(ප්‍රසාද් රුක්මල්)

ඇල්ල දොඩම්ගොල්ල උඩවැඩිය ප්‍රදේශයේ 82 හැවිරිදි නවදරු මව රැකබලා ගැනීමට නොහැකි හෙයින් අනාථ නිවාසයකට බාරදෙන ලෙස ඉල්ලා ඇගේ පුතකු විසින් ඔහුගේ මව ඇල්ල පොලිසියට ගෙනවිත් බාරදෙනු ලැබ ඇතැයි පොලිසිය කියයි.
ඇගේ සැමියා මීට වසර 30කට පෙරදී මියගොස් ඇති බවත් ඇය ගරා වැටුන නිවසක තනිව ජීවත් වී ඇතැයි ද පොලිසිය කියයි.

එසේ තනිව ජීවත් වන අතරේ ඇගේ දරුවන්ගේ නිවෙස්වලද විටින් විට වාසය කර ඇතැයි පොලිසිය පවසයි.මීට පෙරද ඇගේ දියණියක විසින් ඇයව රැකබලාගැනීමට නොහැකි බව කියමින් ඇය පොලිසියට ගෙනවිත් බාරදුන් බවද කියැවේ.

ඇය රෝගී තත්ත්වයෙන් සිටින බවද පොලිසිය කියයි.එම මවගේ දරුවන් සියලු දෙනා කැඳවා අධිකරණයට ඉදිරිපත් කර කරුණු වාර්තා කර සුදුසු ක්‍රියාමාර්ගයක් ගන්නා බව  ඇල්ල පොලිස් ස්ථානාධිපති පොලිස් පරීක්ෂඛ එල්.ඩී කරුණාරත්න මහතා පවසයි.