(එෆ්.අස්ලම්)
දෙමළ ජනතාවගේ ජාතික ගැටළුවට පිළිගත හැකි විසදුමක් නව ආණ්ඩුක්රම ව්යවස්ථා කෙටුම්පතෙන් යෝජනා කර නොමැති බවත් මේ හේතුවෙන් එම ව්යවස්ථා කෙටුම්පත ප්රතික්ෂේප කරන බවත් දෙමළ ජාතික සන්ධානය නියෝජනය කරන ටෙලෝ සංවිධානය අවධාරණය කර සිටීයි.
උතුරු නැගෙනහිර පළාත්වල පූර්ණ ස්වයං අයිතිය තහවුරු කරන ෆෙඩරල් විසදුමක් ගෙන ඒම සිය ස්ථාවරය බවත් නව ව්යවස්ථා කෙටුම්පත තුළින් ඒකීය රාජ්ය ක්රමය වෙනස් වි නැති බවත් ඒකීය රාජ්ය ක්රමය කිසිවිටක පිළිගත නොහැකි බවත් මෙම සංවිධානය පෙන්වා දෙයි.
ටෙලෝ සංවිධානයේ මධ්යම කාරක සභාව රැස්ව මෙම තිරණය ගෙන ඇති අතර මෙකී තීරණය පිළිබද වැඩිදුර සදහන් කිරීමක් කරමින් නිවේදනයක්ද නිකුත් කළහ.
එම නිවේදනයේ මෙසේද සඳහන්ය.
දශක ගණනාවක් පුරා ඇදීගෙන ආ ජාතික ප්රශ්නය නිසා යුද්ධයක් රටතුළ නිර්මාණය වුනා.එහි ප්රතිඵල වශයෙන් ශ්රීලංකා හමුදාවේ සහ කොටි සංවිධානයේ ඇතුළු ලක්ෂ සංඛ්යාත පිරිසක් මරණයට පත්වුනා.ශ්රීලංකාවේ ජාතික ගැටළුවට සාධාරණව පොළවේ පය ගසා සිටිය හැකි ප්රජාතන්ත්රවාදී ක්රමවේදයන්ට අනුකූල දේශපාලන විසඳුමක් ගෙන ඒමට හැකියාව පවතින බව විශ්වාස කරන්නෙමු.
දෙමළ ජනතාවගේ දුක්පීඩාවන් හා ඔවුනට වූ අසාධාරණයන්ට විසදුම් හිමිවෙන උතුරු නැගෙනහිර පළත්වෙල ස්වයං අයිතිය තහවුරු කරන ඒකීය රාජ්ය ක්රමය වෙනුවට ෆෙඩරල් පාලන ක්රමයක් මෙම ගැටළුවට විසදුම් වශයෙන් හිමිවිය යුතුයි කියන ස්ථාවරයෙන් තම පක්ෂය ඇතුළු දෙමළ ජාතික සන්ධානය ජනතාවගේ ඡන්දය හිමිකරගත්තා.අප ජනතාවට අප ලබාදුන් පොරොන්දුව කිසිවිටක ඉවත් කරගන්න බැහැ.
ව්යවස්ථා මෙහෙයුම් කමිටුව විසින් සකස් කර ඇති යෝජිත නව ආණ්ඩුක්රම ව්යවස්ථා කෙටුම්පත අවධානයෙන් පරිශීලනය කිරීමේදී එය ප්රතික්ෂේප කිරීම හැර අන් විකල්පයක් නැහැ කියන එක අපි පැහැදිලිවම ප්රකාශ කරනවා.මේ ව්යවස්ථා කෙටුම්පතට අනුව ඒකීය පාලන ක්රමය අඛණ්ඩව පවත්වාගෙන යාමට යෝජනා වී තිබෙනවා.එමෙන්ම බෞද්ධාගමට වත්මන් ආණ්ඩුක්රම ව්යවස්ථාවෙන් පවතින ප්රමුඛස්ථානය නව ව්යවස්ථාව තුළින්ද යෝජනා කර තිබෙනවා.ශ්රීලංකාවේ සෙසු ආගම් අනාථ ආගම් විදිහට ඇද දමා තිබෙනවා.
