(නාලක සංජීව දහනායක)
 
විදුලි කප්පාදුව සම්බන්ධයෙන් ලබන සිකුරාදා (29) පාර්ලිමේන්තුවේදී පැහැදිලි පිළිතුරක් ලබාදෙන බව විදුලිබල, බලශක්ති සහ ව්‍යාපාර සංවර්ධන අමාත්‍ය රවී කරුණානායක මහතා පැවැසීය.
 
ලබන මස මැද වනවිට විදුලි අර්බුදයට ස්ථීර විසඳුමක් ලබාදෙන බව කී අමාත්‍යවරයා 2014 වසරේ සිට විදුලිය ජනනය කිරීමට කිසිදු වැඩපිළිවෙලක් ක‍්‍රියාත්මකව නැතැයිද  කීය.
 
එබැවින් වැඩිවන විදුලිය ඉල්ලුමට සරිලන සැපයුමක් ලබාදිය නොහැකි වීමෙන් ප‍්‍රශ්න ඇතිවන බව සඳහන් කළ අමාත්‍යවරයා අතීතයට දොස් නොකියා අනාගතයේදී මෙවැනි අර්බුද ඇතිනොවන පරිදි කටයුතු කරන බවද පැවැසීය.
 
කොළඹ, ගලධාරි හෝටලයේදී අද (26) ආරම්භ වූ ආසියා ශාන්තිකර කලාපීය සහයෝගීතා සමුළුවේ ප‍්‍රධාන ආරාධිත අමුත්තා ලෙස සහභාගී වෙමින් අමාත්‍යවරයා මේ බව සඳහන් කළේය.