(දයාරත්න ඇඹෝගම)


දිවයිනේ විවිධ ප්‍රදේශ වලින් නිවාස බිද සොරා ගන්නා ලද රුපියල් ලක්ෂ තිහකට ආසන්න වටිනාකමකින් යුක්ත රන් ආබරණ සමඟ සැකකරුවන් 12 දෙනෙකු නොච්චියාගම ප්‍රදේශයේදි අද (09) අත්අඩංගුවට ගෙන තිබේ. 


නොච්චියාගම පොලිස් වසමේ හල්මිල්ලකුලම ප්‍රදේශයෙන් සැකකරැවන් 05 දෙනෙකුද ඕලුවැව ප්‍රදේශයෙන් සැකකරුවන් 07 දෙනෙකුද පසුගිය 07 වැනි දින සහ 08 වැනි දින මෙසේ අත් අඩංගුවට ගෙන තිබුණි.


අත් අඩංගුවට ගනු ලැබු සැකකරුවන් සමඟ ඔවුන් නිවාස මංකොල්ල කැම සදහා භාවිතා කරන ලද ව්‍යාජ පිස්තෝල දෙකක්.ජංගම දුරකතන දෙකක්. බොරු කොණ්ඩයක්.දැලි පිහියක්.විදුලි පන්දමක් සහ කුලි පදනම මත ලබා ගෙන තිබු මොටර් රථයක් සහ වෑන් රථයක්ද පොලීසිය විසින් අත් අඩංගුවට ගෙන තිබුණි.


නොච්චියාගම, තඹුත්තේගම,  අලව්ව, අඹන්පොල, වාරියපොල, ගිරිඋල්ල, දංකොටුව, සහ ගිරාදුරුකොට්ටේ වැනි ප්‍රදේශවලද මෙම සැකරුවන් විසින් ගිනි අවි පෙන්වා මංකොල්ල කැම් 19 ක් පමණ සිදුකර ඇති බව පොලිස් අධිකාරි තිළිණ හේවාපතිරණ මහතා මෙම මාධ්‍ය හමුවේදි පැවසිය.


නිවැසියන් බිය ගන්වා මෙසේ කොල්ල කෑ රන් භාණ්ඩ උගස් කර තිබියද පොලිසිය විසින් සොයා ගෙන තිබේ.


සිද්ධියට සම්බන්ධ තවත් සැකකරුවන් සිවු දෙනෙකු ප්‍රදේශයෙන් පලා ගොස් ඇති අතර ඔවුන් අත් අඩංගුවට ගැනිම සදහා විශේෂ පොලිස් මෙහෙයුමක් අරඹා  ඇති බවද පොලිස් අධිකාරිවරයා මෙහිදි පැවසිය