ඒ වගේම බලය බෙදීමේ කාරණයේදී බලතල පූර්ණ වශයෙන් වැඩිකිරීම වෙනුවට පළාත් සභා සදහා බලතල සීමා කරල තියෙනවා.13 වන ව්යවස්ථා සංශෝධනයේ බලතල බෙදිමෙන් ඔබ්බට කිසිදු ප්රගතියක් දකින්නෙ නැහැ.ඒ වගේම රජයේ ඉඩම්වල සිංහල නව ජනාවාස පිහිටුවීමත් ඊට පාදක වී තිබෙන මහවැලි සංවර්ධන ව්යාපෘතීන් ඇතුළු රජයේ ව්යාපෘතීන් වල අඛණ්ඩව ක්රියාත්මක වනු ඇතැයි සදහන්ව තිබෙනවා.දෙමළ ජනතාවගේ මාතෘ භූමිය සිංහල ජනතාව වැඩි කරන්න යන බව ඉන් පැහැදිලි වෙනවා.
මේ ව්යවස්ථා කෙටුම්පතෙන් යෝජිත නව ව්යවස්ථාව තුළින් දෙමළ ජනතාවගේ දේශපාලන අභිලාෂයන් ප්රතික්ෂේප කරල සිංහල බෞද්ධ මහාජාතිය දේශපාලන වශයෙන් බලවත් කර තිබෙනවා.මෙය නොපැවසුවොත් අප විසින් අප ජනතාවට කරන ද්රෝහී ක්රියාවක් වෙනවා.දෙමළ ජනතාවගේ විමුක්තිය උදෙසා ආයුධ සන්නද්ධව අරගල කරල ඉන්දු ලංකා ගිවිසුමෙන් පසු ප්රජාතන්ත්රවාදී අරගලයක නිරත වූ අප පක්ෂය දෙමළ ජනතාවගේ බලාපොරොත්තු ඉටුවන ආකාරයේ සාධාරණ දේශපාලන විසදුමකට බලකර සිටිනවා.
බෙල්ජියම් ජාතිකයකුට රුපියල් 800 ක මුදලකට උළුඳු වඩේ එකක් සහ ප්ලේන්ටියක් අලෙවි කළ බව කියන සංචාරක මග පෙන්වන්නකු අත්අඩංගුවට ගත් බව සංචාරක පොලිසියේ නිලධාරි
විදුලි බල මණ්ඩලයේ ඉංජිනේරුවකු අමානුෂික ලෙස ඝාතනය කර ශරීරය කොටස්වලට කපා සඟවා තැබීම සම්බන්ධයෙන් මහාධිකරණ මරණ දඩුවම නියමව වසර 35 ක් සැගව සිටි චූදිතයකු පූ
ශ්රී ලංකා නිදහස් පක්ෂයේ හිටපු නායකයා ඉවත් කර මේ කොහේවත් ඉන්න නිදිකුම්බා නායකයකු පක්ෂයේ නායකයා කරගෙන පක්ෂය රනිල් වික්රමසිංහ මහතාගේ ඔඩොක්කුවේ තැබීම
කාසල්රි ජලාශයේ දිය නෑමට ගොස් පාසල් සිසුවකු අතුරුදහන් වි ඇති බව නෝටන්බ්රිජ් පොලිසිය පැවසිය.
මත්ද්රව්ය ළඟ තබාගෙන ජාවාරම් කිරීමේ සිද්ධියක් සම්බන්ධයෙන් රැඳවුම් නියෝග මත රඳවාගෙන සිටින සැකකරුවකුට ඩුබායි සිටින මත්ද්රව්ය ජාවාරම් කරුවකු දුරක
හික්කඩුව -බද්දෙගම මාර්ගයේ ගෝනපිනුවල ප්රදේශයේදී යතුරු පැදියක් ලොරියක ගැටීමෙන් තුවාල ලබා කරාපිටිය ශික්ෂණ රෝහලේ දැඩි සත්කාර ඒකකයේ ප්රතිකාර ලබමින් ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නව ආණ්ඩුක්රම ව්යවස්ථා කෙටුම්පත ප්රතික්ෂේප කරන බව ටෙලෝ සංවිධානය කියයි
nihal Monday, 21 January 2019 09:04 AM
ඔය ව්යවස්ථා හදන ඔස්තර්ලට බැරිද ඔකේ නිර්භීතව සදහන්කරන්න සෑම ශ්රී ලාංකිකයෙකුටම ශ්රී ලංකාව තුල ඉඩමක් මිල දීගෙන අයිතිය තහවුරු කිරීමට පුළුවන් කියල මේ අයගේ කටවල් වහන්න