(විනීතා එම් ගමගේ)        

දේශපාලඥයිනගේ බල අරගලය හා අත්තනෝමතික ක‍්‍රියා නිසා රට වෙනුවෙන් පොදු අභිලාෂයකින් වැඩ කරන වෘත්තියවේදීන්, සිවිල් සමාජය ඇතුළු පිරිස් විශාල වශයෙන් දේශපාලන කඳවුරුවලට බෙදී ඇතැයි පැෆරල් සංවිධානය කියයි.

මේ තත්ත්වය සමාජයේ යහපැවැත්මට මෙන්ම ඉදිරි ගමනට බරපතල ලෙස බලපා ඇතැයි ද එම සංවිධානය කියයි. 

විශේෂයෙන් රටේ සංවර්ධනය අඩාල වීමට මේ තත්ත්වය හේතුවන බව පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා පැවසීය.

මේ නිසා ජනාධිපතිවරයා, කවරෙක් හෝ අගමැතිවරයා, ඇමැතිවරු, පක්ෂ නායකයින් ද වහා එක්ව පවතින ප‍්‍රශ්න විසඳා නොගතහොත් රට විශාල අගාධයකට යන බවත් ජාත්‍යන්තරය හමුවේ හෑල්ලූවට ලක්වන බවත් හෙතෙම පෙන්වා දුන්නේය. 

ඒ සඳහා කල් ගත කිරීම කිසිසේත්ම නුසුදුසු බවත් අද අදම මේ ගැන තීරණයක් ගත යුතු බවත් හෙට්ටිආරච්චි මහතා තව දුරටත් කියා සිටියේය.