ඉන්දුනීසියාවේ වෛද්යවරුන් 24 දෙනකු කොරෝනා රෝගය වැළඳීම හේතුවෙන් මේ වනවිට මියගොස් තිබේ.
පසුගිය සතියේ සිට වෛද්යවරුන්ගේ මරණ සංඛ්යාව දෙගුණයකින් වැඩිවී ඇතැයි එරට වෛද්ය සංගමය පවසයි.
වෛද්යවරුන් සඳහා අවශ්ය ආරක්ෂක උපකරණ හිඟය හේතුවෙන් බොහොමයක් දෙනා ආසාදනයට ලක්වන බවට විවේචන එල්ල වී ඇත.
පසුගිය පැය 24 තුළ ඉන්දුනීසියාවෙන් කොරෝනා වයිරස රෝගින් 218ක් වාර්තා වී ඇති අතර ඒ අනුව එරටින් වාර්තා වන මුළු ආසාදිතයන් සංඛ්යාව 2 491ක් දක්වා ඉහල ගොස් තිබේ.
කොරෝනා ආසාදිත මරණ 209ක් සිදුවී ඇත.
චීනයෙන් පිටත වැඩිම මරණ සංඛ්යාවක් වාර්තා වි ඇත්තේ ද ඉන්දුනීසියාවේය.
"වෛද්යරුන් මියයෑමේ ප්රවණතාවය ඉහලට ගමන් කරයි. වෛද්ය සේවකයන් ආසාදනය වීම අවදානම සෑම විටම පවතී. නමුත් කෙසේ හෝ වෛද්ය සේවකයින් ආරක්ෂා කරගත යුතුය." යැයි වෛද්යවරුන්ගේ සංගමයේ ප්රකාශකයෙකු වන හලික් මලික් පැවසීය.
ඇමිනෙස්ටි ඉන්ටර්නැෂනල් ආයතනය ඇතුලු අයිතිවාසිකම් කණ්ඩායම් ගනනාවක්, ඉන්දුනීසියාවේ සෞඛ්ය සේවකයින්ගේ මරණ සංඛ්යාව ඉහල යෑම සම්බන්දව කණස්සල්ල පලකර තිබේ.
“වෛද්ය සේවකයින්ගේ මරණ හුදෙක් සංඛ්යාවක් පමණක් නොව මෙවන් හදිසි අවස්ථාවකදී රටේ සෞඛ්ය සේවය සම්බන්දව අනතුරු ඇඟවීමක් ද වේ” යැයි අයිතිවාසිකම් කණ්ඩායම්වල සන්ධානයක් ප්රකාශයක් නිකුත් කරමින් කියා සිටියේය.
ලොව හතරවෙනියට වැඩිම ජනගහනය සහිත රට වන ඉන්දුනීසියාවේ නිල දත්ත වලට වඩා රෝග ව්යාප්තිය විශාල බව ද සඳහන් වේ.
ඉන්දුනීසියාවේම බුද්ධි තොරතුරු අංශ පසුගිය සතියේ හෙළි කළේ, කොරෝනා වෛරස රෝගීන් ඉදිරි මාස තුන තුළ ඉහළ යනු ඇතැයි අපේක්ෂා කරන බවයි.
ජූලි මාසය වන විට රෝගීන් 100,000 ඉක්මවා යෑමට ඉඩ ඇති බවත් ඔවුහු පවසති..
ජනාධිපති ජෝකෝ විඩෝඩෝ සඳුදා කැබිනට් රැස්වීමකදී කියා සිටියේ ඉන්දුනීසියාව පුරා පුද්ගලික ආරක්ෂක උපකරණ (පීපීඊ) බෙදා හැර ඇති බවයි.
එහෙත් එම උපකරණ රෝහල්වලට ලැබී ඇත්ද යන්න ප්රාදේශීය නිලධාරීන් විසින් නිරීක්ෂණය කළ යුතු බව ද ඔහු පැවසීය..
ඉන්දුනීසියානු සෞඛ්ය සේවකයින් වරින් වර ආරක්ෂිත ආම්පන්න හිඟයකට මුහුණ දී ඇති අතර සමහර වෛද්යවරුන්ට වැහි කබා ඇඳීමටත්, වෛරසයෙන් ආරක්ෂා වීමට තමන්ගේම මුහුණු ආවරණ ගෙන ඒමටත් බල කෙරී ඇත.
රෝහල් ඇඳන්, වෛද්ය කාර්ය මණ්ඩලය සහ දැඩි සත්කාර පහසුකම්වල හිඟයක් ද රටපුරා පවතී.
නැගෙනහිර පළාතේ මාලුකු සහ පැපුවා ඇතුළු අවම වශයෙන් ඉන්දුනීසියානු පළාත් 10 කට කොවිඩ්-19ට මුහුණ දීමට පහසුකම් නොමැති බව ඉන්දුනීසියාවේ කොරෝනා කාර්ය සාධක බලකායේ ප්රධානී ඩොනි මොනාඩෝ පාර්ලිමේන්තුවට පැවසීය.
