(එෆ්.අස්ලම්)

යුද අපරාධ හා මානව හිමිකම් කඩවීම් සම්බන්ධයෙන් ජාත්‍යන්තර අපරාධ අධිකරණයක් මෙරට තුළ ස්ථාපිත කිරීම ඇතුළු ඉල්ලීම් තුනක් ඇතුළත් කරමින් උතුරේ දෙමළ දේශපාලන පක්ෂ හයක් එක්ව සකස් කළ පෙත්සමක් ජිනීවා මානව හිමිකම් කොමසාරිස්වරිය වෙත අද (20) වැනිදා බාර දී තිබේ.

ජාත්‍යන්තර අපරාධ අධිකරණයක් මෙරට තුළ ස්ථාපිත කිරීම,ජාත්‍යන්රත විනිශ්ව මණ්ඩලයක් ඉදිරියේ යුද අපරාධ යාන්ත්‍රණය සිදුකිරීම,ශ්‍රීලංකාව සම්බන්ධයෙන් සම්මත කරගත් 30/1 සහ 34/1 යෝජනාවන් මුළුමනින්ම ක්‍රියාත්මක කිරීම අධීක්ෂණයක් කිරීම සදහා එක්සත් ජාතීන්ගේ මානව හිමිකම් කොමසාරිස්වරියගේ නිත්‍ය නියෝජිතයෙකු පත්කිරීම සහ එම නියෝජිතයා විසින් සය මසකට වරක් ඒ සම්බන්ධයෙන් වාර්තාවක් ඉදිරිපත් කරවීම යන  ඉල්ලීම් මෙහි ඇතුළත් කර ඇත.

දෙමළ ජාතික සන්ධානය නියෝජනය කරන ටෙලෝ සංවිධානය,ප්ලොට් සංවිධානය,තමිල් මක්කල් කූට්ටනි,,දෙමළ ජාතික ජනතා පෙරමුණ,ඊ.පී.ආර්.එල්.එෆ්,තමිල් මක්කල් කූට්ටනි  යන පක්ෂ සිය එකගත්වය මේ සදහා පලකර ඇති අතර ඉලංගයි තමිල් අරසු කච්චි පක්ෂයේ නායක මාවෙයි සේනාධිරාජා ප්‍රමුඛ නියෝජිතයින් පිරිසක්ද මීට සහාය පලකර තිබුණි.