( තිළිණි ද සිල්වා )
හිටපු ආරක්ෂක ලේකම් ගෝඨාභය රාජපක්ෂ මහතා විසින් ගොනු ඇති ප්රතිශෝධන පෙත්සමේ තීන්දුව ප්රකාශයට පත්කිරීම ලබන අගෝස්තු 30 වැනිදා තෙක් කල් තැබීමට අභියාචනාධිකරණය අද (26) තීන්දු කළේය.
ගාලූවරායේ නවතා තිබූ පාවෙන අවි ගබඩාවක් පවත්වාගෙන යෑමට ඇවන්ගාඩ් සමාගමට අවසර ලබාදීම මඟින් ශ්රී ලංකා රජයට රුපියල් බිලියන 11.4 පාඩුවක් සිදුකරන ලදැයි චෝදනා කරමින් අල්ලස් කොමිසම මඟින් තමන්ට එරෙහිව කොළඹ මහේස්ත්රාත් අධිකරණයේ පවරා ඇති නඩුව විභාගයට ගැනීම වළකාලන අතුරු නියෝගයක් නිකුත් කරන ලෙස ඉල්ලා ප්රතිශෝධන පෙත්සම ගොනුකර ඇත.
මෙම පෙත්සම අචල වෙංගප්පුලි සහ අර්ජුන ඔබේසේකර යන මහත්වරුන්ගෙන් යුතු අභියාචනාධිකරණ විනිසුරු මඩුල්ලක් හමුවේ අද (26) කැඳවූ අතර පෙත්සම් විභාගය අවසන් කරමින් තීන්දුව ප්රකාශයට පත් කිරීම මෙදිනට කල් තැබීමට අධිකරණය තීන්දු කළේය.
එතෙක් මෙම සිද්ධිය පිළිබඳ මහේස්ත්රාත් අධිකරණයේ විභාගයට ගැනීම වළකාලමින් දැනට නිකුත් කර ඇති අතුරු නියෝගය ද ලබන අගෝස්තු 30 දක්වා දීර්ඝ කිරීමටද අභියාචනාධිකරණය නියෝග කෙරිණි.
හිටපු ආරක්ෂක ලේකම් ගෝඨාභය රාජපක්ෂ මහතා විසින් ගොනුකර ඇති පෙත්සමේ වගඋත්තරකරුවන් ලෙස අල්ලස් හෝ දූෂණ වංචා විමර්ශන කොමිසමේ අධ්යක්ෂ ජනරාල් ඇතුළු පිරිසක් නම් කරනු ලැබ ඇත.
නීතීඥ සනත් විජේවර්ධන මහතා විසින් ගොනු කර ඇති පෙත්සමේ මෙසේද සඳහන් වේ.
පසුගිය රජය සමයේ ගාලූ වරායේ ඇවන්ට්ගාඩ් මැරිටයිම් සමාගමට පාවෙන අවි ගබඩාවක් පවත්වාගෙන යාමට අනුමැතිය දීම තුළින් රජයට රුපියල් බිලියන 11.4 ක පාඩුවක් සිදු කළ බවට චෝදනා කරමින් අල්ලස් කොමිසම තමා ඇතුළු විත්තිකරුවන් 8 දෙනෙකුට එරෙහිව කොළඹ මහේස්ත්රාත් අධිකරණය හමුවේ නඩුවක් පවරා ඇති බවයි.
එම නඩුව ගොනුකර ඇති ආකාරය අල්ලස් පනතට පටහැනි බව සඳහන් කරන පෙත්සම්කාර හිටපු ආරක්ෂක ලේකම් ගෝඨාභය රාජපක්ෂ මහතා සිය පෙත්සමින් කියා සිටින්නේ එම නඩුව පවරා ඇති ආකාරය නීතිවිරෝධී බවට මූලික විරෝධතාවක් මතු කළත් එය ප්රතික්ෂේප කිරීමට මහේස්ත්රාත් අධිකරණය තීන්දු කළ බව ද කියා සිටියේය.
කොළඹ ප්රධාන මහේස්ත්රාත්වරයාගේ තීරණයට එරෙහිව කොළඹ මහාධිකරණය වෙත තමා ප්රතිශෝධන පෙත්සමක් ඉදිරිපත් කළත් එය ද විභාගයට නොගෙන ප්රතික්ෂේප කිරීමට කොළඹ මහාධිකරණය තීන්දු කළ බව පෙත්සම්කරු කියා සිටී.
මේ හේතුවෙන් කොළඹ මහේස්ත්රාත් අධිකරණයේ සහ කොළඹ මහාධිකරණයේ තීන්දු නීතිවිරෝධී බවට ප්රකාශ කර ඇවන්ට්ගාඩ් නඩුවෙන් තමන් ඇතුළු විත්තිකරුවන් නිදොස් කොට නිදහස් කිරීමේ නියෝගයක් නිකුත් කරන මෙන් ද ගෝඨාභය රාජපක්ෂ මහතා අභියාචනාධිකරණයෙන් ඉල්ලා තිබේ.
