබන 07 දින දක්වා රක්ෂිත බන්ධනාගා
රුපියල් ලක්ෂ 27 ක් වටිනා මත්කරල් 27,000 ක් ජාවාරම් කිරීම සදහා ත්රිරෝද රථයකින් ප්රවාහනය කරමින් සිටි ‘බම්පින් කුමාර‘ නැමැති මත්ද්රව්ය ජාවාරම්කරුවක් අද (
රහසිගතව ඇමෙරිකාව ලබා දුන් දිගු දුර බැලස්ටික් මිසයිල ප්රථම වතාවට යුක්රේනය ක්රිමියාවේ රුසියානු ඉලක්ක වෙත පහරදීමට භාවිත කර ඇතැයි ඇමෙරිකානු බලධාරීහු
පලස්තීන ගැටලුවට සාධාරණ හා පුළුල් සාකච්ඡා සහිත දේශපාලන විසඳුමක් වෙනුවෙන් සහය දැක්වීමට ශ්රී ලංකාව අඛණ්ඩව කැපවී සිටින බව ජනාධිපති රනිල් වික්රමසිංහ ම
දුම්රිය සාමාන්යාධිකාරිවරයා ලෙස කටයුතු කළ එච්. එම්. කේ. ඩබ්.බණ්ඩාර මහතාගේ හදිසි අභාවය හේතුවෙන් පුරප්පාඩු වූ දුම්රිය සාමාන්යාධිකාරි තනතුරට සුදුසු නි
කොළඹ - කටුනායක අධිවේගී මාර්ගයේ ජා-ඇළ පිවිසුමේ දී අද දින සවස 3.00ට පමණ මෝටර් රථයක් පෙරලි ගියේය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පද්මාවත් ලබන සතියේ සිට තිරගතවේ
Ruwan Tuesday, 16 January 2018 04:49 PM
එච්චරයි අඩු
සපුමල් බණ්ඩාර Tuesday, 16 January 2018 07:09 PM
පද්මාවතී ලංකාවේ ඉපිද ඉදියාවේ රජ කෙනෙක් විසින් විවාහ කර ගත් රැජිනක් බව පුරාවෘත වල කියැවේ.
Vajira Wednesday, 17 January 2018 06:42 AM
දැක්කොත් පත්මාවතී ආලේ නොකරා බැරී. සිංහල කාන්තවන්ගේ රුපශ්රිය ලොවපුරා පැතිරී තිබූ බවට උදාහරණයක්.
Nissanka Wednesday, 17 January 2018 07:31 AM
ඒ වගේම ලංකාවේ ස්ත්රීන්ගේ චපලකමටත් හොඳ උදාහරණයක් තමයි.