කොළඹදීය (ඒ.එෆ්.පී)
තායිවාන බැංකුවකින් සොරාගෙන මෙරටට එවන ලද එක්සත් ජනපද ඩොලර් මිලියන 1.3ක (රුපියල් කෝටි 20කට ආසන්න) මුදල සොයාගැනීමට සමත්වූයේ යැයි නිලධාරියෙක් පැවැසීය. 
පුද්ගලයන් දෙදෙනකු අත්අඩංගුවට ගැනීමෙන් අනතුරුව ශ්‍රී ලංකා පොලිසියේ අපරාධ පරීක්ෂණ දෙපාර්තමේන්තුවේ නිලධාරීන් අදාළ මුදල සොයාගැනීමට සමත්ව තිබේ. සොරකමට සම්බන්ධ පුද්ගලයන් සොයා ජාත්‍යන්තර විමර්ශනයක් මේ වනවිට ක්‍රියාත්මක වන අතර තායිවානයේ ‘ෆා ඊස්ටන් ඉන්ටර්නැෂනල්’ බැංකුවේ ස්විෆ්ට් පද්ධතියට අනවසරයෙන් පිවිසි ජාත්‍යන්තර අපරාධ කල්ලියක් එම බැංකුවේ ගිණුම්වලින් එක්සත් ජනපද ඩොලර් මිලියන 60කට ආසන්න මුදල් එක්සත් ජනපදය, කාම්බෝජය සහ ශ්‍රී ලංකාව යන රටවලට යැවූ බව වාර්තා විය. 
කොළඹ පිහිටි බැංකුවක ගිණුම්වලට එවන ලද මුදල්වලින් විශාල ප්‍රමාණයක් ලබා ගැනීමට අත්අඩංගුවට පත් ශ්‍රී ලංකාකියන් දෙදෙනා කටයුතු කර තිබිණි. 
අත්අඩංගුවට පත් අයෙක් ශ්‍රී ලංකා සම්භවය සහිත බි්‍රතාන්‍ය පුරවැසියකු වන අතර අනෙක් තැනැත්තා ශ්‍රී ලංකාවේ බි්‍රතාන්‍යයේ පුරවැසියභාවය හිමි අයෙකි. ඔවුන් දෙදෙනාට මුදල් ලැබී ඇත්තේ ඉන්දියානු පුද්ගලයන් දෙදෙනකු මාර්ගයෙනි. ඒත් සමඟ විමර්ශන කටයුතු තවදුරටත් පුළුල් වී ඇතැයි අදාළ නිලධාරියා පැවැසීය.
“මුදල් හුවමාරු වන අවස්ථාවේදී ඉන්දියානු ජාතිකයන් දෙදෙනක් කොළඹ හිටියා. කෙසේ නමුත් ඔවුන් පැන ගිය” පොලිස් නිලධාරියෙක් ප්‍රංශ පුවත් සේවයට පැවැසීය. 
සොරකම් කරන ලද මුදල් හුවමාරු කර ඇත්තේ එම ඉන්දීය ජාතිකයන් දෙදෙනා වන අතර ශ්‍රී ලාංකිකයන් සැලැස්ම වෙනස් කර ඇතැයි ද තොරතුරු දුන් නිලධාරියා පැවැසීය. අදාළ ඉන්දීය ජාතිකයන් දෙදෙනා සම්බන්ධයෙන් එරට නිලධාරීන්ට තොරතුරු ලබා දී ඇතැයි එම නිලධාරියා කීවේය. 

055