(හසිත රංග ගුණතිලක)

පාස්කු ඉරුදින ප්‍රහාරය නිසා ඇද වැටුණු අපේ රට සිංහලේ නාමයෙන්ම ගොඩනැගිය යුතුයි යැයි ශ්‍රී ලංකා අමරපුර මහා සංඝ සභාවේ උත්තරීතර කොටුගොඩ ධම්මාවාස මහ නාහිමියෝ අද (11) පැවසූහ.

අපේ රට සිංහලේ රටක් බවට ප්‍රකාශ කිරීමට බොහෝ දෙනා අමතර බියක් මෙන්ම දැඩි ලැජ්ජාවට යොමු වන කාරණාවක් වී ඇති බවද මහ නාහිමියෝ සඳහන් කළහ.

හෙළ බොදුනුවන්ට අහිමි කළ ලංකාව හෙළයින්ට යළි උරුම කර දීම සඳහා මෙරට සිටින සියලුම හෙළයන් එක් කොඩියක් යටට පෙළගැස්වීම වෙනුවෙන් හෙළ බොදු හඬ සංවිධානය කොළඹ 07 නිදහස් චත්‍රරස්‍රයේදී අද (11) පැවැත්වූ සමුළුවකට එක්වෙමින් කොටුගොඩ ධම්මාවාස නාහිමියෝ මේ බව සඳහන් කළහ.

එහිදී සිංහලයන්ගේ අතීත ක්‍රියාකාරකම් සහ සිංහලයාට අපේ රට රැකගැනීමේ ඓතිහාසික වටිනාකම ඇතුළත් නිදහස් ප්‍රකාශය හෙළ බොදු හඬ සංවිධානය විසින් ධම්මාවාස නාහිමියන් වෙත පිළිගැන්විණි.

(ඡායාරූප - ශාන්ත රත්නායක)