(නිමන්ති රණසිංහ)

පුද්ගලයින් 11 දෙනකු අතුරුදන් කිරීමේ සිද්ධියට අදාළව හිටපු නාවික හමුදාපති වසන්ත කරන්නාගොඩ මහතා සහ කොමදෝරු සුමිත් රණසිංහ මහතා යන අය  වගකිව යුතු යැයි විශ්‍රාමික  රියර් අද්මිරාල් ශ්‍යාමල් ප්‍රනාන්දු  මහතා ප්‍රකාශයක් ලබා දී ඇතැයි  අපරාධ පරීක්ෂණ දෙපාර්තමේන්තුව අද (26)කොළඹ කොටුව වැඩබලන මහෙස්ත්‍රාත් ජීවනි බද්දේගල මහත්මිය හමුවේ සඳහන් කළේය.

එසේම මෙම සාක්කිකරු එවකට නාවික හමුදාපති අද්මිරාල් වසන්ත කරන්නාගොඩ මහතා යටතේ සේවය කළ ඔහුගේ ලේකම්වරයා ලෙස කටයුතු කර ඇතැයි සඳහන් කර ඇත.

සිද්ධියට අදාලව රක්ෂිත බන්ධනාගාරගත කර සිටින චන්දන ප්‍රසාද් නොහොත් නේවි සම්පත් ලබන 10 තෙක් තවදුරත් රක්ෂිත බන්ධණාගාරගත කරන ලෙසද මහෙස්ත්‍රාත්වරිය නියෝග කළාය .