(හැටන් රංජිත් රාජපක්ෂ)                       
ජාතික මහ සභාවේ හැටන් කලාපයේ පළමු කාන්තා සම්මේලනය අමාත්‍යය සජිත් ප්‍රේමදාස මහතාගේ බිරි
වන ජලනි ප්‍රේමදාස මහත්මියගේ ප්‍රධානත්වයෙන් අද (13) හැටන් ඩි.කේ.ඩබ්ලිව් සංස්කෘතික ශාලාවේදි පැවැත්විය.

ඩී.කේ.ඩබ්ලිව් සංස්කෘතික ශාලාව වෙත පැමිණි ජලනි ප්‍රේමදාස මහත්මියව වතුකරයේ තරුණියන් විසින් උණුසුම් ලෙස පිළිගනු ලැබීය.

මෙම සමුළුවේදි වතු ක්ෂේත්‍රයේ කාන්තාවන්ගේ ජීවන තත්වය, ආදායම් තත්වය, වතු කම්කරුවන්ගේ පෝෂණ තත්වය සහ අධ්‍යාපන තත්වය පිළිබඳව විග්‍රහ කෙරිණි.

ජාතික මහ සභාවේ දි අදහස් දැක් වු ජාතික මහජන සභාවේ කැඳවුම්කරු චමීර පෙරේරා මහතා කියාසිටියේ ඉදිරියේදි පැවැත්වෙන ජනාධිපතිවරණය තිරාණාත්මක ජනාධිපතිවරණයක් බවත්, එම මැතිවරණයේදි රාජපක්ෂ පවුල කර ගහගෙන යාමට මේ රටේ ජනතාව කිසිසේත් කටයුතු නොකරන බවයි.

සාම්ප්‍රදායික දේශාපලන පක්ෂවල නායකයින්ගෙන් මිදී පොදු ජනතාවගේ දුක හඳුනන,  පොදු ජනතාව ඉල්ලන පොදු ජන නායකයෙකු මේ රටේ ජනාධිපතිවරයා ලෙස පත් කළ යුතු බව චමීර පෙරේරා මහතා කියා සිටියේය.

ජාතික මහ සභාවේ කාන්තා සම්මේලනයේදි අදහස් දැක් වු ජලනි ප්‍රේමදාස මහත්මිය කියා සිටියේ මේ රටේ සමස්ත  පොදු ජනතාව වෙනුවෙන් කටයුතු කරන අමාත්‍ය සජිත් ප්‍රේමදාස මහතාගේ බිරිඳ වශයෙන් එතුමාගේ දර්ශනය මත ගමන් කරමින්  තමන්ද මේ රටේ පොදු ජනතාවට කැපවී වැඩ කිරීමට කටයුතු කරන බවයි.

සම්මේලනයේදි වතු කම්කරු කාන්තාවන් ඉදිරිපත් කළ ගැටළු සම්බන්ධයෙන් හැකිතාක් දුරට කඩිනම් විසඳුම් ලබාදීමට කටයුතු කරන බවය ජලනි ප්‍රේමදාස මහත්මිය කියා සිටියාය.

ජාතික  මහ සභාවේ පළමු කාන්තා සම්මේලනයට වතුකරය නියෝජනය කරමින් විශාල පිරිසක් සහභාගී වූහ.