වගඋත්තරකරුවන්ට නොතීසි නිකුත් කරන ලෙසද අදාළ නඩු විභාගය මෙම පෙත්සම් විභාගයට ගෙන අවසන් වනතුරු නවතාලන අතුරු නියෝගයක් නිකුත් කරන ලෙසද , මූලික විරෝධතාවය ප්රතික්ෂේප කිරීම ගත් තීරණය අහෝසි කර එය පිළිගැනීමට නියෝග කරන රිට් ආඥාවක් නිකුත් කරන ලෙස ද පෙත්සම්කරු ඉල්ලා ඇත.
ජනාධිපති රනිල් වික්රමසිංහ මහතා ඉදිරි ජනපතිවරණයට තරඟ කරන බවට නිල වශයෙන් ප්රකාශයට පත් කිරීමෙන් පසු පොදු ජන පෙරමුණේ ජනාධිපති ධුර අපේක්ෂකයා සම්බන්ධයෙ
දකුණේ ප්රබල දේශපාලනඥයකු තරග විභාගයකින් තොරව කොරියා රැකියා දෙන බව පවසා තරුණයන් 500කගෙන් රුපියල් කෝටි දෙක හමාරකට ආසන්න මුදලක් ලබාගෙන ඇතත් තවමත් රැකියා
පාර්ලිමේන්තු සභා ගර්භයේ සඟවා තිබී පාස්කු දා ප්රහාරය සම්බන්ධ විරෝධතා පාඨ සහිත පුවරු හතක් පොලිස් විශේෂ කාර්ය බළකා නිලධාරින් පිරිසක් විසින් අද (24) පෙරවර
දුම්රිය සංචාරක බංගලාවක නවාතැන්ගෙන සිටියදී හදිසියේ ජීවිතක්ෂයට පත්වූ දුම්රිය සාමාන්යාධිකාරි වික්රමසිංහ බණ්ඩාර (58) මහතාගේ මරණයට අදාළ පශ්චාත් මරණ පර
පාපැදියකින් ගමන් ගත් දහතුන් හැවිරිදි බාල වයස්කාර දරුවකුගේ හිසට පහර දුන් බව කියන යටවත්ත පොලිසියේ උප පොලිස් පරීක්ෂකවරයකුට එරෙහිව එම දරුවාගේ මව පැමිණි
ලංකාව සමග මනා හවුල්කාරිත්වයකින් ඉදිරියට යාමට ඉරානය සූදානම් බව ඉරාන ජනාධිපති ආචාර්ය ඊබ්රහිම් රයිසි මහතා පැවසීය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගෝඨාගේ ප්රතිශෝධන පෙත්සමේ තීන්දුව අගෝ. 30 දාට කල්යයි
Jaya Friday, 26 July 2019 01:50 PM
බැලු බැල්මට මේවා සියල්ල දේශපාලන නඩු. වංචා හා දුෂණ නඩු වේ. තමන්ගේ විරුද්දවාදියෙක් නම් ඕනෑතරම් නඩු දානවා. හිතවාදියෙක් නම් නඩු අහනවා කෙසේ වෙතත් ඇමති පට්ටමකුත් දෙනවා. මේ නඩුවලට කිසිම සමාජ වටිනාකමක් නැත්තෙ මේ නිසයි.
lionSaturday, 27 July 2019 12:36 AM
ජය මොනවද ඔය ඔයා කියන කතා. බොරු නඩුවක්ද? ඇත්ත නඩුවක්ද? කියලා පෙන්නන්න ඔච්චර බය මොකද? ආණ්ඩුවේ සල්ලිවලින් දෙමව්පියන්ගේ සොහොන් හදන්න පුලුවන්ද? කෝටි ගණන් මේවට වියදම් කරලා තියෙන බව පැහැදිලිව පේන්න තියෙනවා. ජනාධිපතිට ඉල්ලන කෙනෙක්ට මේවගේ වැඩ කරන්න පුලුවන්ද? අර ෆොන්සේකා මහත්තයා වගේ නඩුවලට පෙනී සිටලා තමන් නිර්දෝෂයි කියලා පෙන්නන්න ඕනේ. නඩු කල්දාන්න දාන්න මිනිස්සුන්ගේ විශ්වාසය නැති වෙනවා.
Chanak los angeles Saturday, 27 July 2019 06:14 AM
අපි අහන්නේ මේ කෞතුකාගාර චෝදනාවට ඉදිරිපත් වී තමා වරදක් කරනැතිනම් ඒ බව ඔප්පුකර නිර්දෝෂී භාවය රටට පෙන්වීමද කළ යුත්තේ එහෙම නැතිව මේ නඩුව අහන්න බලයක් නොමැත කියා අධිකරණ නියෝගයක් ලබාගෙන මම නිර්දෝෂී කියා රටට පෙන්වීමද කළ යුත්තේ කියලයි. හැබැයි නිර්දෝෂී බව ඔප්පු නොකර අධිකරණ නියෝග ගන්න වෙරදරන මොහුට අබසරණම තමයි...
lion Saturday, 27 July 2019 10:05 AM
මෙරට විනාශකර ඇති අවුරුදු 70ක් නිදහස ලැබිලා. ඔය පක්ෂවල හිටපු දේශපාලකයන් ඔක්කොම පොහොසත් වුණා. රටේ මිනිස්සු දුප්පතුන් වුණා. ඔන්න ඕකයි ඇත්ත.