(බිඟුන් මේනක ගමගේ)

අසංක සායක්කාර අධ්‍යක්ෂණය කළ "මං කෙලින් මිනිහෙක්" වේදිකා නාට්‍ය ප්‍රදර්ශනය තාවකාලිකව අත්හිටුවීමට ප්‍රසිද්ධ රැඟුම් පාලක මණ්ඩලය කටයුතු කර ඇත.

නාට්‍ය සම්බන්ධයෙන් කෙරුණු පැමිණිල්ලක් මත ප්‍රසිද්ධ රැඟුම් පාලක මණ්ඩලය මෙම තීරණය ගෙන ඇත.

ඒ අනුව හෙට (18) බොරැල්ල පුංචි තියටර්හිදී හා අනිද්දා (19) දෙහිවල එස්. ද එස්. ජයසිංහ ශාලාවේ ප්‍රදර්ශනය කිරීමට නියමිතව පැවැති දර්ශන වාර අවලංගු කිරීමට සිදුව ඇතැයි නාට්‍ය අධ්‍යක්ෂ අසංක සායක්කාර මහතා පැවැසීය.

වාමාංශික දේශපාලඥයෙකු තම අනියම් පෙම්වතිය සමඟ කරන කතාබහක් මෙම වේදිකා නාට්‍ය ට වස්තු විෂය වී ඇත.