(දයාරත්න ඇඹෝගම)
‘ළඟම පාසල - හොඳම පාසල’ වැඩසටහන යටතේ උතුරු මැද පළාතේ මහා විද්යාලයක සහ එහි ප්රාථමික විද්යාලයේ පාසල් ගොඩනැගිලි සංවර්ධන කටයුතු වෙනුවෙන් රුපියල් 14,300,000 ක මුදලක් උතුරු මැද අධ්යාපන බලධාරීන් සහ කොන්ත්රාත්කරු එක්ව වංචා කර ඇතැයි ලංකා ගුරු සංගමය චෝදනා කරයි.
විදුහලේ මෙම ඉදිකිරීම් සඳහා උතුරු මැද ප්රධාන අමාත්යංශයේ ලේකම්වරයා හා රජකුමරි නැමති පෞද්ගලික කොන්ත්රාත් ආයතනයක් සමග 2017 මාර්තු මස 13 වැනි දින ගිවිසුමකට එළඹ තිබුණි.
ඒ අනුව එම ඉදිකිරීම් කටයුතු සඳහා අදාල කොන්ත්රාත් ආයතනයට රුපියල් 14,300,935ක මුදලක් ගෙවා තිබුණි. එහෙත් මේවන තුරුත් මෙම ඉදිකිරීම් කිසිවක් ඉටුකර නැති බවත් ගෙවන ලද අත්තිකාරම් මුදලටද සිදුවු දෙයක් මෙතෙක් අනාවරණය වී නැතැයිද ලංකා ගුරු සංගමය තවදුරටත් චෝදනා කරයි.
මේ සම්බන්ධයෙන් අද (22) අනුරාධපුර පැවති මාධ්ය හමුවකදී ලංකා ගුරු සංගමයේ සභාපති ප්රියන්ත ප්රනාන්දු මහතා වැඩිදුරටත් මෙසේද පැවසීය.
“පහුගිය කාලයේ මෙම මහනාම මහා විදුහලේ ළඟම පාසල - හොඳම පාසල යන ව්යාපෘතිය යටතේ කල ඉදිකිරීම්වලදී රුපියල් 50,000,000 ආසන්න මුදලක් වංචාකර තිබුණා.
ඊට අමතරව තමයි මෙම විදුහලේ තෙමහල් පන්ති කාමර ගොඩනැගිල්ල හා ප්රාථමික විදුහලේ දෙමහල් ප්රථමික ඉගෙනුම් සම්පත් මධ්යස්ථානය ඉදිකිරීමේදි රුපියල් එක් කෝටි හතලිස් තුන්ලක්ෂයක මුදලක් මෙලෙස වංචාකර ඇත්තේ.
මෙම ගොඩනැගිලි ඉදිකිරීමට ලබාදුන් මුදලින් විදුහලේ තෙමහල් පන්ති කාමර ගොඩනැගිල්ල ඉදිකිරීමට මුල්ගලක් තබා තිබෙනවා. ප්රාථමික විදුහලේ තෙමහල් ගොඩනැගිල්ලට අඩුම ගානේ මුල්ගලවත් තබා නැහැ. දැන් අවුරුදු දෙකකුත් ගත වෙලා. ගෙවපු මුදලට වෙච්ච දෙයක් නැහැ.
මේ සම්බන්ධයෙන් විගණකාධිපතිවරයා කළ විගණනයෙන් පසුව මෙම මුදල පළාත් අධ්යාපන දෙපාර්තමේන්තුවේ වගකිව යුත්තන්ගෙන් අයකර ගන්න කියලා දැනුම් දී තිබෙනවා. එහෙත් කිසිම ක්රියාමාර්ගයක් අරන් නැහැ.
මුදල් වංචා කළ පුද්ගලයන් තවමත් නිදැල්ලේ. මේ සඳහා වගකිව යුතු පුද්ගලයන් පිළිබඳව විගණකාධිපතිවරයා පැහැදිලිව ඔහුගේ වාර්තාවේ සඳහන් කර තිබෙනවා. මේ පුද්ගලයන් වහාම අත්අඩංගුවට ගෙන නීතිමය කටයුතු කරන ලෙස අපි වගකිව යුත්තන්ගෙන් දැඩිව ඉල්ලා සිටිනවා. එසේ නොකළහොත් පොදු දේපල වංචා කිරීම සම්බන්ධයෙන් තම සංගමය ඔවුනට විරුද්ධව අධිකරණයට පැමිණිලි කිරීමට කටයුතු කරන බවද ලංකා ගුරු සංගමයේ සභාපතිවරයා මෙහිදී පැවසීය.
උතුරු මැද පළාත් ආණ්ඩුකාර සරත් ඒකනායක මහතාගෙන් මේ සම්බන්ධයෙන් විමසූ අවස්ථාවේදි ආණ්ඩුකාරවරයා මෙසේ පැවසීය.
‘ළඟම පාසල - හොඳම පාසල’ ව්යාපෘතිය යටතේ පාසල් ඉදිකිරීමේදී ගැටලු කිහිපයක් ඇතිවුණා. සමහර පාසල්වල ඉදිකිරීම්වලදී නියමිත මුදල් නොලැබීම නිසා එම ඉදිකිරීම් අතරමග නතරකිරීමට සිදුවුණා. යෝජනා කර තිබු තවත් ඉදිකිරීම් කිහිපයක් නවතා දමන ලෙසටත් අධ්යාපන අමාත්යාංශයෙන් උපදෙස් ලැබුණා. කෙසේ වෙතත් මෙම විදුහලේ ඉදිකිරීම් සම්බන්ධයෙන් සොයා බැලීමට පියවර ගන්නවා” ආණ්ඩුකාරවරයා පැවසීය.
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්යාලයේ දකුණු ආසියානු අධ්යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ශ්රී ලංකා නිදහස් පක්ෂයේ නව වැඩ බලන මහලේකම්වරයා ලෙසහිටපු ජාතික සංවිධායක පාර්ලිමේන්තු මන්ත්රී දුමින්ද දිසානායක මහතා පත්කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
උතුරු මැද පාසල් දෙකක සංවර්ධනයට දුන් ලක්ෂ 140 ක් වංචා කරලා
himal Sunday, 22 September 2019 07:00 PM
අත්තිකාරමක් දෙන්නේ අත්තිකාරම් ඇපකරයක් මත. ඒ අත්තිකාරම් ඇපකරය මුදල් බවට පත් කර ගත හැකියි.
vipula Monday, 23 September 2019 04:52 AM
රටේ අධ්යාපනයට දෙන මුදල් වලට මේවගේ දේවල් කරන්නේ ඇයි.?