( පුෂ්පකුමාර ජයරත්න )

කොවිඩි අවදානම් තත්ත්වය හමුවේ මේවනවිට වසා දමා ඇති කුරුණෑගල දිස්ත්‍රික්කයේ සියළුම පාසල් සෞඛ්‍ය අමාත්‍යාංශයේ කොවිඩ් ව්‍යාප්තිය මැඩ පැවැත්වීමේ නිර් දේශ වලට යටත්ව ලබන සඳුදා (30) සිට නැවත විවෘත කරන බව වයඹ පළාත් ආණ්ඩුකාර රාජා කොල්ලුරේ මහතා නිවේදනයක් නිකුත් කරමින් සඳහන් කරයි.
 
වයඹ පළාතේ සෞඛ්‍ය සහ අධ්‍යාපන බලධාරීන් සම අද දිනයේ පවත්වන ලද සාකච්ඡාවකින් අනතුරුව මෙම තීරණය ගෙන ඇත.  
 
දිවයිනේ තෙවැන පාසල් වාරය පසුගිය සතියේ ඇරැඹුණ ද කුරුණෑගල දිස්ත්‍රික්කයේ ඇතැම් ප්‍රදේශ වල පවතින කොවිඩ් වසංගත අවදානම සැළකිල්ලට ගෙන එම ප්‍රදේශවල පාසල් යම් සංඛ්‍යාවක් පමණක් ආරම්භ නොකිරීමට වයඹ පළාත් ආණ්ඩුකාරවරයා තීරණය කළේය.