ඉන්දුනීසියාවේ සුමත්රා නගරයට ඔබ්බෙන් පිහිටි වියට්නාම් යුධ සමයේ සරණාගත කඳවුරක් ලෙස පැවති ජනාවාස නොවූ දූපතක් සහ ක්රීඩා ගම්මානයක් කොරෝනා වෛරස ප්රතිකාර මධ්යස්ථාන බවට පරිවර්තනය කර තිබේ.
(බීබීසී ඇසුරිණි - 085)
ශ්රී ලංකාවෙි ප්රංශ තානාපති ඒ. ජෙආන් ෆ්රැන්කොයිස් මහතා සහ පාර්ලිමේන්තු මන්ත්රී හිටපු කතානායක චමල් රාජපක්ෂ මහතා අතර හමුවක් වීරකැටිය මැදමුලන නිවසේ
මහරගම නගර මධ්යයේ පිහිටා තිබූ බෝ ගසක අත්තක් අද රාත්රි 7 පමණ වර්ෂාවත් සමග ඇතිවූ සුළං තත්වය හමුවේ හදිසියේ කඩා වැටීමෙන් මාර්ගයේ ගමන් ගත් කාන්තාවක සහ පුද්
ඉකුත් මාස දෙකක කාලයේ ශ්රී ලංකාව රුපියල් මිලියන 983.7ක අපනයන ආදායමක් ලබා තිබෙන බව කුඩා හා මධ්ය පරිමාණ ව්යවසාය සංවර්ධන රාජ්ය අමාත්ය ප්රසන්න රණවීර මහ
අන්තර්ජාලය ඔස්සේ සිදු වන ළමා ලිංගික අපයෝජන සම්බන්ධයෙන් වාර්තා කිරීමේ නව මාර්ගගත ක්රමවේදයක් ජනාධිපති රනිල් වික්රමසිංහ මහතාගේ ප්රධානත්වයෙන් අද (28)
පාස්කු ප්රහාරය සම්බන්ධයෙන් තමන් දන්නා කරුණු ලබන 04 වැනිදා අධිකරණය හමුවේ පෙනී සිට ප්රකාශයක් කරන ලෙස හිටපු ජනාධිපති මෛත්රීපාල සිරිසේන මහතාට මාලිගාක
බාල බෙහෙත් ජාවාරම සම්බන්ධයෙන් රිමාන්ඩ් බාරයට පත්කර සිටින හිටපු සෞඛ්ය අමාත්ය කෙහෙළිය රඹුක්වැල්ල ඇතුළු වික්තිකරුවෝ ලබන 08 වැනිදා දක්වා තව දුරටත් රිම
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
ඉන්දුනීසියාවේ වෛද්යවරු 24ක් කොරෝනාවෙන් මිය යති
jayath Tuesday, 07 April 2020 09:32 AM
මම මේ ආණ්ඩුවට සුදු හුණු ගානවා නෙමේ. නමුත් මේක තමයි කටුක සත්යය මේ රටේ තත්වයත් ඔය ඊනියා දියුණුය කියලා අපි හිතාන හිටිය රටවල තියනවය කියන තත්වයත් මැදහත්ව හිතාගෙන බලන්න අපි ඉන්නේ කොහෙද කියලා මම කාලයක් කාණගාටු උනා. යන්න පුළුවන්කම තිබුන කාලේ මේ රට දමල නොගිය එක ගැන ඒ මේ සිස්ටම් එක කුණුවෙච්ච තරම දිහා බලලා. නමුත් දැන් මට එහෙම හිතපු එක ගැන හිතෙන්නේ කණගාටුවක්.
Anton Austria Tuesday, 07 April 2020 10:58 AM
අපි රට ඉන්නේ ඒත් අපේ මවුබිමට ආදරේ.... ඇත්ත ම කීවොත් ම ඉන්න නගරේ මිනිස්සු ලංකාවට බනිනවා.... එදා ඉදන්ම දැනුත් කරන දේවල්වලට සතුටක් නෑ. එකට හේතුව ඔවුන්ට යහපත් ජීවිතයක් හොඳ පවුල් රටාවක් ලංකාවේ තිබුනේ නැ... මන්ද ඔහුන් ලංකාවේදී ඉගෙන නොගත් නිසා එහෙත් මෙහෙ ඉගෙන නොගත් වුණත් පිරිසිදු කරලා හරි ලක්ෂ ගණන් හොයන නිසා ඔහුන් ඔක්කොම මෙහෙ ලබාගෙන ඉතින් දැන් ඔහු ලංකාවට වෛර කරනවා. ඒත් ඔහුන් වයසට ගියාම ලංකාවට යන්න ඉන්නේ කොතරම් ඔහුන්ගේ හිත් දුෂ්ටද මේ මන් අද්දැකපු කතා. හැමෝම නොවේ ගොඩක් දෙනෙක්ගේ ඇහෙන්නේ ඔය කතා...